الأعضاء الإشتراك و التسجيل

الملتقيات
ADs

بستلم الفيزا واقدم على القرار، وابي أأجل البعثة, كيف ؟؟؟؟

بستلم الفيزا واقدم على القرار، وابي أأجل البعثة, كيف ؟؟؟؟


NOTICE

تنبيه: هذا الموضوع قديم. تم طرحه قبل 3717 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية BlackProfessor
    BlackProfessor

    مبتعث جديد New Member

    BlackProfessor الولايات المتحدة الأمريكية

    BlackProfessor , ذكر. مبتعث جديد New Member. من الولايات المتحدة الأمريكية , مبتعث فى الولايات المتحدة الأمريكية , تخصصى موظف , بجامعة ما بعد
    • ما بعد
    • موظف
    • ذكر
    • ما بعد, ما بعد
    • الولايات المتحدة الأمريكية
    • Apr 2007
    المزيدl

    November 19th, 2007, 08:36 PM

    الصراحة الموضوع شوي مشوش ويبي له عقول متنورة، وعشان كذا أكيد الموضوع هذا مكانه الصحيح.

    أنا فيزتي جاهزة (في السفارة) ورايح انشالله استلمها واطلع من السفارة إلى الوزارة عشان أقدم على قرار الابتعاث.

    حلو؟ ..... لحد هنا أكيد حلو

    المشكلة إن موعد بدء الدراسة (اللي مكتوب في الآيتوني) هو 17 ديسمبر 2007م
    يعني يمكن يصفى لي أسبوعين بس قبل بدء الدراسة (يعني على ماأروح ويصدر قرار الابتعاث والخ)

    الزبدة إني أبي أأجل الدراسة وطبعا مثل ماهو معروف بمراسلة المعهد وأخذ آيتوني جديد واللي يبيله حسب ما قريت أسبوعين على الأقل، وأنا رايح الرياض السبت (طبعا معاكم محدثكم من الشرقية "يعني لامؤاخزه 400 كيلو")

    وعندي 3 خيارات :-

    هل أروح آخذ قرار الإبتعاث وبعدين إذا وصل الآيتوني الجديد أروح أأجله؟ (يعني اضرب 4 مشاوير للرياض: تقديم على القرار، استلام القرار، التقديم على التأجيل ، استلام القرار بعد التاجيل)

    (((أو)))

    استنى الآيتوني الجديد واروح اخذ الفيزا وبعدها أعطي الوزارة الآيتوني الجديد مع الفيزا لإصدار القرار (هنا مشوارين للرياض: تقديم على القرار، واستلامه)

    طبعاً أنا أفضل القرار الثاني، بس المشكلة ما أقدر أقدم على آيتوني جديد إلا لما أشوف البيتزا (أوه عفواً) الفيزا والسبب إنه لازم يكون الدخول مش أكثر من شهر قبل الدراسة. صح ولا لا؟

    يعني هنا يطلع خيار ثالث ألا (((وهو))):-

    أروح آخذ الفيزا وأرجع اقدم على الآيتوني واذا استلمته ارجع أقدم على القرار على أساس الآيتوني الجديد (يعني 3 مشاوير : استلام الفيزا ، التقديم على القرار ، استلامه)

    بس المشكلة هنا إني أخاف على ما يجي الآيتوني إني أتأخر على الوزارة ويقضبوني الباب ويروح تعب "" 3 سنوات "" هدررررررر !

    الصراحه أنا تعبت من التفكير وياريت من الأعضاء الكرام يشوفون لي الحل والثواب عند رب العالمين
  2. شوف يالغالي ..

    أنا طال عمرك يوم رحت اطلع قرار الابتعاث كان باقي على موعد دراستي يومين !!

    طبعا أجلت دراستي و عطيت الوزاره القرار القديم ..

    الوزاره تطلب الاي توني صحيح .. لكن مو لازم يكون هو نفسه حق موعد دراستك الصحيح !

    يعني تقدر تروح طال عمرك للوزاره و تعطيهم الاي توني حقك هذا .. و يصدرون لك قرار الابتعاث

    و بعدها تأجل دراستك .. و اذا أجلت دراستك مو لازم الوزاره تاخذ الاي توني حقه !

    و على فكره .. ترى مدة قرار الابتعاث 3 شهور .. اذا طلع قرارك و كملت 3 شهور و ما رحت تنلغى عليك البعثه !!

    بالنسبه لـ الفيزا .. لاتشيل همها ..

    يعني عادي لو تدخل امريكا قبل ما تنتهي الفيزا بـ شهر !

    يعني مالها فتره معينه مثلا اذا ما رحت من خلال هالفتره تنلغي عليك ..

    طلعت اشاعات انه اذا استخرجت الفيزا و جلست 3 شهور و ما رحت تنلغي عليك ..

    و هذا كلام خاطئ !

    أرجو إني أفدتك يالغالي
    7 "
  3. الأخ YASSER-M

    كلامك جميل جداً وأعتقد إن هو الحل الأفضل ، ومن ناحية أفدتني أنا أشهد ماقصرت وبيض الله وجهك

    وأعتقد لو بأجل أكثر من 3 شهور رايك آخذ القرار بعدين أرجع أجدده؟

    وجزاك الله خير ووفقك لما يحب ويرضى

    تحيـاتي
    7 "
  4. مثــل مـا قلت لك يالغالي ..

    إذا استلمت القرار ما تقدر تأجل دراستك 3 شهور ..

    لاني مثل ما قلت لك القرار مدته 3 شهور .. اذا مارحت تنلغي البعثه !

    اذا استلمت القرار يالغالي .. الافضل انك تأجل الدراسه لمده لا تتعدى الشهرين ..

    عشان اذا شديت رحالك يبقى شهر كامل و تنتهي مدة قرار الابتعاث .. أضمن لك ..

    بيني وبينك يالغالي ..

    وش لك بـ عوار الراس و التأجيل الى مده 3 شهور ؟

    يعني اذا كان ما عندك شيء .. و ظرفك مو طارئ جدا .. ما يحتاج تأجله ..

    يعني بعض الشباب الله يصلحهم تلقاه يأجل عشان يجلس هنا بس يحس ان الوقت بدري شوي .. و هذا شيء خطأ ..

    و لاتنسى اذا اجلت الدراسه ..

    لازم اذا أجلت دراستك و وصلت لـ المطار الامريكي تسلمهم الـ آي توني الجديد ..

    لأنه بيكون الظرف اللي بالـجواز اللي هو الـ آي توني القديم .. ما ينفع !

    على العموم .. انت إستفسر عن هذا الموضوع ..

    اقل شيء كلم الوزاره عن حالتك ..

    قل مثلا يصلح أجيكم الشهر الجاي و أطلــّع قرار الابتعاث ؟

    لانه عندي ظروف تجبرني اقعد في السعوديه لـ أكثر من 3 أشهر .. !

    عاد اذا وافقوا حدد معهم الوقت اللي تجيهم فيه ..

    لكن أعيد و أكرر .. انت عارف شغل الوزاره زين .. مافيه شيء مضمون ..

    يعني إلحق على عمرك و إصدر القرار و توّكل علـى اللـه .. و تفتك من عوار الراس ..

    و بالتوفيق يالغالي .. و اي سؤال انا حاضر ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.