كلام راعي المكتب يلحس المخ !!!
السلام عليكم..
شباب انا طلعت قبول معهد و طلعت الفيزا
لكني رحت لمكتب عشان يجيبلي قبول جامعة علشان بسرعه انظم للابتعاث ،،، لكنة قال اني ما يمديني اجيب قبول جامعه
الا بعد ما اخلص دراسة المعهد و ارجع للسعودية و اقدم من جديد على الفيزا !!
هل كلامة صحيح ؟و هل قصدة على الاي توني ؟
وهل الملحقية راح تعتبر قبول الجامعة رسمي والاي توني مختلف ؟
وهل اقدر اجيب قبول جامعة وانا توني بالسعودية و معاي الفيزا و قبول المعهد ؟
شباب انامرة متلخبط الحين :(
انتظر ردودكم """
رد: كلام راعي المكتب يلحس المخ !!!
وعليكم السلام ورحمة الله وبركاتة
حاليا انت راح تدرس لغه كم سنه حاب تدرس ..!!
قبول الجامعه ياتي بعد انتهائك من اللغه اذا تبي تنظم جدولك
لانك مراح تحصل قبول الان الا بعد الانتهاء من المرحله الاولى
وما اعتقد انك راح يلزمك تجديد الفيزا ليه فيزتك اي نوع اذا F1
مدتها 5 سنوات << بتدرس لغه كل هالمده ؟؟
:
الان لاتفكر بقبول للجامعه فقط فكر باللغه وكيف تجتازها حتى تصل الى المرحله الثانيه للجامعه
بالتوفيق اخوي
رد: كلام راعي المكتب يلحس المخ !!!
اخوي العزيز انا بدرس انجليزي سنة تقريبا ونوع الفيزا f1
رد: كلام راعي المكتب يلحس المخ !!!
حلو عزيزي
بعد ماتخلص من اللغه وتنجح بامتياز ان شاء الله تقدر تقدم للجامعه
وقتها راح يوصلك بسرعه شوف جامعه قريبه من معهدك افضل لك
وبتكون عندك خبره باللغه وبتقدر تشوف الخيارات متاحه امامك كثيره
:
فرضا جبت قبول للجامعه ودفعت رسوم ولمن تخلص لغه ممكن مايعجبك وضع الي اخترته
وتبي تغير الجامعه وقتها راح تخسر الرسوم وممكن تبي تمدد دراسة اللغه وكذا تتعارض مع بداية الدراسه بالجامعه
الافضل انك تهتم بمرحله الاولى وهو اجتياز اللغه فقط
قبول الجامعه بالوقت الحالي مايلزمك
:)
رد: كلام راعي المكتب يلحس المخ !!!
طيب اخوي اذا تركت قبول الجامعة بعد ما اخلص اللغة .. على كذا ما راح انطم للابتعاث الى بعد اللغة صح ؟
هذا بيكلفني دراسة اللغة كاملة
رد: كلام راعي المكتب يلحس المخ !!!
المعذره اخوي انت لسا ماانقبلت بالابتعاث يعني علحسابك راح تدرس ..!!
وضح لي هالجزئيه علشان ارد عليك
رد: كلام راعي المكتب يلحس المخ !!!
معلومه
اذا راح تدرس علحسابك مبدئيا تقدر اول ماتوصل بلد الابتعاث بفتح ملف دارس علحسابه
وان شاء الله يضمونك حتى في بداية الدراسه ولاتنسى خل معاك فواتير الدراسه
ان شاء الله تجد التعويض وامر الالتحاق يعتمد على الملحقيه
والمعذره خيو اذا فهمتك غلط
:)
رد: كلام راعي المكتب يلحس المخ !!!
رد: كلام راعي المكتب يلحس المخ !!!
يعني اخوي اجيب قبول جامعة ولا اكتفي بالمعهد طبعا عشان انظم للابتعاث ؟
وهل اقدر اجيب قبول جامعة وانا لسا يالسعودية ومعاي قبول المعهد و الفيزا
انا رايح ادرس ماجستير
رد: كلام راعي المكتب يلحس المخ !!!
اللي طالعين على حسابهم الخاص لازم يكون عندهم قبول مشروط
قبول مشروط = قبول اللغة والجامعة في قبول واحد