فلوريدا أو كآليفورنيآ ... سآعدوني بليز

شوف يا غالي انا ماقد رحت امريكا .. ولكني بحث من فترة طويلة و عندي خلفية عن الاماكن ..
و إن شاء الله بروح قريب .. المهم ..
إذا بتسألني بين كاليفورنيا و فلوريدا ..
ما أقدر افضل لك .. لازم تحدد أي مدينة في الولايتين و أي معهد ..
لأن فلوريدا فيها مدن رطوبتها عالية و فيها مدن جوها معتدل ..
ابتكلم لك عن فلوريدا لأني جمعت عنها معلومات اكثر في الفترة الماضية ..
المعيشة في فلوريدا تعتبر من ارخص الولايات اسعار في امريكا و كذلك السكن ..
وهي اكثر ولايات امريكا متعة من ناحية السياحة ..
وان كنت مصمل عليها انا اشوف من خلال النت ان اغلب الذاهبين لها ينصحون بمدينة اورلاندو ..
اما كاليفورنيا .. الي اعرفه عنها انها اكثر ولايات امريكا سكاناً ..

ولو تبي مكاتب فيه مكتب الطيار ..بصراحة انا تعاملت معه و رحت لنيوزلندا مدينة اوكلاند ..
بصراحة المكتب انصح به وبشدة فرعه في الرياض ما ادري اذا فيه فروع ثانية له ..
ولكن المكتب يشتغل بأمانه و معي كان تعاملهم كويس ولا يودونك لمدينة او دولة او ولاية ..
الا وهم معطينك كافة المعلومات عنها و كذلك ينصحونك من خلال خبره ..
يعني لو مثلا محتار بين ولايتين لاتجلس هنا في المنتدى و تنتظر الرد لفترة طويلة ..
لا رح للمكتب يعطيك تفاصيل عن الاجواء والمعيشة وووو إلخ ..

( مكتب الطيار , الرياض )

شكراً لك ..

كلها حلوه كاليفورنيا حلوه بس غاليه ..

فلوريدا ارخص وحلوه وجوها معتدل

florida - orlando
ELS >>> l m3hd

انا ما عشت لا بفلوريدا ولا بكاليفورنيا
بس دامك جاي بس لغه ... اذا حصلت معهد حلو في florida - orlando ... روح لها ... المدينه حلوه واسعار السكن معقوله والمعيشه مو غاليه

والأفضل انك تدور على عائلة امريكية تسكن معاهم ... وخاصة للي يحصل عوائل محترمه وطيبين ... احيانا تطلع معاهم للسوق وممكن تطلع معاهم اذا هم معزومين عند ناس ثانيين وممكن بعد تحضر عيد ميلاد اصحابهم ... المهم اني اشوف ميزاتها كثير حلوه
ولازم تاخذ بعين الاعتبار انك ما تجيب اخوياك إلا بعد ما تستاذن حتى لو بيطلع لغرفتك ... بعضهم يمنعو التدخين داخل البيت

المهم عندك حاجيتين ركز عليها
قوة المعهد + وجود عائلة + مدينة حلوه " منها تمشية ولغه " وبرضو عشان تختلط اكثر بالمجتمع

قبول المعاهد كلها سهل وخلال اسبوع وبالكثير اسبوعين يكون عندك ... اذا حصلت اسم معهد جيد ... ارسلي ع الخاص وانا ادلك على رجال يجيبلك قبول للغه بسعر رمزي
يعني لا تشيل هم القبول اهم شي اختيارك للمعهد

كااليفورنيا ما فيها الا سان ديقو او لوس انجلوس وكلها تعتبر غاليه جدا يعني مصاريفك بتكون عاليه جدا والجو حلو نوعا ما ...

فلوريدا حلوه ورخيصه وشعبها كويس وحاول تشوف المدن لان هذول ولايات كبار وصعب تحدد مين الاحسن لكن كاليفورنيا حاول تبتعد عنها قدر الامكان...

انا احد طلاب كاليفورنيا "لوس انجلوس"


مودتي

انا افضل انك تروح معهد رخيص و غير معتمد لو بتروح لوس انجلوس

فايدت الرخيص انك يمديك توفر و تخرج و تاىجر سياره و فله تحتاج فلوس عندك EF الشهر بي ٢٥٠٠ دولار مررره غالي في معاهد معتمده بي 1200 دولار

و فايده غير معتمد انك ما تلقا عرب و توصلك اللغه اسرع بس الله يعنك على الغربه لانو صعب الواحد ما يلقا عرب

و هاذا راي فيه احتمال صح و خطا

اذا تحب الجو البارد ابعد عن فلوريدا .. توه اليوم صديقي راجع من فلوريدا يقول بالظهر -- حر -- مع ان الحين موسم الخريف يعني الحين جو السعودية احلا من فلوريدا

والله كلام الشباب مضبوط فلوريدا - اورلاندو
وابتعد عن معاهد كابلن ماتصلح يارجال ..

بالتووفيق لك ..