ماحصل لي في المقابلة الشخصية في القنصلية الامريكية في الظهران ..

السلام عليكم و رحمة الله و بركاته ..

اهلين بكل الغالين و الغاليات في منتدي مبتعث ^^ اشخباركم ان شاء الله الكل بخير و عافية ..

اليوم حبيت انزل موضوع ^^ وش صار لي في المقابلة الشخصية في القنصلية الموجودة في الظهران ..

راح احكي كل شىء يالغالين .. عشان يستفيدوا الجدد مثلي لما يروحوا المقابلة الشخصية ..

------------------------------------------------------------

طبعا موعدي كان في تاريخ 12 / 11 / 2011 .. يوم السبت على مااذكر يالغالين ..

المهم رحت للموعد وشليت كل اوراقي الا هي ..

- الاي توني حق المعهد فقط .. لانه ما معي الا هو الى اللحين ..
- شهادات كلها حقت الثانوية .. اول و ثاني و ثالث .. احتياط يالغالين ..
- جواز السفر و هذا اهم شىء ..
- اوراق الموعد حق القنصلية الامريكية .. في الظهران ..
- رسوم الفيزا من البنك الامريكي ..
- و السفيس ..

طبعا هذه الاوراق الا كانت معي بكل صدق ^^ و انا كنت اعتقد اني ناسي ورقة او كذا ..

لكن قلت خلوني اتوكل على الله .. ان جاءت الفيزا زين او ان ماجاءت لاحول ولا قوة الا بالله ..

المهم دخلت ^^ كان فيه مراة تسوي تدقيق للاوراق .. راح تطلب الجواز و الاي توني و رسوم الفيزا ..

تسوي عليها تشيك هي ^^ بعدين تقول لك اجلس الى ان يجي دورك ..

لما يجي دور رقمك ^^ تروح عن اي شباك هي اربع شبابيك .. راح يقول لك الا قدامك ضع اصابعك على حق البصمة ..

و تسوي بصمات ^^ بعدين يقول لك اعطني جوازك و رسوم البنك و الاي توني .. تعطيه الاوراق هذه ..

ثم يقول لك اجلس الى ان يجي دورك ^^ طبعا راح ينادون باسم .. عشان المقابلة .. جاي وقت المقابلة .. انا في اشخاص معي خايفين من هذه المقابلة ..

لكن انا شوف ان كل شىء عادي .. المهم المقابلة ^^ الا امامي كان شخص امريكي يتكلم بلغة عربية فصحى .. ^^

طبعا في اشخاص قبلي قالوا لازم تتكلم انجليزي ولازم تتكلم لغه عربية فصحى قوية ^^ كل هذا الكلام غير صحيح ابدا .. ^^ المهم وقت الاسئلة ..

س1- سبب ذهابك الى امريكا ؟
الجواب حقي : لغرض الدراسة ..

س2 - ماذا فعلت بعد المرحلة الثانوية ؟
الجواب حقي : ولا شىء جلست اشتغل في محال الوالد للالكترونيات .. هههههه
طبعا جوابي هذا مو الصح .. انا لما خلصت من الثانوية درست في المعهد التقني لمدة 3 سنوات .. بعدين اشتغلت في شركة ..
لكن حبيت اتجنب الاسئلة الطويلة حقت الامريكي الا امامي .. لذلك قلت له كذا .. ^^ ههههه

س3 - هل سافرت الى الخارج منذو زمان ؟
الجواب حقي : لا لما اسافر الى الخارج ابدا .. ^^ سالني عن السبب ..
قلت له لاني كنت مشغول في محل الوالد و التجارة حقت الوالد ..

س4 - هل لك اقارب في امريكا يدروسون هنا؟
الجواب حقي : قلت له نعم لدي عمي في امريكا يدرس هناك

س5 - مااسم الولاية التي سوف تذهب لها , وما اسم المدينة ؟
الجواب حقي : الولاية اوهايو ,اسم المدينة او المقاطعه سنسناتي ..

س6 - ماهو اسم التخصص الذي سوف تقوم بدراسته في الجامعه ؟
الجواب حقي : مكانيكا انجنير .

س الاخير - من هو المتكفل في المصاريف اثناء ذهابك لامريكا ؟
الجواب حقي : قلت له الوالد ^^ قال عطيني اثبات , فا اعطيته الشهادة البنكية
حقت الوالد من البنك الامريكي ..
طبعا هم يشوفون المبلغ الموجود في الشهادة كل ماكان المبلغ كبير شوي يكون ممتاز .. اهم شىء تكون فوق 100000 ريال سعودي
طبعا انا خليت الوالد يحط 144000 ريال سعودي .. يعني 38400 دولار .. المهم ..

في الاخير قال روح ادفع رسوم الفيدكس ^^ فقط .. و جلست اربع ايام فقط وطلع الجواز حقي ..

لذلك اقول لكم جميعا ^^ لا احد يخاف من المقابلة حقت الفيزا ^^ كلها اسئلة عادية .. و دام ان كل ارواقكم كاملة ..

اموركم كلها تمام التمام ^^

هذا ماحصل معي في المقابلة الفيزا .. انا حبيت افتح الموضوع هذا .. عشان يعرف وش راح يصير له في المقابلة

و السلام عليكم و رحمة الله و بركاته ..