الأعضاء الإشتراك و التسجيل

الملتقيات
ADs

تغيير المعهد بعد صدور الفيزا وقبل السفر

تغيير المعهد بعد صدور الفيزا وقبل السفر


NOTICE

تنبيه: هذا الموضوع قديم. تم طرحه قبل 4516 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية R A M A D
    R A M A D

    مبتعث مجتهد Senior Member

    R A M A D الولايات المتحدة الأمريكية

    R A M A D , أنثى. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Not yet , بجامعة Not yet
    • Not yet
    • Not yet
    • أنثى
    • Ohio, Ohio
    • السعودية
    • Feb 2011
    المزيدl

    November 18th, 2011, 01:29 AM

    السلام عليكم

    كيفكم شخباركم

    كل ما احتار بشي مالي غير الاستخارة وانتم

    باختصر الموضوع وما اطول عليكم

    انا بعد ماطلعت الفيزا وحجزت طيران لمدينتي

    جاني قبول من جامعة ثانية وهالقبول انتظرته كثير لكنهم في البداية رفضوني

    والحين رجعوا واعطوني قبول جامعة وقبول معهد والقبول بالطريق يومين ويكون عندي ان شاءالله

    يعني الحين انا عندي الفيزا على اي تونتي جامعة ساوثرن نيوهامشير

    والحين جاني القبول الجديد في جامعة رايت ستيت في دايتون اوهايو

    طبعا من كل النواحي جامعة رايت ستيت افضل

    ومدينة دايتون افضل وارخص من مدينة مانشستر

    الدراسة تبدء في معهد جامعة ساوثرن نيوهامبشير يوم 9 يناير

    والدراسة في معهد جامعة رايت ستيت يوم 3 يناير

    وانا حجزي الى واشنطن يوم 29 ديسمبر يعني عندي وقت الحمدلله

    سؤالي لو حبيت اني ادرس في رايت ستيت ماهي الاجراءات اللي لازم اسويها من تغيير للفيزا والايتوني والسيفس وما الى ذلك

    انتظر ردوكم
  2. وعليكم السلام
    انا نفسك تقريبا بعد ماطلعت الفيزا غيرت الولاية وبكذا ماكان قدامي الا حلين فقط والثالث ماني متأكد منه بالضبط
    الحل الأول انك تقدمين على الفيزا من جديد بنفس الخطوات كأنك مقدمة اول مرة الا السيفس يقولون مايحتاج تدفع من جديد لأنك دفعت من قبل لكن للأمانة انا دفعت لأني ماكنت أدري لذلك ما أقدر اجزم 100% ان هالكلام صحيح
    وطبعا تسوين المقابلة وكل شيء نفس الخطوات السابقة اللهم الi20 هو الي راح تغيرينه فقط
    انا يوم سويت المقابلة مرة ثانية ما سألني حتى عن الفيزا الأولى ولا ليش ماسافرت عليها ولا شي لكن هذا مايعني انهم ماراح يسألونك لذلك خلي اجابتك جاهزة احتياط وعلى فكرة الفيزا الاولى اخذت 22 يوم فقط وستلمتها اما الفيزا الثانية قدمت عليها قبل بداية الدراسة الجامعية ب18 يوم ولكن للأسف تأخرو في تسليم الفيزا واضطريت اكنسل السمستر الى ياناير 2012 وقبل اسبوعين من الان طلبو i20 بتاريخ جديد وأرسلته لهم يوم الجمعة الماضي وبالأمس فقط وصلني الجواز يعني اخذ فترة أربع أشهر تقريبا وأعتقد ان سبب التأخير لأن دراستي تبدأ بعد فترة طويلة لكن ذلك لايلغي انهم تسببو بألغائي لسمستر شهر8 هذا طبعا بالنسبة لتجربتي معهم لذلك قد يكون حظك معهم افضل من حظي
    نأتي للحل الثاني وهو انك تسافرين على الفيزا الموجودة حاليا وتدرسين المدة المحددة لك في المعهد على حسب مدة اللفل لأن نظام المعاهد يختلف من معهد الى اخر بعض المعاهد فيها اللفل مدته شهر وفيه شهرين وفيه ثلاثة يعني على حسب نظام معهدك أهم شي تخلصي مستوى واحد عندهم وبعدها تقدرين تحولين للمعهد الي تبينه
    اما الحل الثالث والي ماني متأكد منه لأني ماجربته شخصيا لكن على حسب كلام بعض الأخوان في المنتدى انك اول ماتسافرين على الملحقية تكلمين المشرف وهو بدوره يكلم المعهد تبعك ويحولك يعني شغلة كم يوم بس
    لكن لازم تكونين طالبة مبتعثة من الأساس يعني مو على حسابك طبعا هذه الطريقة قديمة بما انه النظام الان اصبح الكتروني ولا يلزم الطالب السفر الى واشنطن لذلك قد تكون الطريقة تغيرت
    هذا والله أعلم اتمنى اني افدتك وان شاءالله يجي من يفيدك أكثر مني
    بالتوفيق.
    7 "
  3. تسلم اخوي ماقصرت والله اشكرك على ردك الكافي والوافي

    المشكلة ان سفري مابقى عليه الا 40 يوم فقط

    وانا فيزتي اصدرت لي في يوم واحد فقط

    لكن موضوع اني الاقي حجز في قنصلية جدة اتوقع راح يطول وماراح الاقى موعد ولا بعد اسبوعين

    وانا راح ادرس على حسابي

    الخيار الثاني مناسب لي في حال معهد جامعة رايت ستيت وافقوا يأخروا دراستي لفل واحد فقط

    وانا قريت انه يصير اروح على معهد رايت ستيت دايركت وابلغهم من الان ان فيزتي على معهد نيوهامشير

    وهم يتواصلوا مع معهد نيوهامشير ويعملوا لي تحويل

    بس ابغى شي مضمون وما ابغى احط احتمالات قد تكون صحيحه وقد تكون خاطئه
    7 "
  4. المشاركة الأصلية كتبت بواسطة R A M A D
    تسلم اخوي ماقصرت والله اشكرك على ردك الكافي والوافي

    المشكلة ان سفري مابقى عليه الا 40 يوم فقط

    وانا فيزتي اصدرت لي في يوم واحد فقط

    لكن موضوع اني الاقي حجز في قنصلية جدة اتوقع راح يطول وماراح الاقى موعد ولا بعد اسبوعين

    وانا راح ادرس على حسابي

    الخيار الثاني مناسب لي في حال معهد جامعة رايت ستيت وافقوا يأخروا دراستي لفل واحد فقط

    وانا قريت انه يصير اروح على معهد رايت ستيت دايركت وابلغهم من الان ان فيزتي على معهد نيوهامشير

    وهم يتواصلوا مع معهد نيوهامشير ويعملوا لي تحويل

    بس ابغى شي مضمون وما ابغى احط احتمالات قد تكون صحيحه وقد تكون خاطئه
    اذا ماعندك مانع انك تدرسين لفل وبعدها تحولين خلاص اجل ان شاءالله سهلات
    معهد رايت عطاك قبول يعني خلاص مافي مانع انهم مايعطونك قبول ثاني لذلك كلمي معهد رايت من الان وشرحي الوضع لهم وانك تبين قبول ثاني بتاريخ جديد
    وانتي عليك الحسبة شوفي بأي تاريخ ينتهي الفل في معهد نيوهامشير وعطي معهد رايت هالتاريخ وان شاءالله يكون مناسب لهم ومافيه مشكلة اذا زادت المدة اسبوع او اسبوعين يعني ان شاءالله انه راح تتسهل
    بس انتي سوي حسبة بسيطة وبعدها كلمي معهد رايت
    اما بالنسبة انك تروحين للمعهد الجديد مباشرة اعتقد انه هالكلام ماهو صحيح بس مايمنع سؤال المعهد عن ذلك اذا اكدولك توكلي على الله واذا شفتيهم مترددين لاتجازفين خلك بالسليم
    اتمنى لك التوفيق وربي يسهل عليك.
    7 "
  5. مشكورين ماقصرتوا والله

    بادخل على الجزء الثاني من السؤال

    جامعة رايت ستيت اقوى ومدينة دايتون افضل من مانشستر

    والتخصص هو نفسه اللي ابغاه بالضبط

    بالمقابل جامعة مانشستر عادلوا لي 30 ساعه

    بس التخصص تقنية معلومات وانا مالي رغبه كبيرة فيه

    انا راح ادرس بكالوريوس يعني 4 سنوات هذا لو مو اكثر

    اش نصيحتكم اللي تنصحوني فيها الحين

    استمر على مانشستر او ابلغ رايت ستيت يأجلون لي دراسة المعهد لليفل القادم

    وادرس ليفل في مانشستر ومن ثم احول الى رايت ستيت

    لو انتم مكاني اش راح تختاروا
    7 "
  6. انا لو مكانك راح ادرس لفل في معهد مانشستر وهناك راح اكون في قلب الحدث يعني راح اطلع على الدراسة والنظام والمدينة وأسأل الطلاب هناك عن الاوضاع وهل هم مرتاحين او لا وكيف اجواء الدراسة يعني راح اخذ فكرة شاملة عن الدراسة بشكل خاص والمدينة بشكل عام
    وأكلم رايت ستيت يأجلون الدراسة لمدة لفل وبنفس الوقت أحاول اسأل عن رايت ستيت وأكيد راح احصل ناس عارفين الجامعة والمدينة الي راح انقلها او اقل شي يعرفون احد فيها بما أني في امريكا اكيد الصورة راح تتضح اكثر وراح احصل معلومات أكثر عن رايت ستيت وبعدها اسوي مقارنة بين الاثنين وطبعا راح اخذ بعين الاعتبار هالفترة الي عشتها في مانشستر هل ارتحت اولا
    بعد ذلك استخير وأقرر هل ابقى او انقل
    طبعا هذا الي راح اسويه لو كنت في محلك
    اتمنى لك التوفيق.
    7 "
  7. يعطيكم العافيه ماقصرتوا والله

    طيب انا الان قررت اني اغير من الحين

    لان معهد رايت ماراح يعطيني قبول في المعهد الا عالصيف وهالتاريخ بعيد جدا

    الان اش اللي لازم اسويه

    اقدم على موعد للفيزا زي لما قدمت اول مره ؟

    ياليت تعطوني التفاصيل لو سمحتم

    وانا معي تقريبا 40 يوم هل يمدي خلال هالفتره يعطوني الجواز

    مع العلم ان اخذت فيزتي من فرع جدة في يوم 1 فقط بعد المقابله
    7 "
  8. المشاركة الأصلية كتبت بواسطة R A M A D
    يعطيكم العافيه ماقصرتوا والله

    طيب انا الان قررت اني اغير من الحين

    لان معهد رايت ماراح يعطيني قبول في المعهد الا عالصيف وهالتاريخ بعيد جدا

    الان اش اللي لازم اسويه

    اقدم على موعد للفيزا زي لما قدمت اول مره ؟

    ياليت تعطوني التفاصيل لو سمحتم

    وانا معي تقريبا 40 يوم هل يمدي خلال هالفتره يعطوني الجواز

    مع العلم ان اخذت فيزتي من فرع جدة في يوم 1 فقط بعد المقابله
    اذا قررتي تغيرين الجامعة فبدأي بحجز الموعد من الان شوفي اقرب موعد لك واذا كان قريب احجزي عليه واذا كان بعيد حاولي تشوفين الرياض او الظهران
    وبنفس خطوات استخراج الفيزا الاولى سويها مرة ثانية بالضبط مع الأخذ بعين الأعتبار الi20 الجديد وضمان بنكي او كشف احساب بتاريخ جديد والباقي نفس الشيء الا تسديد السيفس مثل ماقلت قبل يقولون مولازم تسدد لأنك سددت من قبل لكن يظل كلام سمعته ماني متأكد واعتقد انه السيفس يخص الفيزا الاولى لذلك لازم اسدد السيفس من جديد لأن الفيزا ثانية هذا من وجهة نظري الخاصة لكن لقطع الشك باليقين راسلي السفارة وتأكدي من هالشيء
    اتمنى لك التوفيق.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.