فيني ضيقه لكن مازال الامل بالله موجد

سوري اختي عندي كمان تعليق
اعرف بنت ما قدرت تجيب الدرجه المطلوبة وكان معدلها عالي زيك ماشالله
وقدمت على جامعه قوية جداً جداً جداً ترتيبها الرابع وقبلوها باعتبار ان عندها شهادة لغة سنة ونص
فأنتي لا تملي وربي يوفقك وابدأي راسلي الجامعات اللي تتوقعين انها تفيدك
وسجلي على اختبار آيلتس احتياط في السعودية وبأذن الله انك تجيبين درجة اعلى
ولو حبيتي ترفعين الدرجة اشوي ردي لي خبر
موفقة

بالعكس ما حطمتني لأني اعرف انها درجه نازله
اشكرك على اهتمامك وردك انا حاليا باخذ كورس عن الايلتس
وبحاول ارفع درجتي على قد ما اقدر عندي اختبار نهايه الشهر بس مدري النتيجه زي ما انت عارف تتطول على ما اعرف كم اخذت حتنتهي مده دراسه اللغه
بس ممكن اعرف ايش الجامعات اللي تقبلني لو درست انجليزي لمده سنه ونص اذا تعرفها الله يعطيك العافيه خبرني ..

أختي الله بيسهل لك أمرك ان شاء الله


أختي انتي اختبرتي مره وحده آيلتس ! أختي أعرف شخص اختبر آيلتس 11 مره لحد ماجاب الدرجة المطلوبة منه .. في بداية اللغة كان يختبر كل شهر مره .. بعدها لما انتصف باللغة صار يختبر كل اسبوع .


اختي انتي حاولي بقد ماتقدرين .. فيه كتب وفيه دورات .. وخصوصا الكتب اللي تجي كلها اختبارات .. وقتي لنفسك زي وقت الآيلتس واختبري نفسك وخذي كل الاختبارات اللي بالكتاب .


اذا جبتي الدرجة المطلوبة منك او على الاقل رفعتي الدرجة فممتاز .


اذا ماقدرتي لا سمح الله .. فالأمر كله ايجابيات ولله الحمد مالها داعي الضيقة والهم .


خذي تذاكر من المللحقية ووقفي بعثتك وارجعي للسعودية ثم ادرسي دراسه ذاتيه مع دورة من المجلس الثقافي البريطاني بجدة او الرياض او الخبر .


مع المذاكر من كتب وغيرها .. لازم تشتغلي على نفسك بشكل كبييييييييييييييييييييييييير .


بعد كذا سوي مثل واحد من الشباب .. يطبع اربع أبلكيشنات للآيلتس ويعبيها ويسجل للتاريخ الفلاني واللي بعده واللي بعده وهكذا .. عشان يحجز مقعد .. لأن مثلك عارفه المقاعد تروح بسرعه .


بعدها اختبري وشوفي كيف مستواك يتطور وايش نقاط قوتك وضعفك .. ثم حاولي تعوضينها لحد ان شاء الله ماتجيبي الدرجة . ثم إبدأي بالتقديم على الجامعات .


اذا جبتي الدرجة وقدمتي على الجامعات وقبلوك .. خلاص اطلبي من الملحقية يرجعون لك البعثه ويفكون عنك الايقاف.


شوفي ايضا اذا يطلبون منك اختبار اخر مثل الجيمات او الجي ار اي للماستر .. لازم اختي تعرفين وش الاشياء المطلوبة بالاول ثم تتوكلين على الله وتسعين بتحقيقها.


أختي أنتي فعلا أخطيتي لأنك مااختبرتي ايلتس الا مره وحده ولا حسبتي لموضوع القبول الا بآخر فترة اللغة .. ولكن !


تأكدي إنك مو أول ولا آخر وحده .. وتأكدي ان هذا كله يمكن تعويضه ..وتأكدي ان دام الأمل موجود .. فانتي قادرة بمشيئة الله تخطي هذه الصعوبات .


فيه جامعه new mexico state university يقولون انها تقبل نسب نازله بالآيلتس.


وفيه جامعة أيضا ولكنها بآلاسكا بالثلوج .. يقولون تقبل درجة نازلة بالآيلتس اسمها :


بحثت عن الموضوع وماحصلته .. عموما صاحب الموضوع كتب الموضوع في مبتعث .. دوري عليه وبتحصلينه من قائمة البحث .. الجامعة على ماأظن تقبل 4.5 للبكالوريوس و الماستر تقبل درجة اعلى منها بشوي


والجامعة بآلاسكا .. ان شاء الله تحصلين الموضوع لأن المنتدى معلق معاي ومو قادر أبحث .


أختي لازم لازم ترفعين درجتك لأقصى حد تقدرين عليه ثم بالاخير شوفي كم تجيبي ودوي على جامعة تقبلها .


ولا تنسين الاختبار الثاني لطلاب الماستر سواء جيمات او جي ار اي اذا هو مطلوب منك على حسب تخصصك وعلى حسب الجامعة .


ه


أسأل الله لي ولك التوفيق .