فيني ضيقه لكن مازال الامل بالله موجد
السلام عليكم جميعا
حدخل في الموضوع ..
انا بعثتي بتخلص وللآن ما جاني قبول ولا فأي جامعه ..
احس احلامي اتبعثرت وكل اللي بنيتو اتهد .. وارجع اصبر نفسي واقول ان شاء الله بيتغير الحال وربي بيفرجها قريبا بإذن الله وعمري ماراح ايأس ..
انا محتاجه احد يساعدني في قبول للجامعه لأن بعثتي على وشك الانتهاء ولازم اوفر قبول فأقرب قت شايله هم وربي اتأزمت نفسيا من هدا الموضوع ..
اتمنى تسعدوني ..
رد: فيني ضيقه لكن مازال الامل بالله موجد
ياأختي الله يصبرك إن شاء الله ويسهل أمورك .
لكن ياأختي أنتي ماذكرتي وش تخصصك .. ولا أي مرحلة دراسية .. ولا درجة توفل ولا آيلتس .
يعني كيف بنقدر نساعد ؟
كلنا نعلم هموم القبول الجامعي وكلنا نبغى نساعد .. ان شاء الله بتتسهل لكن عطينا خلفية عن تخصصك عشان نبحث لك .
والله يوفقك .
رد: فيني ضيقه لكن مازال الامل بالله موجد
وعليكم السلام
فرج الله همك
الصبر..الصبر
رد: فيني ضيقه لكن مازال الامل بالله موجد
الله يعينك ياااارب وانا مقدم جديد على الابتعاث ومحتار وش اختار معهد لانهم ارسلو لي 16 صفحه كلها معاهد يقولون اختار المعهد والى الانا ماادري اش اختار
والله لو عندي شي اقدر افيدك ابشر بس لاكن الشكوى لله
رد: فيني ضيقه لكن مازال الامل بالله موجد
اكتبي معلومات عن التخصص ودرجة التوفل أو الآيلتس والمرحلة الدراسية
رد: فيني ضيقه لكن مازال الامل بالله موجد
الله يسهل أمورك ياقمر.
حاولي تمددين لغة إذا ماكنتي مددتي من قبل وتقدرين تروحين السعودية لمدة ثلاثة أشهر تسمحلك الملحقية.
وبرضه راسلي الجامعات لإن فيه جامعات ماخلص فيها الديدلاين يعني إن شاء الله تلاقين قبول على شهر يناير.
قلبي معاك وإن شاء الله تلاقين قبول في أقرب وقتك.
رد: فيني ضيقه لكن مازال الامل بالله موجد
يعطيكم العاااافيه على المشاركات
رد: فيني ضيقه لكن مازال الامل بالله موجد
الله يعطيك العافيه واشكركم على حضوركم وردودكم والله يكتبلكم الخير وينور دربكم يارب
انا تخصصي جغرافيا وابغى ادرس ماستر في التربيه والتعليم او الجغرافيا واختبرت ايلتس لكن جبت 4 ونص وحاولت اراسل جامعات لكن محد رد عليا ..
معدلي الحمدلله19و3 من 4 ..
اللي يقدر يساعدني بليز يرد عليا ..
رد: فيني ضيقه لكن مازال الامل بالله موجد
اختي والله ماني محطم لك لكن الدرجة حقت الايلتس تعتبر ضعيفة ممكن تجيب لك قبول مشروط
لازم تشدي حيلك اشوي وتجيبي اقل اشوي ومو صعب والله
اعرفي التكنيك واستخدميه وراح تجيبين اعلى ان شالله
موفقة
رد: فيني ضيقه لكن مازال الامل بالله موجد
نسيت ما اقول لك معدلك ماشالله عالي وممكن يقبلوك علشانه ان شالله
وممكن اذا عندك شهادة لغة فراح تفيدك ان شالله