عدة استفسارات من مقبول بالدفعه الثالثه للدراسات العليا - حاسب آلي

اخوي احمد...
ماشاء الله عليك راتبك ممكن تستقطع منه مصروف الى موعد السفر بيطلع لك مبلغ ليس يقليل
انا راتبي الف و800 ومن الحين بديت اجمع وخططي اني ابغى اشتغل هناك وعليك بصلاة الاستخارة...

امشي في البعثة لانه هي المستقبل وتحسن ظروفك واذا على الاجازة بدون راتب ممكن مع الايام ممكن يغيرون رايهم في الموضوع ويحولونها الى اجازة براتب لانهم هم المستفيدين من خبرتك...

تعال الى الملتقى اللي راح يسونه في الشرقية يمكن تتحمس للموضوع وتغير رايك؟؟؟
وتجي معنا...

نراك في الملتقى

دمت بود

نوف

مشكورين على الردود..

انا طبعاً راح احضر الملتقى اللي راح يصير بعد فتره!! وراح نشوف وش يصير علماً كل الناس اللي حولي قالوا رووووح حتى اهلي قالوا روح وترجع لنا بالشهاده!!


اهم شئ الشركه وموضوع الاجازه بدون راتب والخ.. ان شاء الله القى حل ممتاز يرضي الجميع :)


وبالتوفيق :)

الف مبروك القبول اخوي ..

اخوي باتريوت لويزيانا اي نعم ماهي مثل كاليفورنيا بس ترى ماهي لخايسة لهالدرجة ومستحيل تلاقي سكن يصلح للاستخدام الآدمي ب350 .. واذا لقيت سكن مناسب بهالسعر دلني عليه الحين ولك مني الحلاوة

وبعدين أخوي شكل معهدكم كرف .. أجل يكرفونكم أكثر من ماستر الحاسب ؟! .. أنا حالياً أدرس ماستر حاسب وطالعة عيني من الواجبات والمشاريع

بالتوفيق للجميع

ياجماعة نصحوني زوجتي جايتها بعثه أمريكا على الحاسب الألي وودها تتخصص( نظم معلومات ادارية ) امتداد البكالوريوس ...اي ولاية زينه واي جامعه تهتم بهذا التخصص؟

علما أن لي صديق يدرس في جامعة بورتلاند ولاية أوريغون ونصحنا نسجل عندهم ..وش رايكم ؟
ولغتها الانجليزيه موش ولابد.

أخوي أحمد انا موظف في إدارة احد البنوك في الرياض وراتبي ولله الحمد مثل راتبك ويمكن انت ازود وتخصصي كمبيوتر ساينسز خريج الملك سعود ... وظيفتي في البنك في ادارة الاصول في اهم موقع في البنك واموري الحمدلله تمام التمام .. الوظيفة ما تتصورها لها مزايا جدا روعه ... تذاكر سفر مجانيه .. بونص على كيف كيفك ... طبعا استلم 18 راتب في السنه وانت عارف النظام .. انتم سابك اتوقع 16 راتب .. وبرضوا لا تنسا الراتب اللي في رمضان استلمه يمكن ما عندكم الشي هذا ... وانا ياخوك احمد ما جيت استعرض وظيفتي والا شي زي كذا ... لكن يوم طلع اسمي مقبول بالابتعاث .. وربي ما تتخيل الفرحه اللي حسيت فيها ... الوظيفة . اسمعني .. صدقني لما تجي من هناك وقسم قسمات راح تلقى افضل منها بكثييييييير .. والسعودية السنوات الخمس القادمه راح تتطور وتكثر فيها المشاريع والشركات وراح يصير طلب موظفين ما راح تتصوره
ولا تنسا انك تملك خبرة في شركة من اقوى الشركات عالميا ... وصدقني لو تحسب تكاليف البعثة اللي راح تخسرها الدولة عليك لا تقل عن 300.000 ريال سعودي ... من يحصّل الشي هذا مجاني ويرفضه .. صحيح الواحد يتعب شوي هناك لكن اتعب وانا صغير واحصل على مؤهل قليل من يحصل عليه وخاصة من دوله متقدمه وارتاح لسنواااات بعدين ... عموما اخوي احمد انا ما اجبرك على الشي هذا لكن .. من شاور ربه ما خاب .. استخر ياحبيلك وشف اللي ترتاحله نفسك .. والوظيفة لا تنقل همها بتلقى احسن منها اذا رجعت ... وانا مجرد استلم امر الابتعاث راح اقدم استقاله واجلس شهر الانذار بالوظيفة وانت عارف ايش شهر الانذار .. وبعدوو على طول لأمريكا والله يوفقنا يارب ويحطنا في خيرته المباركة .. وعقبال ما نصير ان شالله زملاء هناك
على فكرة انا ناوي آخذ الماستر تخصص يختلف عن مؤهلي البكالوريوس ... ناوي على انترناشونال مانجمينت((ادارة دوليه)) أقدر آخذه والا لا .... اتمني منك اخوي باتريوت تفيدني بالشي هذا بحكم انك مثل تخصصنا حاسب آلي ماستر وبرضو سمعت حقين الحاسب لازم يختبرو جي ار اي موب لازم التوفل يعني والا كيف؟والله يوفقك يارب
تقبل تحياتي ... اخوك فيرساتشيـ

أخوي فرساتشي

اختبار التوفل هو اختبار انجليزي مثل ما انت عارف .. لكن الجي آر اي هو اختبار قبول ويعتمد على الرياضيات والانجليزي والاثنان لا علاقة لهما ببعض

بعض الجامعات ماتطلب جي آر اي على فكرة ..

بالتوفيق للجميع

مشكور أخوي لا يفوتك على التوضيح ... لكن ودي اوضح لك استفساري عشان اعرف اكثر

انا حاب اكمل ماستر في ادارة الاعمال تخصص انترناشونال مانجمينت ..
اول شي اقدر والا لا ؟
اذا كنت اقدر وش المطلوب من الاختبارات توفل جي ار اي .. ابيك تفصلي تفصيل ممل يالبى قلبك والعذر على التثقيل

اشكرك اخوي الي رديت علي
بس ياخوي في ناس كتبو ان المعهد للجامعة سيئ وربحي لدرجة غير طبيعية يعني يهمة المادة مايهمة الاستفادة لطالب واذا في هومورك كثير يعني على مااعتقد ان المسالة ذر الرماد بالعيون علشان تقول ان المعهد صعب ومهتم بالطالب بس بدون استفادة ايش الفايدة اخذ هومورك كثير بدون تعليم صح وتاسيس ارجو التكرم اخوي بتريوت على هذا الكلام

اخوي لايفوتك انا شفت تعليقك وردك وفعلا حاب اتواصل معاك على الخاص تسمح لي اذا تسمح بس تذكر لنا اسم الجامعة الي تدرس الان حاليا فيها ويعطيك العافية

اقتباس:

---

المشاركة الأصلية كتبت بواسطة فيرساتشيـ

مشكور أخوي لا يفوتك على التوضيح ... لكن ودي اوضح لك استفساري عشان اعرف اكثر

انا حاب اكمل ماستر في ادارة الاعمال تخصص انترناشونال مانجمينت ..
اول شي اقدر والا لا ؟
اذا كنت اقدر وش المطلوب من الاختبارات توفل جي ار اي .. ابيك تفصلي تفصيل ممل يالبى قلبك والعذر على التثقيل

---

هلا ياغالي .. اعذرني على التأخير بس تعرف فارق التوقيت

الجامعات ماعندها مشكلة انك تكمل في ادارة الأعمال بس بيطلبون منك تدرس مواد إضافية (بري ريكويزيت) قبل ماتنضم لبرنامج الماجستير .. يعني مدة الدراسة بتكون اطول

المشكلة في الملحقية هم اللي مايوافقون انك تكمل في غير الامتداد .. لو عندك واسطة ظبط عمرك

التوفل يالحبيب مطلوب للطلاب الأجانب مهما كان التخصص وفي جامعات تطلب اختبارات بديلة مثل الميشقن .. اختبار الجي آر اي مطلوب للأقسام العلمية مثل الهندسة بمختلف تخصصاتها والعلوم وما إلى ذلك (طلابب الدراسات العليا طبعا) وهو اختبار قبول ويدخل في معايير القبول مع المعدل ..

اذا تبي تدرس إدارة أعمال بيطلبون منك اختبار جيمات بدلاً من الجي آر اي .. هالاختبار أيضاً اختبار قبول مطلوب لتخصصات البزنس ومشتقاته

ومثل ما ذكرت سابقاً .. هناك جامعات لاتطلب جي آر ي وجيمات .. وهناك جامعات اذا درست في المعهد الخاص بها لاتطلب توفل كذلك ..

أتمنى تكون وضحت الصورة ياغالي .. وتحت أمرك لو عندك أسئلة اضافية

اقتباس:

---

المشاركة الأصلية كتبت بواسطة free

اشكرك اخوي الي رديت علي
بس ياخوي في ناس كتبو ان المعهد للجامعة سيئ وربحي لدرجة غير طبيعية يعني يهمة المادة مايهمة الاستفادة لطالب واذا في هومورك كثير يعني على مااعتقد ان المسالة ذر الرماد بالعيون علشان تقول ان المعهد صعب ومهتم بالطالب بس بدون استفادة ايش الفايدة اخذ هومورك كثير بدون تعليم صح وتاسيس ارجو التكرم اخوي بتريوت على هذا الكلام

اخوي لايفوتك انا شفت تعليقك وردك وفعلا حاب اتواصل معاك على الخاص تسمح لي اذا تسمح بس تذكر لنا اسم الجامعة الي تدرس الان حاليا فيها ويعطيك العافية

---

انا طال عمرك في جامعة نيو أورليانز .. وتحت أمرك