عدة استفسارات من مقبول بالدفعه الثالثه للدراسات العليا - حاسب آلي

السلام عليكم

انا عندي استفسارات راح تساعدني باتخاذ القرار المناسب..
انا تخرجت من البترول قبل سنتين تقريباً وتوظفت بسابك بوظيفه جيده وراتب فوق 10 الاف ريال وعندي شقه جديده من شقق الشركه وسياره اوروبيه جديده ومابقى اللا الزواج وتصير حياتي 10 على 10

طبعاً انا مبسوط بكل شئ حولي وطبعاً انا قدمت على البعثات رغبةً مني اني اكمل دراستي + اني اشوف الدنيا اللي انا فيها واتعلم منهم وارجع بلدي وافيدها.. شركة سابك ماتعطي على حد علمي اجازه بدون راتب.. وهذي مصيبه.. كان خاطري ادرس على حساب الدوله وبعدين ارجع لشركتي اكمل فيها وبالعكس هم راح يسفيدون كثير من دراستي ومن الاشياء اللي راح اتعلمها هناك ويمكن افيد الشركه اكثر واكثر!!

انا قريت عدة مواضيع بقسم طلاب امريكا ولقيتهم يشتكون من اشياء كثير من ناحية المعيشه!! فقلت بنفسي انا باحسن حال، ليه اروح هناك واعيش حياه يمكن ماتناسبني!!


سؤالي: هل يستاهل هذا المشوار واللي يبدا من اليوم الى مارجع بالشهاده؟ او مايستاهل كل هذا التعب؟
السكن ومادراك مالسكن؟ هل السكن بشقه افضل من سكن الجامعه؟ طيب مافي طلاب يسكنون مع بعض ببيت مستقل؟ او مع عائله؟
الاكل وهذي هي مصيبتي.. اتعب جداً عشان اكل شئ ماعرفه... يعني من جد معاناه معاي موضوع الاكل هذا! :(
المكافأه؟ هل تكفي؟ او لازم اصرف من جيبي الخاص؟
المواصلات؟ هل تستخدمون السيارات؟ او المواصلات العامه؟
الويك اند؟ وش تسوون فيه؟ هل في شئ معين او كل اسبوع له جوه الخاص؟
العمل والجامعه؟ اقدر اشتغل part time job؟ انا كنت اشتغل بالجامعه وانا ادرس واستفدت كثيييييييييييييييير من الـ part time job

طلاب الدراسات العليا؟ كيف وضعهم؟ هل وضعهم خاص؟ كرف؟ لدرجة انه مايلقى وقت يستمتع فيه؟ والخ..


وشكراً

اي والله انت صادق ؟؟؟!!!!!
ياريت احد يرد علينا

مرحبا اخوي
اذا انت في سابك,, موظف رسمي مو مع كونتراكتور,, فما انصحك تجي
بتقول ليش؟؟
اولا من ناحية مالية,, راح تخسر مبالغ كبيرة تصل الى 300 الف ريال
ثانيا,, يمكن ماراح تستفيد كثير من الماستر,, الخبرة يمكن افضل
ثالثا,, ماتظمن وظيفة بعد ماترجع

هذي السلبيات,, لكن في المقابل هناك ايجابيات
1- العيش في الغربة وبلاد اخرى يعتبر تجربة حياة جديدة,, شي ما اقدر اوصفه لك,, شي غير مادي,, تفتح عيونك على اشياء ماكنت تدري عنها,
2- تطوير لغتك,, "ولو انكم ماشاء الله طلاب البترول لغتكم قوية,, بس ايضا ممكن تطورها افضل "
3- البعد عن جو الوطن اذا ودك تريح دماغك شوي :)
4- اذا بتدرس MBA شي طيب جدا وراح تفيدك في مستقلبلك الوظيفي كثير



بالنسبة للمعيشة,, فهي تختلف كثير من مكان لمكان,, ويصل الاختلاف الى 500% احيانا!! "من ناحية السكن اللي هو اهم شي"
مثلا كانو معي شباب درسو فترة في لويزيانا,, وهي ولاية سيئة جدا وخايسة,, شقة 2 بدروم فيها جديدة بــ350 دولار بس!!!
واحد منهم راح لكاليفورنيا,, صارت تكلفة الشقة 2 بدروم بــ1480 دولار!
وتختلف الاسعار من ولاية لولاية ومن مدينة لمدينة,, لكن اذا تجنبت الولايات المشهور بارتفاع تكلفة المعيشة فيها ممكن تعيش مبسووووووووووط, مثلا ساندييقو-سان فرانسيسكو- ونيويورك وواشنطن دي سي, بوسطن, سياتل, شيكاقو, ماتصلح للي يبي يفلها,, بس مدن مثل انديانابلس, هيوتسن, دالاس, بورتلاند, كليفلاند, مينيابلس, دنفر, اوهاها, تعتبر مدن متوسطة في تكلفة المعيشة, يعني الشقة 2 بدروم بـ900 دولار تزيد او تنقص
وهناك مدن اصغر, مدن جامعية,, تلاقيها ارخص وارخص , في ولايات جميلة, تحصل فيها الشقة بـ600-700 دولار
مثلا عندنا في بورتلاند الشقة بـ900 دولار برا الداون تاون,, "تقريبا" في مدينة ثانية اسمها يوجين بـ650 دولار تلاقي شقة بجنننننننب الجامعة , والشباب هناك مبتلشين بالفلوس يجمعونها ويتفرجون عليها ههههههههههههههههههه
يعني اللي بوصله لك ان الموضوع يختلف بشكل كبير من مكان لمكان

وفيه طلاب كثير سعوديين يسكنون مع بعض للتوفير, وايضا علشان يوسعون صدورهم,, يعني ماذكر اني سألت واحد ساكن لحاله وقال اني مبسوط,, صح تستفيد محد يزعجك,, بس تبدا تلعب فيك الهواجس وووو
واغلبهم يتمنى لو انه مرمت مع واحد "الظاهر تعرف وش معنى مرمت :)"

وممكن ايضا ترمت مع امريكان وتوفر ايضا,, وهذي الامريكان كثير يسووها وفيه مواقع حلوة لهالشي اذا تبي (فيه سعوديين كثير بدو يسكنون مع امريكان -غير عوائل-)

بالنسبة للمواصلات,, بصراحة السيارة ضرورية,, انا استخدمت المواصلات العامة مدة 3 شهور وتعبت واندمرت نفسيتي,, تاخر عن المحاضرات, ضياع وقت, انتظار اما في الحر او البرد او المطر, تركب لك احيانا مع لحوج الله لايوريك تلاقيهم مسوين انواع الازعاج, غير كذا توقف باوقات معينة,, مثلا رايح تسهر في الويكند مع الشباب يوقف الباصات بعد 1 في الليل, واحيانا تنتظر نص ساعة طفش
الويكند؟؟؟؟؟؟؟
كل واحد وله جوه,, بعض الشباب الله يهديهم جوهم نايت كلوبز وشراب, وبعضهم جوهم يجتمعون وسوالف,, يعني مافيه شي محدد
بالنسبة لطلاب الدراسات العليا, (انا مثلك ماستر حاسب الي بس توني في مرحلة اللغة) فهو كرف بس شي ممتع,, يعني اهون بكثير من مرحلة اللغة,,
وانصحك تختبر التوفل من السعودية وتجي مرة وحدة للماستر ولاتضيع وقتك, خصوصا ان لغتك جيدة بحكم الاورينتيشن اللي اخذته في البترول

٨
٨
٨
٨
الله يسعدك يارب طيب عندنا استفسار كيف الوضع هناك مافي مضايقات بالصوره اللي واصلتنا ولا كيف
لان كثير خوفوني من ناحيه الفيزا واجراءات المطار فيا ريت تفيدنا دام انت بوسط الحدث
<<<<< اخذت وجه من كثر الاسئله:122:

الله يسعد الجميع ان شاء الله
بالنسبة للمضايقات فهي قليلة جدا جدا وماتستحق الواحد يلغي الدراسة علشانها,, انا ماتعرضت لأي موقف ودايم كل ماسألوني من وين انت اقول من السعودية ولاشفت شي, ماتسمع الا ohhhhh that's awesome!, cooooooooool
طبعا مجاملة ويعطونك جوك لاتصدق عمرك :)
وحتى لو فيه مضايقات ماراح تتجاوز شخص يمد لسانه,, لأن مدة اليد يحسبون لها الف حساب وحساب لأن فيه قانون
يعني انا مرة وحدة بس كنت في محطة القطارات,, وكان معي واحد سعودي نسولف بالعربي << اكيد بالعربي يعني بتسولفون بالايطالي؟؟ :D,, سمعونا عبيد سكرانين , قالو من وين انتم (يقول وهو ينفخ),, قلنا من السعودية, قام قمط العافية :D:Dويقول بن لادن طالبان ويسوي حركة اطلاق النار بالرشاش ويقول انتم سفاحين وووو:D هههههههههههههههههههههه
بالنسبة للمطار فيوجد تفتيش على كل سعودي , بعد ماتقص البوردنق بيعطونك فيها رمز SSSS يعني تفتيش خاص,, تدخل جوا جهاز غريب يبخ عليك هوا ويفتشون الاجهزة اللي معك علشان يكشفون عليها (يمسحون عليها بقطنة علشان اذا فيها مواد كيمائية مشتبه فيها)
بس ميزة هالتفتيش انهم سوو فينا خير,, لأنك ماتصف مع السرا اللي ينتظرون :) وتخلص قبلهم:)
بالنسبة للفيزا فهي المعاناة,, مدري هل تحسنت السفارة من بعدنا؟؟ المشكلة هي في طول مدة الانتظار للحصول على موعد,, وبعدها اما يعطونك الفيزا بعد اسبوع,, او اذا انت من عوايل محددة راح يلطعونك فترة ويقولون راح نتصل عليك

٨
٨
٨
٨

عبيد وسكرانين يماااااااااامي:95:

هذا وانت ولد اجل كيف البنات بالحجاب:101: الله يستر

يعطيك العافيه اخوي

اقتباس:

---

المشاركة الأصلية كتبت بواسطة zaina & na7ol

٨
٨
٨
٨

عبيد وسكرانين يماااااااااامي:95:

هذا وانت ولد اجل كيف البنات بالحجاب:101: الله يستر

يعطيك العافيه اخوي

---

هههههههههههههههههههههههههههههههههههههههههههههههههه هههههههههههههههههههههههههههههه


رد وحده خوافة:119:

٨
٨
٨
٨
يجيلك يوم نشوف لما يطلعولك اي تسوي:121:


وترا انا مو خوافه بس عشان قافيه الرد <<<من جنبها:122:

تحياتي للجميع

طيب الاخ بتريوت ممكن سؤال تعرف جامعة تعطي قبول مشروط للحاسب الالي اعتقد الان اغلب الجامعات الامريكية ماتعطي قبول مشروط من ضمنها والله العالم انك في جامعة بروتلند ستيت يونفرستي وسيق قابلت المسؤول عن هذة الجامعة وقال مانعطي للاسف قبول مشروط وايضا سمعت ان معهد هذة الجامعة في اللغةسيئ جدا نحتاج رايك اخوي بتريوت

وشكرا لصاحب الموضوع

اخوي انا قبولي مو في بورتلاند ستيت,,
وعندنا شباب ماستر حاسب الي فيها قابلتهم, قبولهم مشروط باللغة؟؟ شي غريب
بالنسبة للمعهد مالك لوا,, المعهد قوي ومنهاجه ممتازة, بس عيبه يكرف بشكل غير طبيعي في الهومووركز