اختباري الايلتس بعد شهرين قلق

سلام عليكم،
عندي اختبار ايلتس بعد شهرين من الآن وعندي قلق والله أول شي بقولكم قصتي
انا اول مارحت امريكا ماعرف الا يس ونو ونو سبيك انقلش
وتخرجت من معهد UCLA بديت فيه من ليفل 100 وتخرجت من ليفل 102 والظاهر اخر مستوى 106 مدري
107 المهم انا بالسعودية الحين وفترة لغتي خلصت ولغتي الانجليزية اقل من المتوسط للأسف
وخصوصا قعدتي عند اهلي 6 شهور احسها زادت الطين بلة بخصوص انجليزيتي بس قرايتي حلوة
الحمدلله اتكلم شوي بس كلمات سهلة استماعي جيد الكتابة عقدتي اقدر نص صفحة وصفحة كاملة بالقوووة
أنا اعوذ بالله زي الموسوس دايما اقول لنفسي بكرة راح اذاكر بكرة راح احضر
خلاص بلا دلع بكرة يعني بكرة وزي كذا بس كلام لين ماعدت 6 شهور بدون ما اذاكر او احضر شي ع النت
الله يهديني مدري وش الحل ما احس باستمتاع اذا ذاكرت انجليزي او اقرى
احسني مغصوب
جامعتي طالبة 5.5 واختباري راح يكون بالسعودية .. ابغى بس كل واحد يقولي عن تجربته مع الاختبار او تجارب سمعها وهل تظنون بالنسبة لواحد بمستواي يقدر يجيب 5.5 ولا لا بدون مجاملة ؟ والله قلقاااااااان مررة وشايل هم

ياخوي لا تخاف امورك تتسهل ان شاء الله .. بالنسبة للايلتس
اول شيء بيجيك جزء اللسننق شوف لا تخلي اي فراغ فاضي حاول تعبي اي شيء او شيء تحس انه يركب بمكانه اذ مانت متأكد من الاجابة
جزء الريدنق انت وفهمك وحاول تجتهد فيه
بعده يجيك الرايتنق الاول يجيك رسم نموذجي فيه نسب لشغله معينه ويعطيك النسب وكذا ويكتب سطرين وش سالفتهم .. ويقول اكتب اسي عنه ..
الجزء الثاني من الرايتنق يجيك موضوع مثلا عن الوظايف بامريكا ويطلب رايك ..
او مثلا الاجهزه الالكترونية مع الاطفال ويقولك عطني الفوائد والمضار .. ولا تنسي مو مهم يكون كلامك صح وعين الصواب المهم صياغتك للكلام وشرحك للنقطه ..
واذ جاك موضوع صحب لا تحاول انكك تتطرق لداخل الموضوع وتسوي فيها فاهم وانت بجنب القده .. وعلى قولتهم DO YOUR BEST
بعده يعطونك بريك لفتره ومدتها اقل شيء اتوقع ساعة ويجيك قسم السبيكنق .. يتكلمون معك بكذا موضوع .. اسمك حياتك ليش تدرس انقليزي مثلا بعيد يعطونك موضوع معين .. يقولون فكر لمدة دقيقه وراح تتكلم لمدة دقيقتين ويعطونك الموضوع .. مثلا وش رايك بالناس الي تفرط بالفلوس وما يحفظون الفلوس .. انت تعطي رايك وحاول تتكلم ورتب الجمل ولا تنسي الترانزشن راح يرفعك بالدرجات ..

ولا تنسي حالتي مثلك ..
انا اختبرت 3 مرات بالايلتس الاول جبت 5 والثاني والثالث 4.5 وفترة اللغه بالبعثه تنتهي بديسمبر .. والله يعين وانا قاعد انتظر القبول من كذا جامعة
لاتنساني من دعواتك واي سوال حاظرين .

شوف الرابط هذا يفيدك
http://www.mbt3th.us/vb/forum52/thread76200.html
وبالتوفيق ..

5.5 سهلة وتقدر تجيبها
لكن بوضح نقطة هامة جداً قد تغيب عن ذهن المتقدمين لاختبار الايلتس وقد تسبب تدني درجاتهم الا وهو جزء الاستماع ( تعتبر الاجابة خاطئة فيه حتى لو اخطيت في السبلنج ولو حرف واحد او مثلا كتبت الاجابة صح واضفت لها كلمة ثانية))) تعتبر الاجابة خاطئة ) فالتركيز ضروري

اخوي luv10 اسمح لي اكون مختلف معك بجزء بسيط بهذه النقطه .. انا اختبرته 3 مرات والله اطلع من الاختبار والاجوبه الي متأكد فيها باللسننق ما تزيد عن 6 من اصل 40 اضن
ولما توصلني درجة الايلتس اخذ في اللسننق 4.5 او 5
انا ما اعرف كيف حسبتهم بس اكيد لما تجيب السبلنق مضبوط والاجابة الصحيحه يعطونك درجة كامله عليها < والشيء هذا ما اختلفنا عليه .
بس النقطة الي عندي اني متأكد انه بتجي حاجات ماراح يفهمها لانه بالاكسنت البريطاني كما هو معروف .. فـ النقطه انه يحاول يفهم القصه والمين ايديا (MAIN IDEA ) على قولتهم وبوقت الاجابة يحاول يتوقع ويقرا السوال اذ مو عارف الاجابة الصحيحه يحاول يجيب شيء مقارب له او يحل محله
واذ تبي امثله اقدر اعطيك علشان اقنعك بالي حصل معي ..
وبالتوفيق للجميع .

بيض الله وجهك اخوي معاذ،
وشكراً لك اخوي لوف
يعطيكم العافية والله يوفقنا واياك يامعاذ ونجيب 6.5 بالصدفة

الا انا اخذت فررة على قوقل اقرى تجارب المقدمين ع الايلتس
وحده قطرية بمنتدى قطري تقول ماعرف من الانجليزي شي الا My name is وحضرت للاختبار بس يومين وركزت اكثر شي ع جزء الرايتنق
والسبيكنق ع اليوتوب
وتقول جابت 6.0 من اول مرة

الثاني واحد هنا بالمنتدى خريج ثانوي طبعا الدول الاوروبية للطب زي هولندا تطلب درجة الايلتس
الولد هذا اول ماتخرج من الثانوية مادخل معهد انجليزي ولا درس برى ابدا ويقول ان لغته من الافلام
حظر للاختبار لمدة شهر وجاب 6.5

وانا عندي شك بمصداقية قصص النت وش رايكم بتجاربهم الاثنين ؟ ممكن تكون صحيحة ؟

سوف تنجححححح لاتقلق

اممممممممم ٥.٥ اقل شي مفروض تجيبها بعد فترة اللغه
ومن تجربة التصحيح في السعودية مختلف يعني ان شاءالله جايبها
.
.
بالتوفيق

الله يوفقك يارب