الأعضاء الإشتراك و التسجيل

الملتقيات
ADs

حوار نرجو تفعيل حمـلة الملتقى لزيادة المكافئات للاطفال

حوار نرجو تفعيل حمـلة الملتقى لزيادة المكافئات للاطفال


NOTICE

تنبيه: هذا الموضوع قديم. تم طرحه قبل 2218 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. والله مشكلة كبيرة يعاني منها اغلب المبتعثين وشئ صراحة مو منطقي ابدا المفروض المكافأة على قدر الإحتياج

    يعني حضانة على الأقل ب600 وأحيان توصل 1200 في بعض الولايات مع مصاريف الطفل مقابل 280

    اتمنى تكون هناك وقفة جادة من الأخوان المبتعثين للضغط على الملحقية لإيجاد حلول عاجلة
    7 "
  2. نرجو من الجميع ارسال فاتورة تعويض عن الحضانة للملحقية كل يوم الي موقع المحلقية كخطوة اولي ان شاء الله يتم الاستجابة لمواصلة النداء واذا تم عدم الاستجابة يتم ارسال الفاتورة الي معالي السفير واذا تم رفض ذلك يتم رفع الفاتورة الي مقام سيدي خادم الحرمين الشريفين ابو متعب وراح ترى الخير حفظة الله
    7 "
  3. السلام عليكم ورحمة الله وبركاته
    حقيقة ما ابغى احبطك لكن عنى خلاص قطعت الامل فيهم وفي زيادتهم -رغم احساسي انها ان شاء الله مع الميزانية القادمة ان كان الله كتبها لنا ولنا فيها خير-
    انا شخصيا سمعتها من الملحق الدكتور:الموسى قبل 7 شهور انه حيكون فيه زيادة لمخصص الطفل حتى 500 دولار بعد 6 شهور (وانظر لقلة المبلغ وطول المدة ما كأنهم حاسين بمعاناة المبتعثين) ولعلمك قبلها بستة شهور الدكتور:العيسى اعلن في ملتقى جدة للمرحلة السادسة وانتوا طيبين-يعني قبل اكثر من سنة-انه جاية الزيادة وقريبا جدا!! وعلى كلامه حسسنا انها بنفس ذاك الشهر اذماهو ذاك الاسبوع او حتى اليوم وانتظرت وغيري قبلي وبعدي كثر انتظر وانتظر وانتظر لكن شكله ما في مطر..... فعنى خلاص متى ما جات جات لكن والله الواحد يحزن ويزعل لمن يشوف معاناة العوائل باطفال
    بالنسبة لي المكافاة نوعا ما شبه كافية والحمدلله لكن العجر دائما في مخصص الطفل(272$فقط!)والله ماتكفي ولا حتى لاسبوع واحد في حضانة محترمة في الدي سي وشمال فرجينيا-باستثناء بعض الكنائس وبشروط غريبة اوحضانات الدخل المحدود بمساعدة wic-منظمة لمساعدة الامهات الفقيرات واطفالهم!-اوالحضانات غير الرسمية وشوف عاد مشاكلها اللي مالها اول ولا اخر عني ادفع 800 دولار بالشهر لعائلة باكستانية مسلمة لكن لالغة ولا تعليم والله اعلم بوضع الطفلة عندهم وقد ايش اهتمامهم بها لكن الله يحفظها ويحفظ عيال المسلمين عنى استودعتها الله-ولو فكرت وأعوذ بالله من كلمة لو, في حضانة محترمة لمن سالت جاني حزن واحباط وياس وخوف وغضب كدت بسببه الغي البعثة اقسم بالله على 1850 الى 2200 بالشهر عموما حقين الملحقية عارفين بالوضع وهم مسجلين اولادهم بهذه الحضانات لكن ما فكروا بالامانة وما اهتموا باولاد غيرهم وما وصلوا صوتنا وشكوانا لكن الله وحده سميع الدعاء,وترى مجلس الشورى عدة مرات ناقشوا الموضوع والجرائد الاكترونية والورقية ماقصرت نشرت في الموضوع مرات ومرات......
    ما أطول اكثر من كذا!!! ,يمكني مسحت اكثر من ما كتبت بالرد كله ما ابغى اغلط على احد او اتجاز حدود الادب لكن والله اللي صاير وحراااام...
    وهذا ردي قبل مدة على موضوع مشابه حبيت استرجعه واعرف كم انقضى من ذاك الوقت فما ادري اضحك ام ابكي
    -----------------------------
    السلام عليكم
    اول شي انقول الحمدلله على كل حال
    لكن ترى زودوها من تقريبا سنة وانا اسمع من اكثر من شخصية بالملحقية او حتى وزارة التربية والتعليم "ابشروا في زيادة وقريبة" مرة 6"شهور"وبعدين واحد ثاني كمان الرقم المميز "6 شهور" في تصريح اخر قريب جدا "الايام!!! القليلة!! المقبلة!" والان تصريح جديد "الفترة القادمة" فما ادري مايخافون الله في عيالهم المبتعثين خاصة اللي معاهم اطفال ولا الشغلة عندهم تساهيل طالما امورهم مستورة ومتسهلة
    اعذروني انا اكتب وحقيقة ماسك نفسي ولا والله في القلب غصة وحرقة شديدة من هذا الموضوع فحسبي الله في كل واحد مقصر في هذا الامر ما اقدر اقول غير كذا الله عز وجل حسبنا وحسبهم
    حقيقة الوضع جدا صعب ومهو منطقي ولاهي شغلة مشي مشي يعني مكافاة طفل 272 دولار يااخي الواحد 272 ماتكفيه اكل حق شهر لشخص فما بالك مصاريف حضانة واكل وشرب وملابس والعاب للاطفال
    فالوضع جدا صعب لكل مبتعث معاه طفل تزيد الصعوبة بزيادة عدد الاطفال -الله يحفظهم جميعا لاهاليهم- واسواء شي العائلة اللي تكون الزوجة هي المبتعثة والمرافق الزوج والابناء حقيقة هم وضغط نفسي وفقر مايعلم به الا الله واللي يعاني مثلهم من العوائل الاخرى فالله يكون في عونهم.....
    لكن ارجع اقول الحمدلله ........وان شاء الله تكون زيادة منطقية وكافية مو على حسبة 2007 لمن رفعوا دراسة لمجلس الشورى واقترحوا 500 لان 500 ماتسوي شي الان -خاصة في الولايات الغالية- وتكون فعلا قريبة

    وياخوفي نستني كمان 6 شهور ويجي تصريح ثاني قريبا والفترة المقبلة وماالى ذلك الى ان يكبر الاطفال وتنتهي البعثة ونرجع والبلد ويبتعثون الابناء بعد عمر طويل ان شاء الله والوضع كما هو زي ما قال الكاتب خالد السليمان في مقالة قديمة من اكثر من سنة ........

    في الختام كل عام وانتوا بخير وصحة وسلامة
    واسفين ان طولت او زودتها بس قسما غصبا عني..................لكن نصبر ونشوف


    المصدر: (جريدة اليوم) التعليم العالي: زيادة مخصصات أطفال المبتعثين قريبا
    حفاظاً على حقوق الكاتب نرجو عدم حذف المصدر مبتعث
    7 "
  4. يارب ياكريم....أنا لسة ماسافرت وشايلة همم

    اذا أحد يقدر يتواصل مع الجرايد يوصل معاناتنا

    أرسلو أيميلات لكتاب الأعمدة في الجرايد...يضعو أيميلاتهم للتواصل

    وينشرو أحيانا الرسائل اللي توصلهم في الجريدة.

    لازم نتحرك...مو معقولة يبقى الموضوع حبيس المنتدى وحبيس أنفسنا الملياااااانة هموم ومشاكل

    كفاية هم الغربة والدراسة...كمان نشيل هم كيف ناكل وكيف نعيش؟

    والله شي يقهرر..
    7 "
3 من 5 صفحة 3 من 5 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.