التعويض لابارك الله بالعدو ؟
السلام عليكم ورحمه الله وبركاته
شباب انا في فصل الصيف الي فات دافع رسوم المعهد من مخباتي بسبب انهم ماعطوني ضمان مالي وسودو وجهي مع المعهد .
الحين لي شهرين واحاول اخذ التعويض المشرفه والاداره الماليه صارو يلعبون فيني (فريره) كل واحد يقول رح للثاني .
وش السوات معهم تكفون وهل الملحقيه تداوم الجمعه اروح لهم الله لابيارك بالعدو .
الله يجزاكم خير ...
رد: التعويض لابارك الله بالعدو ؟
اذا كنت مقبول وهم تاخرو عليك وانت سددت المبلغ من حسابك فـ يعوضونك
والظاهر الجمعه نص دوام
رد: التعويض لابارك الله بالعدو ؟
اقتباس:
المشاركة الأصلية كتبت بواسطة دلوعة امها
اذا كنت مقبول وهم تاخرو عليك وانت سددت المبلغ من حسابك فـ يعوضونك
والظاهر الجمعه نص دوام
شلون نص دوام
انا اخاف يتبعون يوم قبل ويوم بعد !
مشكوره ع الرد اختي .
رد: التعويض لابارك الله بالعدو ؟
إذا أنت على البعثة ، راح تأخذ حقك غصب عن الملحقية واللي فيها
إذا ما استجابوا معك ، اتصل على السفارة السعودية (قسم الرعايا السعوديين)
لا توقف مطالبتك ، ترى يمكن أكلوها عيال .......
الله ينصرك عليهم هالخونة
رد: التعويض لابارك الله بالعدو ؟
بيان بساعات عمل الملحقية الثقافية السعودية :
العمل الرسمي من
يوم الاثنين الى يوم الجمعة
من الساعة التاسعة صباحا وحتى الخامسة مساءا حسب توقيت شرق الولايات المتحدة .
(EST: Eastern Time (USA & Canada) + 5)
فترة الغداء من الساعة 12:30 إلى 1:30 مساءاً
إن شآء الله أكون آفدتك ، دعوآتك ...
~
رد: التعويض لابارك الله بالعدو ؟
ليه كل واحد يرسلك على الثاني. الحكاية بسيطة:
ارفع طلب تعويض عن طريق البوابة والفواتير وارفق خطاب يوضح ليش دفعت المبلغ
واذا انت تدرس في هذا المعهد بموافقة الملحقية ولازال الصرف جاري عليك بيعوضونك مباشرتاً.
رد: التعويض لابارك الله بالعدو ؟
والله جميع الطرق استخدمتها
ولاحياه لمن تنادي !!!!
رد: التعويض لابارك الله بالعدو ؟
المفروض انك اتفقت مع المعهد
انك تدفع واذا دفعو الملحقيه يرجعوها لك انا الحين كذا متفق معهم
الله يرد لك حقك يا رب