عرض للطباعة
السلام عليكم
أنا الحمد لله قدمت لمعهد لغة في واشنطن العاصمة و قاعدة دحين أستنى ينتهي الثانكس غيفنق (عيدهم) عشان يردوا على رسالتي و إن شاء الله
يعطوني الآي 20 ... بس سؤالي واضح من العنوان
هل دحين أحجز و أقول للمكان اللي أبغى أسكنه إني جايتهم شهر كده و كده
ولا لسى بدري ؟
علما أنني وضعت تاريخ بدايتي للدراسة في معهد اللغة شهر مارس ... فهل أبدأ من دحين عشان أحجزلي مكان ؟
سؤالي جانبي ... هل صحيح مكافأة المبتعث 1800 و شئ دولار ؟
ايش اسم معهدكي هل هو
icls ?لان مافيه الا ثلاث معاهد معترف فيها في واشنطن
نعم 1850 دولار
هل تكفيكي ؟
اسم المعهد International language institute
و بصراحة 1850 دولار ... عشان السكن في واشنطن فمرة ماحيكفيني .. لقيت شقة و إن شاء الله هي اللي راح
آخدها لكنها بـ 1500 و شئ .. فتقريبا ما بقيلي من المكافأة غير 200 دولار تقريبا ^^"
لكن ندبر أمرنا إن شاء الله .. و ما أبغى أروح للضواحي .. تخوف و الله :(
طيب يعني .. أحجز الآن ولا بدري ؟ ناس يقولولي الافضل تحجزي من بدري عشان لا تروح الشقة و الخ
ليان....
علي حسب وين بتسكنين...والشركة اللي بتستاجري منها...بعضهم تدفعين دبوزت وتحجزين الشقة......مبدايا رايي خلك حجزك ٣ شهور و بعدين اذا اعجبك المكان مددي...لانو علشان توقفي العقد راح يكون عليك غرامة....
اذا تبين اي معلومة زيادة عطيني خبر
ابراهيم
بس احبيت انبه اذا اجار الشقة 1500 وتقولين راح يبقى 200 انا اتوقع ما راح يبقى لك شي ..
هل حسبتي حساب .
1- الكهرب
2- النت مجاني او لا
3- الموية
4- المويه الحاره
5- تلفزيون (مو اساسي لكن ممكن )
ناهيك عن امور
- النقل
-المعيشه
-الترفيه
- الحضانه بالنسبة للي عندهم اطفال
وانا ما ادري كيف اجارات واشنطن لكن اتوقع غالية ويمكن فيه ولايات ثانية ارخص ومناسبة لكم .. وآسف اذا كان شوشت عليك بس حبيت انبه ..
لا الشقة ماشاء الله متكاملة تتضمن الكهرباء و الموية و كله و كمان مفروشة .. فعشان كده ما أبغاها تضيع من يدي
و بالنسبة للترفيه ... فأنا ترفيهي بيكون على قد حالي .. يعني طبعا أكيد راح أجيب مصروف شخصي لي من السعودية :)
و النقل فما أدري و الله للآن عنه
و الحضانة .... الحمد لله ماعندي إلتزامات :P
و ما أقدر أغير عن واشنطن لأنه الوالد يبغى مكان رجلنا فيها تكون جنب السفارة و الملحقية ^^"
اذا هي افضل الموجود وسعرها الانسب مقارنة بغيرها من الشقق في المنطقة .. وتبغون واشنطن
يبغالك تحجزينها قبل لا تروح عليك<< بس اضمني ذهابك لواشنطن اول واضمني وصول الضمان المالي حتى تضمنين ما يكون فيه تكدس وبكذا تضمنين تروحين لواشنطن وانت ضامنه << السالفه كلها اضمني وتضمنين ^_^
والله يوفقكم ..
^^^
بآلضبط نفس كلآم الأخ اللي فوق ,, لآ تحجزين إلآ لين تضمنين إنك بتروحين وآشنطن
لأنو في أسوآ الأحوآل والله لآيقوله ,, إنهم مآيقبلونكـ وإنتي حآجزهـ لك شقة بآلشيء الفلآني
ولآ تتسرعين لأنو درآستك بآقيلهآ 3 شهور ومن هنآ لين 3 شهور أفرآج
وبآلتوفيق لك أختي والله ييسر أموركـ :)