استفسار خريج بكالوريوس جامعة الملك سعود معدلي 2 من 5 ماهي فرصي للالتحاق بالبعثه

الله لا يهينكم ويبارك فيكم
التخصص ماستر محاسبة

يالغالي انت ميزانيتك 35000 ريال او دولار
فأذا فرضنا انها ريال تجي بدون قبول جامعه وتبي تقعد 4 شهور دور جامعه وماتدري تلقى ولا ماتلقى لان الملحقيه مستحيل تضم الطالب الا بقبول جامعي الا اذا كان عندك واسطه
هل تعتقد ان المبلغ راح يكفيك اذا ماكان عندك واسطه ؟
اخصم حق التذكره
اخصم حق الملابس والشنط والاغراض كامله

اخوي ناصر طيب لو اني رحت لولاية نبراسكا مثلا وطلب مني معهد اوماها 12300 ريال لمدة اربع شهور تتوقع مع وجود حق التذكره والملابس راح تكفي
خصوصا مع ندرة الخيارات الوظيفيه اذا مارحت يعني لو نقول اني رايح اتعلم لغة وجاد (مليت من تكبر الشركات)

طالما ان الامور يبيلها واسطه ووو
انا قررت ادرس لغه وابي شوركم

نصحية:
تذكر قول الله (وقل اعملوا فسيرى الله عملكم ورسوله والمؤمنون)
ولاتنسى :ـ ومن يتهيب صعود الجبال يعش أبد الدهر بين الحفر

يرضيك تجلس في وظيفة راتبها انت واياه في ملاحقة الى اخر الشهر اي نعم الحمدلله على كل حال (بس اصنع من نفسك شي تفتخر فيه قدام نفسك قبل كل شي )
شوف اللي حواليك ماوصلوا الا بعد ماتعبوا
بس انت حاول تتعب شوي في البحث وصدقني ماراح تندم اعرف انو امريكا فيها جامعات تقبل اقل من معدلك بكثيرررررر
وناس حاولوا ولسى يحاولوا وانصحك تفتح منتدى الدارسين على حسابهم الخاص وشوف التجارب هناك اللي راح تزيدك همه
ياعمي دام عندك القدرة والهمة لاتخلي شي يحطمك مهما يكن وصدقني كل ما تجاوزت عقبة راح تتعلم اكثر واكثر من تجاربك
لاتخلي شي يحطمك

انا عندي لك شور وان شاء الله يفيدك

معهد اي ال اس متعاقدين مع اكثر من 50 جامعة في امريكا بحيث اذا خلصت الدراسة في معهدهم تدخل الجامعة

وهم مرنين جدا في القبول

بأمكانك تمر على مكتبهم في الرياض واشرحلهم وضعك وهم يوفرون لك القبول

وهذا موقع المعهد فرع الرياض

http://www.els.com.sa/ar/



موفق لكل خير ولا تنساني من دعوة صادقة

روحت الايام والنيه النيه احسب التاريخ هجري وميلادي

الله يمسيكم بالخير جميعا

اللي يقدر يفيدني الله يجزاه خير

السلام عليكم
اخوي انا امر بنفس مشكلتك بالمعدل ياليت لو نقدر نتواصل مع بعض على الايميل وكل منا يقدر يفيد الثاني بما يجده وقوم تعاونو ماخابو وايضا نسوي لنا قروب لمن يعاني من مشكلة القبول ونستفيد من خبرات بعض

هذه جامعات أتوقع والله أعلم أنها مرنة في القبول ،، إجتهاد شخصي مبني على تحليل شروطهم ولايعني الجزم بقبولك من عدمه،، لكن أتوقع النظر في ملفك إذا كان كاملاً..
الجامعات كلها معتمدة من الوزارة ولكن تأكد من الملحقية قبل التقدم للقبول
مع العلم أن جميع الجامعات المذكورة لاتطلب إختبارات GMAT ولكن قد تطلب منك أنت خصوصاُ لتدني معدلك

وفقنا الله وإياك

جزاك الله خير ويبارك فيكم