مبتعث مستجد Freshman Member
الولايات المتحدة الأمريكية
wesam talal , ذكر. مبتعث مستجد Freshman Member. من السعودية
, مبتعث فى الولايات المتحدة الأمريكية
, تخصصى باكالريوس
, بجامعة سان انتونيو *_*
- سان انتونيو *_*
- باكالريوس
- ذكر
- سان انتونيو, تاكسس
- السعودية
- Nov 2011
المزيدl November 26th, 2011, 04:52 AM
November 26th, 2011, 04:52 AM
السلام عليكم ورحمت الله وبركاته
اخواني المبتعثين حاب استفسر منكم حاجه
الحين انا لو في امريكا واحتجت من السعوديه فلوس ايش افضل طريقه توصلني بها الفلوس
وانا عندي حساب في بنك سامبا والي اعرفو انو امريكي مدري هل في امريكا لهم نفس البنك
وعندي كمان حساب في البنك الهولندي
فما ادري ايش تنصحوني فيه وذا في شي لازم اسويه من هنا قبل ما امشي قولولي يعني زي اروح افتح عند بنك معين حساب
اتمني للجميع التوفيق
انا بقولك تجربتي : يوم قررت اشتري سيارة حولت فلوس على حساب اخوي ( من بنك سعودي لسعودي) وقلت له اسحبها و حولها على حسابي الامريكي عن طريق تحويل الراجحي ( اللي يستخدمونه العمال والخدامات) طبعاً بعد مااعطيته بيانات حسابي كاملة وكلها يومين الى ثلاثة ايام وتوصل حسابك ,الامر الاخر انصحك طلع لك بطاقة فيزا مسبقة الدفع تلقاها عند الراجحي والاهلي مجرد 100 ريال سنوياً مفيدة عند الشراء او الحجز عن طريق النت للفنادق والسيارات بعض الاحيان .
وفقك الله لما يحبه ويرضاه.....
سبحان الله وبحمده...سبحان الله العظيم
luv10 November 26th, 2011, 05:57 AM
7 " وعليكم السلام ورحمة الله وبركاته
فيه عندك ويسترن يونين له فروع في اكثر الولايات .
طريقة التحويل هي انك تروح لانجاز في بنك البلاد وترسل على الفرع حق ويسترن يونين وتوصل الفلوس خلال اقل من ساعه وحده
لكن اذا رحت لفرع انجاز اللي عندنا افتح حساب اول شي عشان ما يخذون منك الا تقريبا 30 ريال بس على ما اعتقد لكن لو ما فتحت ياخذون كثير
انا حولت تقريبا 2000 اخذو حول 200 ريال او اكثر طبعا فتح الحساب في دقيقه وحده يطلع بطاقه ويكتب عليها اسمك بالقلم وانتهى الموضوع
لكن اذا اهلك يبون يحولون لك قولهم يكتبون اسمك اللي في الجواز عشان يكون مطابق .
s 1 November 26th, 2011, 05:59 AM
7 " اولا مشكورين لكل الي ردو
بس والله قريت اكثر من مره الردوود ومافهمت
ياليت لو توضحو اكثر وسامحوني مو قصوور منكم
اتمني لكم التوفيق
wesam talal November 26th, 2011, 12:12 PM
7 " مشكوره اختي ماقصرتي
الله يوفقك
wesam talal November 27th, 2011, 03:06 AM
7 " مرحبا وسام.....الاخوان والاخوات ماقصرو شرحو لك بس تري الموضوع جدا سهل.....
اذا انتي في امريكا....وعندك حساب في البنك الفلااني (مثلا ستي بنك او بنك اوف امريكا....واي بنك)..راح تحتاج ٣ شغلات...
١. رقم حسابك بالبنك....
٢. رقم Routine Number (هذا رقم خاص فيك مرتبط برقم الحساب)
٣. ال swif code وهذا رمز خاص بالبنك
بالنسبة ل ١ و ٢ ...اذا البنك معطينك دفتر شيكات...بتحصل تحت بالشيك رقم طويلمقسوم نصين ...النص الاول هو Routine number والنصف الثاني هو رقم حسابك...
بالنسبة لرقم ٣...تقدر تحصله بموقع البنك او كلمهم قلهم ايش السويف كود حقي.....مجرد مايصير معك هالاشياء خلصنا...
اللحين نحول...تدخل على حسابك في الامريكي او الهولندي او الراجحي ..اون لاين....وتسوي تعريف مستفيد دولي....
تحط اسمك و تحط الارقام اللي فوق (١ و ٢و ٣)...وتسوي اضافة للمستفيد...علي حسب نضام البنك يابرسل رسالة ويقولك حط الرمز للتاكيد او بيقولك كلمنا علشان نضيفة....اضفناه..خلال ٢٤ ساعة يثبت المستفيد في حسابك (هذي الخطوات تسويها مرة وحدة بس علشان تعرف نفسك كمستفيد دولي...مايحتاج كل مره)
اول مايتفعل المستفيد....تدخل علي حسابك وتسوي حوالة دولية ...تختار اسمك (او الاسم اللي انت حاطه) وتحط المبلغ بالدولار...تنفيذ.....٣ ايام عمل ويكون المبلغ بحسابك في البنك الامريكي....
اللي يفرق بين البنوك هما حاجتين...
١. كم يصرفون لك الدولار.....وعلي طلاعي كلهم راح يحسبون لك الدولار ب ٣.٧٥٥٧ ريال..باهالحدود.
٢. كل بنك ياخذ مبلغ (ريسوم خدمة علي كل تحويل...مبلغ ثابت) وهذا يعتمد علي نوع حسابك،،،فلو كنت عميل مميز في البنك يمكن ماياخذ عليك الا ٢٥ ريال.....لكن يختلف من بنك لبنك...البريطاني و الفرنسي و الامريكي اذا ماكنت غلطان ياخذون ١٠٠ ريال علي كل تحويل.....والمبلغ هذا يبينه لك السستمم قبل ماتنفذ العملية
كل مابغيت تحول مرة ثانية مجرد تحط المبلغ و تنفيذ...لا تعريف ولا غيرة
بهالبساطة
تحياتي
ابراهيم
ibrahim.s.i.z November 27th, 2011, 03:37 AM
7 "
November 26th, 2011, 04:52 AM
اخواني المبتعثين حاب استفسر منكم حاجه
الحين انا لو في امريكا واحتجت من السعوديه فلوس ايش افضل طريقه توصلني بها الفلوس
وانا عندي حساب في بنك سامبا والي اعرفو انو امريكي مدري هل في امريكا لهم نفس البنك
وعندي كمان حساب في البنك الهولندي
فما ادري ايش تنصحوني فيه وذا في شي لازم اسويه من هنا قبل ما امشي قولولي يعني زي اروح افتح عند بنك معين حساب
اتمني للجميع التوفيق