تعبت من مقاسات الملابس ( هل فيه خياطين بأمريكا)؟؟؟
السلام عليكم
انا اعاني من عدم تناسب مقاسات الملابس علي ، مثلا اذا اشتريت قميص رسمي يطلع طويل جدا ،، او جينز يطلع طويل شوي
طيب لو اني في السعوديه اروح اقرب مشغل نسائي والباكستاني يزبطها لي
طيب في امريكا وييييييييييييييييين اروح؟؟
معقوله الامريكان ما يقصرو شي كل الملابس تجي ع مقاسهم بالضبط؟؟
رد: تعبت من مقاسات الملابس ( هل فيه خياطين بأمريكا)؟؟؟
شوف اذكر محل اولد نيفي عندهم زي كذا مقاسات بالطول والعرض تختلف روح جرب حضك يمكن تلقى شي يناسبك او شوف لك محل المغاسل بس ماعرف اسمها بالضبط لونها برتقالي وازرق شفت عندهم الات خياطه بس مادري يقصرون او لا
رد: تعبت من مقاسات الملابس ( هل فيه خياطين بأمريكا)؟؟؟
والله ودي اعرف فيه خياطين لأمور التضييق .. لأن ما القى المقاس
رد: تعبت من مقاسات الملابس ( هل فيه خياطين بأمريكا)؟؟؟
ايه فيه خياطين واذكر مره حصلت خياط في وسط موول أنت سو بحث على الأنترنت في مدينتك عن الخياطين وراح تحصل بإذن الله
رد: تعبت من مقاسات الملابس ( هل فيه خياطين بأمريكا)؟؟؟
اتزوج والمقاس يجي عليك بالضبط .............
مجرد نصيحة
بالتوفيق
رد: تعبت من مقاسات الملابس ( هل فيه خياطين بأمريكا)؟؟؟
مشكورين شباب وبنات ما قصرتو بس استغربت انو في المغاسل يكون فيه خياط !!! مع انو المغاسل مافيها احد، يعني بس مغاسل وكل واحد يغسل بنفسه مدري كذا النظام عندنا بتكساس
اقتباس:
المشاركة الأصلية كتبت بواسطة غربـ9
ايه فيه خياطين واذكر مره حصلت خياط في وسط موول أنت سو بحث على الأنترنت في مدينتك عن الخياطين وراح تحصل بإذن الله
هلا بك اخوي وش اسم المحل؟؟؟
اقتباس:
المشاركة الأصلية كتبت بواسطة محاسبة المستقبل
اتزوج والمقاس يجي عليك بالضبط .............
مجرد نصيحة
بالتوفيق
هلا محاسبة ،، كيف يعني ما فهمت؟؟؟ وش علاقة الزواج بالمقاس؟؟؟؟
واذا على الزواج والله نفسي اتزوج ، امي قالت لي بدور لك بس شكلها سحبت علي هههههه، كل مره اكلمها المح لها تقول لي ما في شي جديد>>>ضريبه أخر العنقود ينسحب عليه دائما
رد: تعبت من مقاسات الملابس ( هل فيه خياطين بأمريكا)؟؟؟
اخوي اذا جيت تشتري ملابس ..اطلب من البائع يساعدك بالقياسات ..
لان ممكن تلاقي مقاس 36 مثلا وتلاقي جمبه حاجة بالسانتي ..هاذي هي طول الذراع او محيط الرقبه
هم بالمحل راح يقيسون لك ويعطونك الشي الي على مقاسك بالضبط
والجنزات نفس الشي تلاقي محيط الخصر المقاس الي تبيه بس طول الساق يختلف
صدقني اذا طلبت المساعده راح يساعدونك واللبس راح يطلع عليك مرتب ...وبتدعي علي
وبلا خياط وبلا تدمير موديل
موفق أخوي
رد: تعبت من مقاسات الملابس ( هل فيه خياطين بأمريكا)؟؟؟
انا مره شفت محل فيه اقمشه وخياطه بس مااذكره لكن انت اسال اي محل تشتري منه يمكن هم يعدلون لك او اكيد يعرفون خياطين...الله يوفقك
رد: تعبت من مقاسات الملابس ( هل فيه خياطين بأمريكا)؟؟؟
ههههههههههههه
اقصد ان دايم الرجال لما يتزوجون تنفتح نفسهم للاكل اكثر وبالتالي الوزن يزيد
مع ان ع قولتهم لا احد يطبخ الطعام مثل امي ، الام مسكينة تطبخ والاولاد ما ياكلون ولما الواحد يتزوج ما شاءالله يصير يحب الاكل ....
.
.بالتوفيق
رد: تعبت من مقاسات الملابس ( هل فيه خياطين بأمريكا)؟؟؟
فيه نوعين من المغاسل في أمريكا
مغاسل تغسل فيها بنفسك بعملات معدنية اسمها Coins Laundry
مغاسل هم يغسلون لك و تترك عندهم الملابس يسموها اسماء مختلفة و بالنهاية مكتوب Cleaners هذه اللي فيها خياطة
بالتوفيق