اسئله مهمه اتمنى الاجابه عليها وخاصه للي بيدرس ومايدري بينضم للبعثه او لا

السلام عليكم ورحمة الله وبركاته

عندي كم سؤال الاول \بنك اوف امريكا هل منتشر بجميع ولايات امريكا ومدنها .؟
السؤال الثاني\اللي عرفته من الاعضاء انك اول ماتجي امريكا تفتح احساب في بنك اوف امريكا .... طيب اذا كنت طالع شهر او شهرين على حسابي ويمكن ارجع للسعوديه هل مطلوب مني اني اقفل احسابي في البنك او لا.؟ ولو تركته هل توجد علي غرامه .؟ وهل لازم اودع فلوس في الحساب اذا جيت اهناك ..؟ ولو خليته فارغ هل فيه اشكاليه ..؟

السؤال الثالث \با النسبه لشركة الاتصالات في امريكا هل تي موبيل منشره في جميع الولايات والمدن ..؟ وهل لازم اخذ شريحه با اسمي ...في حال رجوعي للسعوديه لازم اقفلها اذا كانت با ااسمي .؟
السؤال الرابع \ ماهي عاصمة ولاية كنيكت..؟
السؤال الرابع \ انا بنزل في نيورك هل يوجد قطار موصل مابين نيورك الى مدينه اسمها وست هارتفورد الموجوده في ولاية كنيكت ولو فيه كيف طريقة الحجز ..؟
السؤال الخامس \ لو فكرت اسافر في الويك اند اني اتمشى في احدى المدن القريبه من ولايتي هل يوجد شركات تنضم جولات سياحيه امريكيه ..؟ وطريقة الحجز عن طريق مواقع ياليت تذكرون اسماء الشركات او روابطها ..؟
السؤال السادس \هل يحق للطالب السعودي ان يعمل اذا كان معه شهاده وهو جاي للبلد لتغير التخصص ومعه الشهاده الاولى .؟
السؤال السابع \ اللي مامر على واشنطن ...هل قدمت على الملحقيه با اشعار الوصول عن طريق النت والحالق في البعثه ... كم المده اللي ارسلوا لك فيها البيانات ..؟
السؤال الثامن \في حال ان كان ودي استاجر سياره هل توجد في كل مدينه مكاتب للاستيجار وماهي السيارات الكويسه اللي تنصحوني استاجرها في حال الاستيجار .؟
السؤال التاسع \ماهي نصائحكم للطالب اللي طالع شهرين وبيسكن مع عائله ومايدري هل بينضم للبعثه او لا .؟

اللهم وفقنا ووفق كل من يرد علينا وكل من يحب لا اخيه مايحب لنفسه وكل من يتمنى الفرج يارب انك تفرج همه وكل ماينتظر الانضمام في البعثه يارب انك توفقهم وتوفقنا معهم

امين يارب العالمين

السؤال الاول\ نعم

السؤال الثاني\ ابوي كان فاتح حسابه من بداية الثمانينات ورجعنا السعودي عام 94 وماسكر حسابه ويوم جيت انا امريكا قبل سنه تقريبا سالتهم عن حساب ابوي قل كان فيه 500 قالو تتسكر دايركت الحسابات اذا تركوها راعينها

السؤال الثالث\ جوابك قسمين اولا تي موبل مو بكل الولايات بس اغلب الولاايات ثانيا اذا كان فاتوره الافضل انك تسكره لانك ماتدري امكن باي سنه ترجع امريكا خاصه ان نظام تي موبل مثلا فيه باقات يعني 60 دولار شهريا سواء كلمت او لا والمكالمات تكون مجانيه والرسائل بعد

السؤال الرابع\ هارتفورد

السؤال الخامس\ لا مافيه قطار

السؤال السادس\ ايه فيه شركات بس ماسبق ان تعاملت معهم انا اروح بسياره مع اخوياي لابغيت اسافر متعه السفر بالسياره وغيلا كذا تشوف اشياء ماتتوقع تشوفها

السؤال السابع \ لا مايحق قلك تشتغل لان الفيزه تبعك راح تكون من نوع f1 ونظاما مايحقلك تشتغل الا في الجامعه فقط

السؤال الثامن \ مع النظام الجديد عادي بس اول ماتوصل ديرتك تفتح ملف في موقع الملحقيه فقط

السؤال التاسع \ فيه فكل مكان مكاتب اجار وفيه السغير وفيه الكبير بس لو تاخذ من مكتب صغير افضلك خاصه ان كنت تحت ال25 سنه لانهم يدفعونك ويدفعونك لو مامعك رخصه امريكيه

السؤال العاشر \ اقول روح وان شاالله بتنظم واسكن مع عائله احسنلك اذا تبي تجرب تجربه امريكيه حقيقيه لا تسكن مع سعوديين ومع هذا كله لاتزم تماشي سعوديين لان مالك غير السعوديين مع العلم اني ساكن مع سعوديين وعايش حياتي واختر ولايه رخيصه احسنلك لان فيه ولايات ماتكفيك مكافئتك مثل واشنطن العاصمه لوس انجليس سان فرانسيسكو نيويورك

اخيرا ترا اسئلتك واجد هههههه ورحت اتاكد من اسم عاصمة الولايه وسئلت اذا فيه قطار ولا لا ومابي منك الا انك تدعي ان الله يشفي اخوي والمسلمين اجمعين