المرحله الثالثه -امريكا- اي استفسار لا يردك الا كيبوردك ,, حياكم

السلام عليكم جميعا ...
انا عندي عدة أستفسارات :
1- انا اسمع عن انواع الفيزا بس مش قادره استوعب لأي شخص تكون .. فهل ممكن تزودنا عن معلومات عن نوع الفيزا؟

2-قرأت عن نماذج تخص المرافقين مثل 156 وغيره ... برضوا ودي في معلومات عنهم ؟

3-في الأبليكشن الي سلمناه في مرحلة الترشيح المبدئي كانت في خيارات لوقت الذهاب لبدء الدراسه ... هل من الضروري الألتزام فيه ؟؟

4-سمعت من الاخوه في المنتدى انهم يُسئلوا عن (( السفر لبعض البلدان )) هل السؤال يكون مشمول للسفرات السابقه القديمه الي بالجواز القديم ؟؟ يعني لو انا مثلا سافرت سوريا بس كان قبل مااجدد جوازي هل اجاوبهم بنعم ؟؟

5- هل في اشكال لو انه محرمي اساسا موجود ببلد الابتعاث ؟؟ يعني ماراح يرافقني بالرحله ؟؟

وووووووو اتوقع خلاص لو في استفسارات اخرى ماراح يردني الا ماي كيبورد

وشكرا جزيلا وبالتوفيق للجميع

اهلين فيك رعودي
اسألتي
1- كم اجيب وياي كاش اقصد فلوس كم احمل وياي
2- متى الوزارة بتسلمنا المكافأة
3\ هل تكفي المكافأ في امريكا
4- قبول الجامعه انا اللي اجيبة ولا الوزارة
وشكرا

نفس اللي في بالي ... اتمنى اي واحد عنده علم بالشي هذا يفيدنا
استفساراتي:
1- متى بيكون الملتقى .. وهل بيكون صباح او مساء وكم يوم بالضبط .. وهل الزامي الحضور .. عشان أقدر آخذ اجازة من الدوام ؟

الحضور الزامي وما عندي خلفيه عن الباقي

2- بالنسبة للجامعه ومعهد اللغة .. الوزارة تحددلي والا انا لازم اخاطبهم (كيف نخاطبهم اذا المخاطبة علينا) ؟

فيه مركز متخصص لجلب قبولات للطلاب مجانا واللي سامعينه انه راح يصدرونلكم ضمانات ماليه في الملتقى فاتوقع راح يكون لك الخيار واذا تبي تستخدم الضمان في جلب القبول راح نساعدكم بللي نقدر عليه والمكاتب متوفره ولكن ما انصح فيها لانهم نصابين 2000-3000 للقبول الواحد علما انه ما يكلف 100 دولار

3 - انا اخترت في الابليكيشن ان دراستي تكون شهر 1 /2008 صحيح بيتقيدون فيه والا كلام فاضي؟

ماتوقع يمديك تلحق على شهر 1 ولكن اللغه مو مشكله ممكن تروح شهر 2 3 4 متى ما تخلص اجراءاتك

4 - انا موظف .. في نظرك .. متى اقدم على الاستقاله (تعرف فيه شهر انذار .. حاسب الشي هذا اخوي ابورعودي)

انا تخرجت من الثانويه على امريكا ==> لا علم لدي بالامور الاداريه واسئل الله الك التوفيق ولكن خذ مني نصيحه لا تعتبر نفسك مبتعث الا يوم تستلم ((قرار ابتعاث طالب للدراسه بالخارج )) ذيك الساعه ما تخاف راح تبتعث راح تبتعث لو للهند

5 - حضور الملتقى --> حصول على ضمان مالي --> حصول على قبول في الجامعه --> طلب تأشيرة --> بعد كذا يجي امر اركاب من الوزارة ؟؟؟

بالظبط

6 - انا في بالي جامعه في فلوريدا في اورلاندو ... طبعا موصى بها في الموقع ... أقدر اطلبهاوالا بيجي الشي جاهز من الوزارة الجامعه والمعهد ولا لنا احقيه باختيار اللي نبي؟

جاوبت فوق

7 - طلبت السكن مع عائلة .. تتوقع اسكن مع عائلة والا بيرفضون .. ومين اللي يدفع تكاليف السكن انا والا هما ؟؟

مين اللي بيرفض ؟ من حقك تسكن وين ما تبي والسكن عليك ...
المكافئه شامله كل شي سكن اكل كتب ملابس الخ .........1349 دولار

8 - انت اول ما وصلت لامريكا وش لون دبرت لك سكن,,, هل سكنت بفندق الى ما دبرت لك شقه ؟؟ ولا وش سويت؟؟؟ والا استقبلوك الملحقيه ودبرو امورك بخصوص انك اول مرة تطب هالديرة ولانتيب عارف وش تزين .. في احد هناك يدري انك طالب وراح يسلك وضعك الين تمشي امورك وتبدا دراسة .. لأنوو تعرف واحد مايدري وش السالفة وش تتوقع يصير له؟؟؟

في واشنطن اول ما تنزل المطار راح تلاقي الملحقيه في انتظارك يخلصون امورك في مدينتك ماحد راح يستقبلك وممكن تنسق مع المعهد يستقبلونك ويخلصون امورك ويسكنونك لو انك طالب سكن عن طريق المعهد وممكن تستعين بالمنتدى في الطلاب اللي سبقوك للمدينه وغالبا اطلاب اللي قبلك ما يقصرون معاك ان شاء الله ولو انك جاي فيلادلفيا عندي ابشر بعزك ذبيحتين لعيونك عند باب المطار

* اتمنى من اللي عنده خبر يرقم الاجابات عشان اعرف اجابة كل سؤال .. وانا ادري والله اني ممل بأسئلتي ... لكن الشكوى لله .. عليمي .. ومشكورين على كل اللي تسووونه لنا في هالمنتدى من خدمة
تحياتي لك ابو رعودي