انتبهوا لاطفالكم لما تروحون مستشفيات بامريكا من هالناحية !
السلام عليكم
كيفكم ؟ ان شاء الله تكونوا بخير
بحكي لكم موقف صار معي شخصيا لما وديت بنتي للمستشفى عشان لو احد صار له نفس الموقف يكون بالصورة.
أنا جيت امريكا و بنتي عمرها 4 شهور و طبعا جايبه معي كرت التطعيم حقها و كملت تطعيماتها هنا.
اللي حصل لما صار عمرها 12 شهر الدكتورة سوت لها تحليل الدرن و فقر الدم كإجراءات عادية للطفل بهالسن . المهم للأسف طلعت النتيجة إيجابية يعني فيها درن. بصراحة ما اقدر اوصف لكم الصدمة اللي جتني !
كيف و هي ماخذة اللقاح عند الولادة !!!!!!
المهم قالت الدكتورة لازم تاخذ دواء مضاد لمدة 9شهور عشان يقتل الفايروس :(
تضايقت اكثر كيف طفلة بتتحمل تاخذه.!!!!
رجعت للبيت ماطاوعني قلبي بصراحة أعطيها
فتحت النت دخلت على موقع مركز ابحاث امريكي مختص بالدرن لقيت المصيبة !!
لقيت مكتوب" ان نتيجة اختبار الجلد حق الدرن ممكن تطلع إيجابية اذا كان الشخص مأخذ لقاح الدرن "
ارررررتحت وقتها كثير و حمدت رب العالمين أني قريت قبل لا اعدم بنتي بهالمضاد
و غير كذا حبيت اتاكد اكثر و دقيت على طبيب بمركز ابحاث السل بالرياض و اكد لي اللي قريته و قالي اصلا لو ما طلعت النتيجة إيجابية و هي ماخذة اللقاح بقولك جيبي البنت
و الحمد لله رب العالمين على كل حال ....
بس تمنيت كان عندي وعي اكثر عشان اعرف ارد ع الدكتورة و ارفض التحليل من البداية :@
لا و رجعت كلمتها و قلت لها اللي قريته و طلبت منها تسوي تحليل دم عشان أتأكد... لان بتحليل الدم يبين اذا كان الفايروس عدوى او مجرد لقاح و رفضت تسوي التحليل ليه ما ادري !!!!!
فحبيت انبهكم لشيء ممكن اي واحد فيكم يتعرض له
و بالسلامة للجميع ربي يحفظنا بحفظة ....
*
رد: انتبهوا لاطفالكم لما تروحون مستشفيات بامريكا من هالناحية !
حسبي الله ونعم الوكيل
الحمدلله ان انتي عندك وعي
المصيبه ياعمري باللي ماتدرررري
الله يحفظ الجميع
والحمدلله على سلامة بنتتك
رد: انتبهوا لاطفالكم لما تروحون مستشفيات بامريكا من هالناحية !
الله يسلمك بس للأسف ماكان عندي وعي لو عندي وعي ما وافقت على التحليل من البداية
و عشان كذا كتبت التجربة هذي عشان الأمهات و الآباء يحطون ببالهم هالشيء
و اولا و أخيرا الدرن مو منتشر بامريكا ولله الحمد يعني تطمنوا بإذن الله ..
شاكرة لك مرورك و دعوتك
رد: انتبهوا لاطفالكم لما تروحون مستشفيات بامريكا من هالناحية !
الله يجزاك خير على نقل تجربتك وإن شاء الله الكل ينتبه
والله وأنا أخوك بعد ما أضمنهم الدكاترة الأمريكان والأجانب وحتى العرب بأمريكا،
مدري ليه يجيني إحساس إنهم مايلقون أي اهتمام لنا بالعيادة ويعطونا شي مشي حالك
ومدري مرات هي وساوس ولا لا مرات أقول إنهم ودهم يعدمون أجسامنا ولو الود ودهم ، ودهم يقتلونا
عشان كذا ما أروح مستشفايتهم .. خصوصاً عيادات الأسنان ياليت أحد فيكم عنده خلفية كبيرة عن الأسنان
وينبه لنا عن حاجات مثل مانبهتنا الأخت بسمة،
عيادات الأسنان طبعاً نتوجه لها كثير إن ماكان 99% من المبتعثين والمبتعثات يروحون لها ..
وأكثر الدكاترة يسوي خلع لسنك ويركب واحد جديد < هذي أحسها ماهي داخلة راسي
بس يبون يجرون فلوس منا
شكراً مرة ثانية ع موضوعك ..
رد: انتبهوا لاطفالكم لما تروحون مستشفيات بامريكا من هالناحية !
ياالله الحمدلله ع السلامة
الحمدلله انك انتبهتي و ربي سلمكم
الله يستر علينا و يحمينا من كل شر
رد: انتبهوا لاطفالكم لما تروحون مستشفيات بامريكا من هالناحية !
سبحان الله أنا اول عكسك اجل كنت ادخل مستشفياتهم و أنا مغمضة بحكم انها مستشفيات أمريكية يعني كل شيء أوكي بعد إرادة رب العالمين بس بعد اللي صار قلت هنا و هناك واحد
و اولا و أخيرا الحافظ رب العالمين و الحذر و الوعي مطلوب بكل مكان
شاكرة مرورك
سويت روز ربي يسلم الجميع و الف شكر لك
رد: انتبهوا لاطفالكم لما تروحون مستشفيات بامريكا من هالناحية !
أولاً - الحمد لله على سلامة البنوتة ، والله يعطيها الصحة والعافية ويخليها لكم يا رب .
ثانياً - ألف شكر يا الغالية على هالملاحظة .
بالنسبة لأمراض الجلد : لازم يتم عمل الاختبار مرتين ع الأقل في أسبوعين ، لأن الجلد يتأثر بأشياء كثيرة مثل الصابون والشامبو عند الاستحمام والعطور و....الخ ، لذلك احتمال كبير تكون النتيجة غير صحيحة ، وهذا اللي تم عمله معي في مستشفى الجامعة ، لأن الأولى كانت إيجابية والثانية سلبية والثالثة سلبية .
نصيحتي لك لا عاد تروحي للدكتورة لأنها ضايعة ، وإذا كان ملفكم العائلي عندهم اعملوا تحويل ع مستشفى ثاني أفضل .
ربنا يوفقكم
رد: انتبهوا لاطفالكم لما تروحون مستشفيات بامريكا من هالناحية !
الله يحفظلك البنوتة من كل شر والف شكر ع التنبيه
رد: انتبهوا لاطفالكم لما تروحون مستشفيات بامريكا من هالناحية !
يعطيك العافية على المعلومة والله يحفظ لك بنتك
انا صراحة توي واصل ومعي الولد تعبان شوي ممكن تفيدني كيف ممكن احصل على التامين وماهي الاجراءات وايش يغطي التامين بالضبط
مع الشكر
رد: انتبهوا لاطفالكم لما تروحون مستشفيات بامريكا من هالناحية !
ياساتر .. انا خبري ان اذا طلعت + يسوون اشعه ويشوفون هل هي الحقنه ام اصابة ام حمل ... بس مو كل دكتور يطلع كويس .. الحمدالله على سلامه بنتك وما تشوف شر ان شاء الله
انا واحد من اصحابي زي كذا طلع له + وسووا له اشعه وطلع حمل مع انه متطعم! مع احتمال اصابه وبدا بالمضادات
يعطيك العافية على التنبيه