خدعة اسمها ThanksGiving Sales
السلام عليكم ورحمة الله
بمناسبة الثنكس قفنق, مبروك الاجازة :)
كنت اسمع عن التخفيضات المهولة اللي يسوونها المحلات بعد عيد الشكر,, وانها تصل الى 80% وووو
المهم ليس من رأى كمن سمع
اليوم الصباح طلعت مع العيال لمول حلو علشان نقش لنا ملابس والكترونيات ووو
رحنا اول شي لمحل Best Buy
سمعت خويي ينادني يقول تعال مو هذا زي لابتوبك؟؟؟
قمت طالعت فيه طلع هو هو,, نفس النوع والموديل
كم تتوقعون طلع التخفيض عليه؟؟
10%-20%-50% ؟؟؟
طلع مايقارب 20% بس زيادة !!
يعني زادو السعر 20% ويقولون تخفيض هم ووجههم!!!!
(انا شاري اللابتوب من نفس المحل قبل اسبوعين تقريبا)
طلعنا ورحنا لمول ثاني حلو ورايق,, طبعا لاتسألون عن الزحمة
رحت لمحل CK بشتري شيرتات من عندهم,, وانا مريتهم قبل شهر واشتريت كذا شيرت, المهم تفاجأت ان السعر زايد 25% عن المعروض قبل شهر!!!
يوم رجعنا,, اجتمعنا اليوم مع بعض الشباب,, واحد منهم زوجته راحت لمحلات قبل اسبوع,, اختارت الانواع اللي تبي تشتريها,, وسجلت الموديلات واسعارها,, علشان تستغل التخفيضات وتشتريها,, اليوم راحت وتفاجأت ان الاسعار كلها زايدة!!!
طبعا توجد تخفيضات على اشياء بسيطة لا انكرها (العالبية على الموديلات القديمة اللي يبون يتخلصون منها),, بس المحلات تستغل ان الناس "طايرة في العجة" وتبيع عليهم باسعار اعلى, وعينك ماتشوف الا النور!
نصيحة للجميع لاحد ينخدع بهالتخفيضات, خصوصا والكرسمس جاي, وان كنت مرة صامل, روح قبلها بكذا يوم سجل الموديل والسعر واحكم بنفسك
سؤال على فكرة,, احد ضحى امس بديك رومي :D:D
رد: خدعة اسمها ThanksGiving Sales
فعلا كانت خديعة ...
أنا كنت أريد أن اشتري تلفزيون من أسبوع ...
فأجلت الأمر إلى هذا اليوم ...
ومع كل أسف ...
لا تخفيض يستحق الصبر عليه ...
لكن هنالك محلات تنبهت عليها فيها تخفيضات جيدة ...
مثل office depot و freed mayer ...
في الأجهزة الالكترونية تنتهي بيوم غداً ...
على العموم الله يوفقنا لما فيه الخير ...
شاكراً أخي الباتريوت على موضوعك ...
أخوكم ...
الســـ 2007 ــــاموراي
رد: خدعة اسمها ThanksGiving Sales
رد: خدعة اسمها ThanksGiving Sales
مشكورين أخواني على التنبية,
مع انه ايام التخفيضات العادية يكون التخفيض من جد حقيقي ويفرق
لكن شكلة البلاك فرايدي ضحك على الدقون :confused:
عن نفسي رحت قضيت من تارجت عايدي,
ولمن رجعت البيت اتذكرت انه اليوم في تخفيضات
كويس اني فوتها :D
مشاركة: خدعة اسمها ThanksGiving Sales
ياناس ودي اشتري كاميرا فديو ...من وين..وهل عروض ولمارت وتارجت جيده
تكفون فيدوني
رد: خدعة اسمها ThanksGiving Sales
هلا أخوي,,
تارجت كويسعندنا بولايتي محل اسمة RadioShack
وهذا موقعهم شوف لو لهم محلات قريب منك اعتقد عروضهم جيدة
http://www.radioshack.com/home/index.jsp?clickid=topnav_logo_img
واقترح انك تأخدها من المحل لأن مثل هالأشياء ممكن ماتضبط عالنت.
رد: خدعة اسمها ThanksGiving Sales
مشاركة: خدعة اسمها ThanksGiving Sales
معليش انا راح ادخل عرض وراح اقولكم ليه الاسعار ارتفعت بما اني ادرس اقتصاد السبب عشان يختبروا قوة الاقتصاد الامريكي عند طريق معرفة القوه الشرائية(هل ارتفعت عن السنة الماضيه او انخفضت او كما هي ) والمعروف ان فترت الاعياد الناس راح يفرحوا احبابهم يالهدايا يعني راح تكثر المبيعات ولو انكم تبغون تتأكدون في منتصف شهر فبراير راح تطلع النتايج في الجرائد الاقتصاديه وهذي سياستهم سنويا .
والله يعينكم على الاسعار .