الأعضاء الإشتراك و التسجيل

الملتقيات
ADs

لكي لا نكون أغبياء بالمستشفيات أو عيادات الأسنان

لكي لا نكون أغبياء بالمستشفيات أو عيادات الأسنان


NOTICE

تنبيه: هذا الموضوع قديم. تم طرحه قبل 2202 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية T I G E R
    T I G E R

    محظور

    T I G E R الولايات المتحدة الأمريكية

    T I G E R , ذكر. محظور. من السعودية , مبتعث فى الولايات المتحدة الأمريكية , تخصصى ! , بجامعة !
    • !
    • !
    • ذكر
    • L0S ANGELES, CALIFORNIA
    • السعودية
    • Apr 2010
    المزيدl

    December 2nd, 2011, 09:00 PM

    بسم الله الرحمن الرحيم
    السلام عليكم ورحمه الله وبركاته


    حبيت افتح هذا الموضوع ليكون مرجع لجميع المبتعثين والمبتعثات والقادمين في موكبنا قريباً
    طبعاً 95% من المبتعثين والمبتعثات يزورون عيادات الأسنان إذا ماكانوا كلهم

    ياليت أحد فيكم طالب أو طالبة يدرس في كلية طب الأسنان ويفيدنا بهذا الموضوع المهم
    طبعاً تعرفون وش نظرتهم للخليجي وللخليجية إنه بير نفط ويحاولون يأكلون فلوسه بأي طريقة ويستغلون فرصة ضعف اللغة

    خصوصاً عيادات الأسنان بقولكم الي صارلي

    رحت عند دكتور أمريكي من أصل لبناني، سوى أشعة لسنوني
    قالي أسنانك يبغالها شغل كثير وكان معي سعودي كبير بالسن قاله اللبناني أي صديق لك خليجي يعاني من مشكلة بالأسنان يجيني
    المهم بالنسبة لي أنا

    كان عندي سن من الأسنان الأمامية بالجزء العلوي فيه تسوس من فوق بس تسوس داخلي مو بسطح السن واضح السواد كان السن شبه شفاف
    قلي مالك إلا تقلعه ونركب لك سن جديد < مع إني ما ارتحت للقلع وتركيب سن إلا إني وافقت

    وأحد الضروس مكسور نصه شاله وركبلي ضرس
    وفيه ضرسين تحت معدومين مرة قالي تبغاني اقلعهم واركب لك ضرسين قلت لا لا لا
    ( حسيت نفسي بورشة سيارات فك واربط وركب صواميل )

    ياليت أحد يوضح لنا متى بأي حالة يتم خلع السن وتركيب سن جديد ؟
    وبقية مشاكل السن

    عشان مانكون بموقف الأغبياء وياكلون فلوسنا


  2. وييييين الخلع مايكون الا لما خلاص ينتهي السن وتتاثر اللثه


    الخلع مو لعبه


    بالنسبه لتسوسك لاتشيل السن لانه صاحبتي كان عندها تسوس بالسن الامامي بكل بساطه عمل حشوه عالتسوس وكانت الحشوه تجميليه نفس لون السن ومابين



    بلا خلع بلا بطيخ انتبه لاسنانك وغير الدكتور واستشير كذا دكتور قبل اي خطوه واستخير





    الاسنان ماتنتعوض مهما كان
    7 "
  3. شي مهم جداً يااخواني لايروح احد لعيادة الاسنان الا في حالة وجود الم وليس الذهاب لمجرد ان التأمين سوف يغطي التكاليف وليس هناك سبب او مرض في الاسنان يستدعي ذلك , مثل بعض الشباب يقول بروح اشيك اشوف!! طبعاً الدكتور يبي يستفيد مادياً من التأمين ولن يقول لك مافيك الا العافية , لذلك بيدور له اي عذر عشان يلعب في اسنانك لذلك انتبهوا ياشباب .
    7 "
  4. من خلال تجربتي وومعالجتي عند استشاري اسنان في السعودية طبعا ان السن ماينخلع الا إذا كان مافيه منه أمل نهائي يعني لو هو شاطر كان حاول يعالج لك السن قد مايقدر
    لان مافيه زي السن الطبيعي والا نصه حتى , وبعدين انا استغرب من سالفة اخلع سن واركب بداله لان كذا شخص اشوفه يتكلم عن هالشي ماأدري اذا كان قصده زراعة فالزراعة تحتاج
    انك تخلع سنك وتجلس فترة حتى يلتأم وهذي ممكن 3 الى 4 شهور اذا مو أكثر على حسب الحالة وبعدين يزرع لك وطبعن احتمال تنجح او ماتنجح , واذا كان قصده يركب لك سن بدل المخلوع زي مايسمونه جسر يعني المخلوع بين سنين معناته راح يحفر هالسنين ويبردها ويلبسها عشان يركب الجسر يعني راح يلعب في اسنانك اللي ممكن تكون سليمة يعني بدل ماتكون مشكلتك معالجة سن واحد بتصير تعالج ثلاثة وراح تعاني من التلبيسات ومشاكلها .
    والواضح انه الشغلة استغلال لانه قالها لك اي صديق خليجي قول له يجيني اعالجه انا اشوف الافضل عالج السن اللي فيه الم بس ولاتخليه يلعب في اسنانك حتى لو كان ودك تستغل التأمين
    لان الاسنان الحين صايرة مشكلة العصر تقريبا واذا رجعت السعودية عالجها عند طبيبك عالاقل ثقة .
    7 "
  5. طب الأسنان في أمريكا بمثابة العصابة!!
    للأسف أغلب تعاملاتهم عبارة عن خلع للضرس وتركيب البديل .
    الأهم: إذا سألك الدكتور : هل تريد نعمل هالشيء؟؟ لازم تكون إجابتك : لااااااااا ، لأنه يبغى يستنزف التأمين فقط .
    أذكر واحد من الشباب أول شهر له في معهد اللغة ، ولاحظت عليه إن وزنه منحدر بشكل رهيب . المهم: كان عندي موعد في عيادة الأسنان ، وخرجت الممرضة تسأل في الخارج إذا أحد يقدر يتكلم عربي ، دخلت معاهم وحصلت الأخ على السرير وقد خلعوا جميع أضراسه العلوية في الجانب الأيمن ، وصاير شكل وجهه يخوف . المشكلة إنه حصل معاه نزيف وكل ما يقولوا حاجه كان يقول : yes وهو ما يدري وش الشغلة!!!
    طبعاً المستشفى أخذ الـ ٥٠٠٠ كاملة ، وكان شهر فبراير ، وبقي الولد بدون تأمين أسنان إلى نهاية السنة لأن رصيده انتهى .
    أتمنى ما أحد يروح إلا وعنده خلفية تامة عن اللغة ، وللمعلومية : أغلب الممرضات يحصلون على شهاداتهم من خلال دورة في ١٠ أسابيع فقط ، واشتركت فيها الصيف الماضي لكن انسحبت في آخر لحظة لظروف السفر .
    أعتذر عن الإطالة ، مع تمنياتي بالسلامة للجميع
    7 "
  6. بصراحه كانت تجربتك جدا سيئه مع دكتور استغلالي ...
    بالنسبه لي انا كانت مرررة كويسه روحت للعياده ابغاهم يخلعو الدرس لانو بسسب الكالسيم انكسر الدرس حقي ماصار في الا الجزور بس يعني تطالع اصا مو مافي درس بس انا احس بالجدز لانو هي الي بقيت...المهم لمن روحت للدكتور قلي صح انو مافي درس بس مافي تسوس للجزر ليش نخلع وبناء على القاعده سوالي درس جديد بس قلي اتوقع يجلس معاكي 10 سنين ...يختلف من دكتور لتاني والواحد كمان لازم يفكر ويبان الي يبغي يستغل لانو راح يقلك خلع وعلى فكره الخلع هو الي يخلص التامين الطبي لانو يشفطو فلوس كتيره منه وبالزات لو درس العقل ....مع اني مع خلع درس العقل
    7 "
  7. المشاركة الأصلية كتبت بواسطة a.alzahrani
    طيب والي مسوي تقويم .. ؟ الشد راح يكون ع التأمين ولا علي انا ؟؟
    ويحتاج اجيب نسخه من ملفي ولا لا ؟؟

    يا ليت احد يقدر يفيدني في النقطه هذي ..
    تكون على حسابك لانها تعتبر تجميليه وكمان للاسف الضمان كان يغطي حتى تلبيس الضرس الفتره الاخيره اتينا قالت انو صار داون قريد للتامين وتعتير التلبيس تجميليه .......التقويم حسابك يكلف ٣٠٠ دولار تقريبا الدكتور يتابعك وانصحك تحط المتحرك ارخص مرررة وحده تدفع فيه ونفس شغل التقويم بس الفرق ابطي لانو راح تخرجه من اسنانك بس لو سنونك اصلحت غير تقويمك في اسرع وقت
    7 "
  8. انا زبطت اسناني بالسعودية قبل اروح
    ومجاناً

    علاج التهاب ضرس ونزع اعصاب وبعدين بيلبسونه لي
    وايضا تسوس من الخلف في الاسنان الأمامية عملت لي حشوة تجميلية نفس لون السن
    وتنظيف وبتشيك على كل الاسنان جلسة ورى جلسة مجاناً في المستشفى الحكومي

    أريح لي وللوزارة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.