عرض للطباعة
السلام عليكم
بختصار
انا راجع السعودية بالكريسميس على حسابي الخاص رسلت للملحقية طلب استفسار على البوابة الالكترونية اقدر ارجع للسعودية بدون اخباركم
ما ردوا عليي بشئ ردوا عليي بصفحة فاضية
السؤال هل اقدر ارجع للسعودية بالكريسمس على حسابي بدون اخبارهم علشان يمكن بعدين يحطوني على الهولد او شئ ؟ ( يا شباب ابغى واحد متأكد )
<<<<<<<< ماصار سؤال صغير
ياليت احد يجااااااوبنا
ما دام رجوعك ما راح يكون فيه حذف ترم .. ما يحتاج تبلغهم
لكن تحتاج تبلغهم في حال انك تبغى تذكره من عندهم او ناوي تحذف ترم
بس اذا كانت الاجازه رسميه مثل اجازة الصيف او الكرسمس والعوده على حسابك.. هنا ما يحتاج تبلغهم
بالتوفيق لك اخوي
اخوي حسام88 متأكد
انا ماراح احذف ترم لأني راح ارجع بالكريسمس يعني اقدر ارجع بدون اخبارهم
وهل المكافاة راح تنزل كل شهر كاني بامريكا
الافضل تعطي خبر للمشرف
ارسلو ايميل
رسلتلوا ايميل قلتلوا برجع السعودية على حسابي الخاص بالكريسميس يرد عليي ويقولي the official vacation is after complete 9 month
السؤال بوادي واجابته بوادي ثاني اقولة برجع على حسابي
تكفون ردوا بسرعه
الملحقية إذا رحت تقول لهم أبي أسافر وأبي مدري إيش على طول يسوون فيها سين وجيم، سافر يا أخي وما عليك منهم والله ما أحد درى عنك، أنا جلست ببريطانيا ثلاث سنوات أسافر وأروح وأجي كل شوي ما عمري طلبت منهم إذن إلا مرتين كنت أبي تذكرة، ومع ذلك تخرجت وما أحد درى عني مع أني كل شوي أزرق الرياض عشان القرب بين السعودية وبريطانيا.
تحياتي،،،
تقدر ترجع للسعوديه في الاجازات الرسميه من غير ابلاغ الملحقيه …اقتباس:
المشاركة الأصلية كتبت بواسطة فيصل 123
الملحقيه مسؤولة عنك خلال أوقات الدراسة فقط اما في الاجازات فأنت حر تروح لأي مكان في العالم ما دام
1- التذكره على حسابك
و 2- اجازتك ما راح تأخر أو تغير في دراستك مثل اجازات الكريسمس او الصيفيه(اجازه رسمية) ..
وعلى فكره بعض المشرفين يجهل أنظمة الملحقية
.. نظام الملحقيه ما يوقف راتب المبتعث اذا كان في اجازه رسميه .. لكن بعض المشرفين يوقفون راتبك من غير وجه حق
اذكر رجعت انا وزميلي للسعودية على حسابنا في اجازة الصيف (*ملاحظة* راتب المبتعث ما يتوقف في الصيف حتى لو لم يدرس)
المهم زميلي بلغ المشرف وأنا ما بلغت لان التذاكر كانت على حسابنا وكنا في اجازة صيف يعني ما حذفنا ترم دراسي
المهم زميلي جلس الصيف كامل بالسعودية من غير راتب وانا الراتب ينزلي ( يعني نزلي قرابة 21 الف ريال بالصيف وزميلي ما نزله مع انه يستحق .. لكن السبب هو جهل المشرف الدراسي)
خلاصة السالفة
- اجازه رسمية (تمتلك الاحقيه بالسفر او الجلوس من غير استشارة الملحقية)
- اجازة عن طريق حذف تيرم دراسي (لا تمتلك الحق بالسكوت .. لازم تبلغ الملحقي )
بالتوفيق لك يا صاحبي :)