الأعضاء الإشتراك و التسجيل

الملتقيات
ADs

يا جماعة الخير طمنوني و الله اني تعبت

يا جماعة الخير طمنوني و الله اني تعبت


NOTICE

تنبيه: هذا الموضوع قديم. تم طرحه قبل 4500 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية m-m-m
    m-m-m

    مبتعث مستجد Freshman Member

    m-m-m الولايات المتحدة الأمريكية

    m-m-m , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Linguistics-MA , بجامعة California Stte University, Fullerton
    • California Stte University, Fullerton
    • Linguistics-MA
    • أنثى
    • Fullerton, CA
    • السعودية
    • Jun 2011
    المزيدl

    December 3rd, 2011, 04:10 PM

    السلام عليكم

    انا مبتعثه و حابه اجيب قبول مشروط ماستر applied linguistics
    المهم كلمت واحد في احد المكاتب و سدها فوجهي الله يسامحو
    اعطيتو اسماء ثلاثه جامعات و الله اني تعبت من البحث و انا متاكده انو هادي الجامعات تعطي قبول مشروط
    University of Delaware
    University of Massachusetts Boston‏
    university of california long beach
    وقلتلو لا تعتمد على هادي الجامعات اذا لقيت قبول في جامعات تانيه عادي
    انا مشكلتي انو اخويا يدرس هندسه مدنيه و لازم انكون في نفس الجامعه او جامعتين مختلفه في نفس المدينه
    المهم استنيتو يوم يومين اسبوع مارد عليا قمت اتصلت عليه قالي صعب مررررا مافي جامعة في امريكا فيها قبول مشروط في هادا التخصص<<< معقووووول
    قلتلو انا ماني خايفه من التوفل ممكن اختبر توفل بس انا خايفه اطول في gre و ابغى قبول مشروط عشان احس بالامان انو انا مقبوله في جامعه مو احوس بعد المعهد
    قالي طيب ليش ماتدخلي معهدESL لانو متعامل مع 480 جامعه و يعفيكي من GRE
    قلتلو طيب الجامعات اللي اعطيتك هيا من ضمنها ؟؟
    قالي مدري دوري انتي

    قهرني قهرني حسيتو ادمي مايبغى يشتغل , يعني اذا انا جبتلك كل شي ليش اعطيك فلوس
    على فكره هوا تابع للمكاتب المعروووووفه

    معليش طولت عليكم بس حبيت افضفض لانو محد حيحس بمعاناتي غيركم
  2. دامك قريتي ومن الجامعات الموصى بها

    حاولي تسوين شغلك بنفسك

    على فكره اختبار GRE

    على حسب ماسمعت انه فيك فيك حتى لو قبول مشروط


    الي ممكن تعفين منه التوفل لو دخلتي معهد تابع للجامعه ومن مميزاته انه يعفي عن التوفل
    7 "
  3. انا عادي عندي اختبر توفل اصلا تخصصي انجلش يعني مصيبه اذا ما اعرف شي في اللغه<<<<< اجل 5 سنين افحط في جامعة الملك عبد العزيز ايش اسوي؟؟
    بس انا ما ابغى اشيل هم البحث عن جامعه خلاص ابغى اخلص معهد و ادخل الجامعه ابغى احس باستقرار و امان
    ما ابغى اقعد اتنقل من ولايه للتانيه والله الغربه صعبه و الواحد يدوب يلاقي استقرار ويتعرف على ناس طيبين
    انا عارفه اني انا اللي اخترت هادا الطريق ومافي شي سهل في الدنيا دي , بس برضو الانسان طماع ويحب يريح نفسو
    الله يستر و يخترلنا الخير ياااااااارب

    اشكر كل مين رد عليا
    7 "
  4. أنا من تخرجت من بريطانيا وأنا أبحث في الجامعات الأمريكية وما تركت جامعة ما فتحت صفحتها وقريت برامجها، وراسلت كثير من الجامعات، باختصار: قائمة الجامعات الأمريكية في صفحة الوزارة حوالي 1200 جامعة، أنا أقول لك قرأت كل برامجها وكتاب الطالب إذا كان موجود في مواقعها، لكن طيلة بحثي كنت أبحث في برامج الدكتوراه، وخلاصة الكلام هو:

    - كلام الرجال صحيح إلى حد ما: تخصص اللغويات واللغويات التطبيقية في الدكتوراه لا يمكن أن تحصلي على قبول مشروط.
    - في الدكتوراه لا يمكن أن تجدي برنامج في تخصص اللغويات بدون جي آر إيه إلا في حوالي جامعتين أو ثلاث.
    - أما الماجستير فحسب مروري على بعض البرامج عند البحث عن برامج الدكتوراه:
    فيه جامعات ما تطلب منك جي آر إيه للماجستير وهي إلى حد ما كثيرة.
    فيه جامعات ممكن تقبلك تيسول بدرجة 6 أو 6.5 لكن أغلب الجامعات 7.
    بالنسبة للقبول المشروط كأنها مرت علي كم جامعة تعطي مشروط للماستر لكن بعضها تطلب أنه يكون الفرق بينك وبين الدرجة المطلوبة قليلة مثلاً أنت جايبة 5 في الآيلتس وشرطهم 6 أو 6.5 يقول لك نعطيك مشروط.

    هلحين: أنت قولي هل أنت مصرة على الأبلايد، أو يمكن أنك تدرسي تيسول، أو يمكن تدرسي لغويات وأنا أشوف لك بعض الجامعات اللي مرت علي.

    بالتوفيق،،،
    7 "
  5. نسيت أقول لك: لا تبحثي قبول مشروط عند الجامعات القوية، وأنت طابة في جامعات كلها جامعات توب مستحيل ثم مستحيل يعطونك قبول، أصلاً وأنت جايبة 7 في الآيلتس، وجايبة الجي آر وكل الطلبات ممكن ما يختارونك.

    تحياتي،،،
    7 "
  6. مثال:
    Montclair State University - CHSS - Linguistics

    هذي الجامعة عندها ماجستير لغويات تطبيقية ،وتعطي قبول مشروط بدرجة محددة في اللغة ومجرد اختبار للجي آر إيه بدون درجة محددة .
    هذا أحد الأخوة من هذا الملتقى سبق وأن حصل على قبول مشروط من هذي الجامعة:

    http://www11.0zz0.com/2011/12/03/21/398262220.jpg
    7 "
  7. المشاركة الأصلية كتبت بواسطة ابي ارفع راس والديني
    اختي انا امنيتي ان ادرسالابلايد لنقوستكس او التيسول . يوجد تقريبا 12 جامعه تدرس التيسول واقل منها تدرس الابلايد
    حبين أنبه على نقطة مهمة .. الجامعات التي تدرس التيسول أكثر من 12 ولكن إنتبه عند البحث على موقع وزارة التعليم لأنك لو بحثت عن كلمة TESOL راح يطلعك الجامعات اللي ملتزمة بهذا الكلمة فقط

    حاول تبحث عن Teaching English أو English as a Second Language راح تطلع لك قائمة كبيرة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.