خلاص زهقت نفوسنا من البعثه
السلام عليكم ورحمة الله وبركاته
خلاص يااخوان والله ماعاد فينا نتحمل
طفح الكيل ملحقيه لنا اسبوع فاتحين
ملف المبتعث ورحنا للمعهد طردونا لانو مافيه
ضمان والضمان للزوجه وهي المبتعثه الاساسيه
ماوصل كيف عاد انا. المرافق !!!
وثاني شي الي خلتنا بعد نفكر بشكل جدي
الطفل مره مو متقبل الحضانه
والله العالم وش يسوا فيه
ويبكي كثير وقلوبنا تتقطع عليه
لما يبكي
ونصحى الصباح بدري ونمشي على رجولنا من مكان الى مكان
ومن باص الى باص وشحططه بهالبرد
يااخوان باختصار الان إحنا فكرنا بشكل جدي
ووصلنا الى حل أنو نلغي البعثه ونرجع لمملكتنا
وارجع لدوامي والأهل يجلسون في بيتهم ونعيش حياتنا بدون هالمرمطه
سؤالي الان وش الاجراءات والطريقه الي نسويها عشان الغاء بعثتنا
مع العلم انو لسى مالنا الا اقل من شهر باامريكا.
او نتوكل على الله بدون اي اجراء نتخذه
لأني في طور حجز تذاكر وعلى حسابي الشخصي
ولا ابي لهم ريال واحد مع أني صرفت الان حوالي
10000 ريال سعودي مابين فنادق ومواصلات
خاتمة " موضوعي اقول اعان الله المبتعثين العوائل
وخصوصا ممن لديهم أطفال
وشكرا لكم
رد: خلاص زهقت نفوسنا من البعثه
لاحول ولا قوة الا بالله ياخي حاول تكلم المشرف عليكم ولا تتصل على الملحقيه ولا تنقز على واشنطن تشوف حل يعني حرام بعد ما جيتو تلغي البعثه...
رد: خلاص زهقت نفوسنا من البعثه
تبي النصيحة ؟؟ وإلا بنت عمها
أصبر .. فوالله مابعد العسر إلا اليسر ..! وثق بالله اللي وفقك توصل لهذي النقطة من الدراسة
وحلاوة الشهادة بتنسيك كل اللي قلته .. كنت طموح بالبداية حرام تخسر طموحك عشان شوية عتبات ،، تخطّاها والحمد لله منت بلحالك معك نصفك الثاني يعني الهموم بتكون متشاركة بينكم ،، وعلى فكرة الطفل اللي تقول يصيح تعال بعد شهر وأذكرك بيصيح لما تطلعونه منها وما يبي يرجع معكم :) وهذا اللي صار مع بنتي
يالله عقبال ما تنزل موضوع بشهادة تخرجك أنت والمدام .. أسأل الله لكم التوفيق والسداد
رد: خلاص زهقت نفوسنا من البعثه
اقتباس:
المشاركة الأصلية كتبت بواسطة aziz-ban
لاحول ولا قوة الا بالله ياخي حاول تكلم المشرف عليكم ولا تتصل على الملحقيه ولا تنقز على واشنطن تشوف حل يعني حرام بعد ما جيتو تلغي البعثه...
راسلتهم ويقولوا بالملحقيه ولاادري عنهم
لي اسبوع على هالحال
الشكوى لله إخووي وشاكر لك
رد: خلاص زهقت نفوسنا من البعثه
اقتباس:
المشاركة الأصلية كتبت بواسطة the coming hope
تبي النصيحة ؟؟ وإلا بنت عمها
أصبر .. فوالله مابعد العسر إلا اليسر ..! وثق بالله اللي وفقك توصل لهذي النقطة من الدراسة
وحلاوة الشهادة بتنسيك كل اللي قلته .. كنت طموح بالبداية حرام تخسر طموحك عشان شوية عتبات ،، تخطّاها والحمد لله منت بلحالك معك نصفك الثاني يعني الهموم بتكون متشاركة بينكم ،، وعلى فكرة الطفل اللي تقول يصيح تعال بعد شهر وأذكرك بيصيح لما تطلعونه منها وما يبي يرجع معكم :) وهذا اللي صار مع بنتي
يالله عقبال ما تنزل موضوع بشهادة تخرجك أنت والمدام .. أسأل الله لكم التوفيق والسداد
اولا اشكر لك مرورك وتعليقك اختي الكريمه
والله انه هذا كان طموحنا انو نتعلم ونجيب الشهاده لكن ماكنت عارف انه مكان دراستنا بعيد
وحضانه الطفل ابعد ومشاوير طويله
والي زاد الطين بله انو لغتنا بعد زيرو والعارفين نمشي الامور
رد: خلاص زهقت نفوسنا من البعثه
وواحد من اصحابي راح قبل شهرين قعد تقريبا 15 يوم وضربت النفسيه ورجع للسعوديه
الحين نادم اشد الندم خسر اكثر من 10 اللاف ويقول ليتني ما رجعت
ياخي الكريم اصبر وتتيسر امورك والله بيجيك يوم بتحزن على فراق امريكا
حاول تراسلهم اكثر واصبر
الله يسر امورك وييوفقك
رد: خلاص زهقت نفوسنا من البعثه
لا ترجع اي والله لا ترجع انا جلست 18 يوم ينفتح ملف وحوالي شهر وعليها من غير ضمان واخوي جلس بعدي بأكثر من كذا ..
صجهم ايميلات اكتب كل اللي بخاطرك كل شي على كل ايميلات الملحقيه اللي موجودة بالموقع تدري انا حتى راتبي ما نزلي مثل اللي وصلوا معي في نفس الوقت كان باقي معايا
60 دولار والسكن يبغا ايجاره والباص وووو والمعهد تكلمنا معاه وتفهم وصبر لكن كن عندك ثقة بالله والله حتى انا اخوي قلي برجع السعودية انا ما جبتك هنا تتمرمطي بعدين فرجت انا ايماني قوي بالله وكنت اراسل الملحقية على كل الإيميلات وأتصل على الأرقام ليل ونهار تخيل ادق حوالي الأربع ساعات مثلا وترد علي وحده وما تعطيني شي تحولني الرقم ثاني وهكذا .. الخ لا تيأس ولا تخليهم يحبطونك .. حاول ليل ونهار حاول أنا كنت أقولهم انتوا بتضيعوني وقولهم باقي معايا كذا كل شي ارسله لهم اتصل راسل صجهم حتى لو ماردوا ادخل البوابة في ايميلات استخدمها لا تحبط ابداً لا تحبط ..
النوم ماكنت انام كنت ابكي على طووول لأني ما ابغى ارجع وكنت حايرة بين الملحقية وبين اخوي هو صادق مايرضى لي الإهانة غير الفلوس اللي راحت وغير وغير ... الخ
رد: خلاص زهقت نفوسنا من البعثه
حبيبي
استعن بالله واصبر ولا تتخذ إجراء من البداية لأن هذا شيء غير منطقي .
سأتكلم معك بصفتي أب وعندي طفلين (الله يصلح لنا ولكم النية والذرية) .
الملحقية من أكبر مصائب المبتعثين ، ولابد أن يصيبك التبلد من استهتارهم وتطنيشهم لإنجاز أمور المبتعثين ، وأخشى أن يأتي يوم يثور فيه الناس ويتم اقتحام الملحقية كما حدث في القاهرة .
لابد من التواصل مع الملحقية بطريقة تصعيد الموضوع إعلامياً (عن طريق النت) ، من خلال كتابة هذا الموضوع في كل مواقع المبتعثين لأن هناك لجنة من الملحق نفسه تتابع الأخبار حتى ما يتسود وجهه قدام الوزارة في الرياض .
الضمان سوف يأتي عاجلاُ أم آجلاً ، لكن ركز على مسألة حصولك على التأمين الطبي خصوصاً إن عندكم طفل ، وتطلعوا في الباصات مع البرد كل صباح .
بكاء الطفل في الحضانة أمر طبيعي جداً وسوف يستمر لمدة أسبوع فقط ، لأن الطفل يصطدم بإختلاف اللغة التي أمامه ، لكن بعد أسبوعين سيبدأ في الاعتياد عليها وراح يبهذلكم في الويكند لو ما راح الحضانة.
إذا كان معاك عوائل سعودية ولديهم أطفال في الحضانة ، أتمنى أن ترسل طفلك معهم حتى يجد في البداية بعض من يفهم لغته ويتعامل معه .
حاول الحصول على سيارة لأن وضع العائلة يختلف عن الآخرين ، وخصوصاً إن لديكم طفل .
أتمنى ألا تتسرع في إتخاذ القرار وقد مريت بنفس وضعك وأسوأ ، بل أطفالي كانوا بدون تأمين طبي لمدة شهرين ولم يتم الحصول عليه إلا بعد رفع شكوى للسفارة من تصرفات الملحقية اللعينة .
أتمنى أن تتحمل لمدة ٣ أسابيع فقط ، وبعدها ستجد التأقلم بدأ يسري في حياتك ، وراح تنسى الأفلاج.
الله يكون في عونك ويسهل دربك
رد: خلاص زهقت نفوسنا من البعثه
اقتباس:
المشاركة الأصلية كتبت بواسطة semo00o
وواحد من اصحابي راح قبل شهرين قعد تقريبا 15 يوم وضربت النفسيه ورجع للسعوديه
الحين نادم اشد الندم خسر اكثر من 10 اللاف ويقول ليتني ما رجعت
ياخي الكريم اصبر وتتيسر امورك والله بيجيك يوم بتحزن على فراق امريكا
حاول تراسلهم اكثر واصبر
الله يسر امورك وييوفقك
والله يااخوي مالومه اوقات الواحد
يكره نفسه من الي يجرى له
بس الوضع يفرق بعد لما تكون وياك عائله واطفال
رد: خلاص زهقت نفوسنا من البعثه
اخوي انا عندي 4 اطفال اكبرهم 6 سنين لازم تخطط للموضوع صح باي طريقة وموضوع الطفل انه يبكي شي طبيعي حتى لو انه وسط السعودية راح يبكي بس لازم تضحي وتتحمل وراح تضبط امورك
ومن ناحية الحضانه صدقني راح تلاقي قريب منك بس اصبر شوي او شوف لك حاضنة تجي للبيت 4 ساعات في اليوم وشوي شوي راح تحس بالتغير اخوي هذا مستقبل تحتاجه انت واهلك واذا على
الطفل صدقني هو اكثر شخص يحتاج نجاحكم وتضحياتكم وارجع واقول سو اي شي بس لاترجع وتضيع فرصة مستحيل تتكرر...
سلااااااااااااااااام.