رسبت في آخر مادة - هل الملحقية تمدد؟
الســلام عليكم ..
باختصار .. المفروض أتخرج السمستر هذا من الجامعة .. أنا سبق طلبت تمديد الصيف و الفصل الحالي .. و جبت خطاب على أني بتخرج .. المهم
قدر الله علي و شكلي برسب في مادة ( ساعتين ) ..
بصراحة .. محتار .. هل الملحقية لو أرسل لهم بيمشونها لي و بيدعموني و الا بيكرشون و بيقولون أدرس على حسـابك ؟! لأن إن كانه على حسـابي فشكلي بنزل السعودية و الصيف أرجع عشان المصاريف المعيشية ..
تدرون إذا الملحقية تزحلقني في هالموضوع و الا لا؟
أو أحد مر بحـالتي؟
و الي عنده نصيحة معيـّنة و يحب يقولها لي على الخاص اكون له شاكر :)
رد: رسبت في آخر مادة - هل الملحقية تمدد؟
الله يوفقنا وياك ... وعليك بالاستغفار والدعاء لعل الله ييسر امرك
رد: رسبت في آخر مادة - هل الملحقية تمدد؟
بارك الله فيك أخوي .. لا تنساني من صالح دعـــاك ..
و الله ييسر الأمر لي :)
رد: رسبت في آخر مادة - هل الملحقية تمدد؟
لا تنسونا يا أخوان من مساعدتكم
رد: رسبت في آخر مادة - هل الملحقية تمدد؟
شوف أخوي
لو فرضاً إنهم رفضوا يمشون أمورك -لا قدر الله- لازم تعمل خطط بديلة وبأقل الخسائر .
ابحث عن الكلاس أون لاين ، أو جامعة سهلة ومو غالية....الخ
أسأل الله أن يكتب لك النجاح والتخرج في هذا الفصل إنه على كل شيء قدير
رد: رسبت في آخر مادة - هل الملحقية تمدد؟
و الله مشكلة ديرتنا كل شي يبي له واسطـــة .. شكلي بكلم الجمــاعة لوول
تســاهيل بإذن الله يا رصيف الشمس .. أنا حاط لي كذا سسيناريو ( تعلموا يا شباب مني و لا تستسلموا )
البلان A :أكلم المدرس لين يمشيني ( لو فشلت أروح بلان B)
البلان B :أكلم الأدفايزر حق الجامعة يسوي لي petition ( لو فشلت أروح بلان C)
البلان C : أكلم الأدفايزر حق الجامعة يكتب لي خطاب أنه باقي لي مادة وحدة عشـان أتخرج و هالمادة ساعتين فقط و أطلب تمديد. ( لو فشلت أروح بلان D)
البلان D : أرجع السعودية و أشوف لي وظيفة و أكتب في السيرة أني طالب للحين و على وشك تخرج بس الفيزا متوقفة ، و أوريهم الترانزسكربت و أتوظف لين يجي الصيف. أنزل المادة في الصيف مدتها ست أسـابيع بس. يعني بدل ما أدفع قيمة المصاريف و المعيشة أربع شهور أدفع بس ( ست أسـابيع ) خصوصـًا أن أحد عيـال عمي موجود هنا في نفس ديرتي أقدر أسكن معه لين الله يوفقني ...
درس في التخطيط لوول
بس يا ررررررب يخلوني أقعد في أمريكا .. لأن أنا جالس أتدرب مع شركة و بستغل وقت قعادي في أمريكا الفصل الجاي لو مددوا لي بأني أتدرب في هالشركة لأنه قال بيمشيني و يخليني أتدرب طبعـًا ببلاش بس بيعطيني شهادة خبرة هع هع.
دعواتكم
مشكورة يا أخت رصيف الشمس .. على فكرة فكرتيني بقصيدة لمانع بن شلحاط قصيدة عن الحداثة أسمعيها بس لا تشوفين وجهه .. لوول استغفر الله العظيم
موفقة و بانتظار رأي البقية ..
رد: رسبت في آخر مادة - هل الملحقية تمدد؟
الله يوفقــك اخوي
بس للمعلوميــه ( رصيــف الشمس ) مو بنت ..
رد: رسبت في آخر مادة - هل الملحقية تمدد؟
عذرا يا رصيف الشمس ... و مشكور يا أُســــامة ..
^_^ ...
هاه يا شباب همـّتكم ... ساعدونا بالي تقدرون عليه ..
رد: رسبت في آخر مادة - هل الملحقية تمدد؟
رد: رسبت في آخر مادة - هل الملحقية تمدد؟
خذت موعد مع الجامعة بطلع خطاب من الجامعة و الله يكتب الي فيه الخير
و الله الواحد ما يدري وش بيصير
دعواتكم