ساعدوني بالنسبة للتوصيات مشكلتي ):

لا تخلين أهلك يكلمونهم أنتي كلميهم اتصلي تلفون عليهم وق ولي انا اكلم من امريكا بيني لهم الاهتمام .. بس خلي اهلك ياخذوا الاوراق و لكن انتي تكلمي بنفسك لو ما نفع ارسلي عاد احد من اهلك عشان يتفاعلون معك و لا يماطلونك
و كلمي ان قدرتي خمسة لان على الاقل ثنين من الي بتكلمينهم بيسحبون .. اعرف حركات الدكاترة ..

طيب أخ مايو
ايش التخصص اللي ناوي عليه؟ ولأي مرحلة ؟
والله أبغى أحاول بكل قوتي ألقى قبول مشروط بدون جيمات و جي آر أيه
الله يسهل الأمور

نهائيـًا ما أتوقع أحد يعطيك خطاب توصية و هو ما درسك .. إلا إذا واسطة
يعني كل شي بواسطة في ديرتنا يصير .. و أتوقع أي شخص درسك سواءًا كان معيد و الا غيره ..

بس عمومـًا خليك في السليم اطلبي دكاترة . و حطي في بالك كذا معيد يمكن يساعدك
اجمعي الي تقدرين عليه من خطابات التوصية ما عليك .. لا تستكثرينها .. ترا كلها حبر و ورق ما راح يخسر شي
بس قولي لهم انجليزي .. و لو قال ما اقدر انجليزي قولي خلاص اكتبها عربي و ودوها لمكتب ترجمة يترجمها و يوثقها ..




بالنسبة لي بحثت في كل الجامعات كلهم يبون جيمات او جي آر أي .. بس بعضهم يبون جيمات و الا جي ار اي حبر على الورق اجراء رويتيني فقط ..
و انا ما عندي مشكلة اي تخصص في البزنس .. بس اهم شي تتيسر اموري الحين

انا بتخرج من امريكا ان شاء الله قريب

و ربي يكتب الي فيه الخير

أخ مايو ماقصرت إن شا الله ماشية على نصيحتك
الله ييسر أمورك يارب , قرأت موضوعك الخاص بالتعثر الله يكتب لك اللي فيه الخير وإن شا الله تتسهل وتتخرج وتدرس ماستر ..
لاتيأس حاول Never give up

بس ياليت اللي أخذوا توصيات من معيدين ومحاضرين يفيدونا , هل مشي الوضع تمام معاهم ؟
في دكتورة ومعيدتين في بالي , الرجال والله مدري على الله يردوا ..

انا جبت خطابات توصية من جامعتي الامريكية من معلمة ما كانت دكتورة كانت معلمة و بس
بس لها خمس سنين مع الجامعة

حاولي ما عليك
اهم شي خطاب توصية من ناس درسوك
و الله يوفقك

طيب سؤال أخير
التوصيات هذي بس تكون من اللي درسوني ؟ ولا تمر كمان على العميدة الخاصة بالقبول والتسجيل والتخرج ؟

الله يسعدكم ويوفقكم على ردودكم ..

إنه من ابن بيت آل هليلة وإنه بسم الله الرحمن الرحيم:

معك خبير تقديم جامعات أمريكية، من كثر ما شيبوا راسي صار عندي خبرة.
أنا مثلك متخرج من عام 2005 بكلوريوس، صح أن برضه درست بعدمها ماجستير في السعودية وماجستير في بريطانيا لكن برضه؛ لأني أحتاج أقدم على عشرين جامعة أحتاج أرجع لبعض الدكاترة اللي درسوني في البكلوريوس.

أولاً: طريقة الجامعة في طلب التوصيات:

1- هناك جامعات يكون الأبلكيشن نفسه فيه خانة تعبي أسماء الدكاترة، ومباشرة أول ما تسوي له حفظ يقوم بإرسال بريد إلكتروني للدكتور وفيه اسم مستخدم ورقم سري يقوم يدخل على الأبلكيشن ويعبي لك ما يسمونه توصية إلكترونية.
في هذي الحالة: تروح تدور إيميلات الدكاترة اللي درسوك بأي طريقة، شف القسم حقك اللي درست فيه، شف الموقع الإلكتروني المهم من هنا ومن هناك جمع لك كم إيميل وقم راسلهم وأرفق نسخة من سجلك الأكاديمي وقل له أنا وضعي كذا وكذا، وأنت درستني في مادة كذا. لو ما نفع أرسل أحد معه نسخة من السجل الأكاديمي للدكاترة وخله يأخذ إيميله وتوصيه ما ينسى يرد على التوصية لما يجيه الإيميل من جامعتك.
لو ما رد على الإيميل تقدر تسوي له تنبيه مرة أخرى ويجيه إيميل جديد، وفي نفس الوقت لو ما رد بعد عدة محاولات تقدر تحذف اسمه من الأبلكيشن حتى بعد تسليمه أون لاين، وتضيف اسم دكتور آخر.
فيه أشخاص عندهم قلة أمانة ممكن يحط إيميل شخص آخر أو حتى إيميل له خاص، وتجيه هو الرسالة ويقوم يدخل بالباسوورد نفسه ويعبي البيانات وعلى بالهم أنه الدكتور.

2- الطريقة الثانية: أن الجامعة تطلب من دكتورك يرسل لك التوصية مختومة ومظرفة، وتقوم أنت بإرسالها لهم، وهذا يحتاج لها شخص يروح يأخذ منهم التوصيات ويرسلها لك وأنت ترسلها لهم.

3- الطريقة الثالثة: أن الجامعة تطلب من الدكتور نفسه أنه يرسل لهم توصية من نفس البلد الي يسكن فيها وهذي قد يمكن أن الواحد يأخذ التوصية من الدكتور من السعودية ويقوم هو بإرسالها على أنه الدكتور، وهذي ما أعتقد أن فيها شيء لأن الدكتور مو فاضي يروح يرسل لك أوراقك.

4- الطريقة الرابعة: هو أن يكون للجامعة فورم معين على صفحة القسم أو صفحة الدراسات العليا، وأنت تأخذ النموذج وترسله للدكتور وهو يعبيه ويرسله بالإيميل، أو يعطيك إياه ترسله بالبريد، على حسب طلب الجامعة.

5- الطريقة الخامسة: جامعات تطلب منك أنك تزودهم بعدة أسماء في الـ Personal Statement or Statement of Reason وبعدين يعطونك إيميل ويقولون أعطهم هذا الإيميل، وخلهم يرسلون عليه التوصيات.

6- الطريقة السادسة: أنهم يطلبون منك بياناتهم وهم بطريقتهم الخاصة يرسلون له أو يتصلون به ويأخذون منه تفاصيل عنك.

ثانياً: نأتي الآن لمن يكتب التوصية:

1- فيه جامعات تلح على أن يكون من يكتب التوصية هو دكتور سبق وأن درسك.

2- فيه جامعات تطلب منك أن تكون توصية واحدة على الأقل من دكتور سبق وأن درسك.

3- فيه جامعات يمكن أن تقبل توصية حتى من أستاذ عادي ليس جامعي، أو حتى مديرك.


ثالثاً: أنوع التوصيات في جامعاتنا السعودية:

1- توصية تكون بنموذج جاهز عربي، هذا يحتاج تعبية وختم بعدين يترجم، ويرفق الأصل، وهذي موجودة وتحتاج ختم القسم أو العميد.

2- توصية تكون بنموذج إنجليزي، أو إنجليزي وعربي، وهذا تكون كافية تعبأ وتختم، وهذي موجودة وتحتاج ختم القسم أو العميد.

3- توصية نصية: أي عبارة عن كلام مفصل عنك يكتبه الدكتور، فإذا كان بالعربي يحتاج ترجمة، وترفق الأصل معه.

رابعاً: المطلوب الآن:

ينبغي أولاً أن تحدد الجامعات اللي راح تقدم عليها، ثم تدخل تشوف في موقعهم وش هي شروط التوصيات عندهم، وبعدها تبدأ تطبق الطريقة، وتشوف وش ينفع معك علشان تحصل على التوصيات، وبالتوفيق،،،

لا بس دكاترة درسوك ..
بس إن جتك من العميدة و الا شي لا تقولين لا

بس الي اعرفه من دكاترة درسوك و الله اعلم

عموما لا تشتتين الموضوع و تكبرينها حطي ببالك خمسة و ارسلي لهم الان رسالة منسقة منمقة مهذبة و بيردون لك


اذا فيه شي بعد اساءلي الاعضاء ما راح يقصرون

أخ آل هليلة أنا درست بعد البكالوريوس في 2005 دبلوم تربوي من نفس جامعتي هذا ايش وضعه وقت التقديم للجامعات؟؟
شكراً لك ردك ماشا الله شامل
أنا راح أطلب 5 توصيات مختومة وأخليها معايا عشان أبغى أقدم على جامعات مختلفة لسه ماحددت
وإذا استجد شي من الجامعة اللي راح أختارها راح أراسل الدكاترة من جديد الله يسهلها ,

وشكراً مرة ثانية كمان للأخ مايو اللي متابعني في استفساراتي ويرد أول بأول ,

ربي يكثر من أمثالكم أخواني ويسهل أموركم ماقصرتوا ..