مساعدة حالة طارئة و عاجلة ما احد يرد علي!

يسر الله امرك وسخرلك عباده

جزاك الله خير يا بطل
ايش معنى خانة عدد الطلاب السعوديين ( هل هو عدد شاغر أو فيه عدد من الطلاب كذا )
الحين انا كان عندي ملف محدث على 4 محرم و كان فيه معاهد متقفلة و الحين فتحوها
كيف كذا ؟ انا ما بدأت اراسل المعهد لأنه كان مقفل الحين اشوفه محدثينه ( معهد اقترب من الحد المطلوب )
طيب ايش هي الخطوة الأولى بعد اختيار المعهد اراسل أو اتصل على المشرف بالبداية او اني اراسل المعهد نفسه
بالتوفيق

بالنسبه لعدد الطلاب السعوديين .. فاتوقع اخوي يقصد به عدد الطلاب المقدمين على المعهد الى الآن من المرحله السابعه .. لان كيف يقصدون فيه اماكن شاغره .. و لونه احمر
واللون الاحمر يعني انه ممتلي ومقفل .. فما يمكن يكون احمر + اماكن شاغره

وحتى مجموع الطلاب تحت ( 6723 ) يوحي انه مجموع الطلاب المقدمين على المعاهد الامريكيه من المرحله السابعه الى الآن ..

اما بالنسبه للطريقه فاول شي تختار معهد مفتوح القبول فيه .. ثاني شي تراسل المشرف باسم المعهد عشان يعطيك عليه ضمان مالي .. وبعدين تراسل فيه المعهد
لأن هذه هي اجراءات طلاب المرحله السابعه ..

والله يهون عليك اخوي ويوفقك ,,

أفاا يعني الحين زحمة بسبب تسجيل مبتعثين المرحلة السابعة
ليتني غيرت المعهد قبل لا تصير زحمة .. الله كريم
الله يعين
جزاك الله خير على التوضيحات المهمة
وفقك الباري لكل خير في مستقبلك
بالتوفيق

اخواني اخواتي
ما هي معاهد ELS في فلوريدا
عطوني رابط يفيدني بهالخصوص
بالتوفيق

عزيزي

بعض المعاهد لديها نظام حتى تجهز نفسها للترم الجديد - تلزم طلابها الراغبين بالاستمرار في الدراسة في الترم التالي أو في السنة الجديدة التسجيل خلال موعد معين

واذا لم تسجل خلال تلك الفترة يعني لهم ذلك عدم رغبتك بالاستمرار او رغبتك في الانتقال منهم ،، لذلك بعد انتهاء التاريخ المحدد لا تقبل تسجيلك حتى لو غيرت رأيك او حاولت التسجيل لأنهم اعدوا خطتهم الجديدة بدونك او احلوا طالب جديد مكانك في الترم القادم !

وهذا الأمر ليس للمحلقية علاقة فيه لانه بينك وبين المعهد و الطالب مسؤول عن متابعة اموره الدراسية بنفسه

و الحل الآن هو أن تبحث عن لك معهد باسرع وقت يقبل تسجيلك في ترم السبرنق و المعاهد المتوفرة كثيرة لكن لاتستعجل في الاختيار حتى لاتندم لاحقا باختيارك لمعهد سيء
والخطوة الثانية تقدم طلب تغيير معهد من خلال البوابة وترفع خطاب القبول الجديد و توضح لهم سبب الانتقال حتى لا يرفض طلب التغيير

وللمعلومية معاهد فلوريدا مغلقة بالكامل حاليا

بالتوفيق ،،

الله يعطيك العافية أخوي وضحت لي اشياء كثيرة
لكن أنا سألت موظف المكتب الأكاديمي قال لي أنت اطلع و بعدها اذا جبت ضمان مالي نسجلك للسنة الجديدة
قلت له اوكي
طيب عندي سؤال الآن أنا طلبت ضمان مالي بغرض القبول في معهد جامعة أكرون-أوهايو
و أعطوني ضمان و مكتوب فوق تخصص الباكالوريوس و ليس ELS ايش معانته
هل اقدمه للمعهد أو ان هذا للجامعة نفسها
وضحوا لي جزاكم الله خير - الوقت يسرع و كل ثانية محسوبة
بالتوفيق يا رب

للرفع تكفووون

اخوي ,, دام المعهد موقف من الملحقيه ,, امور النقل سهله جدا
عموما فيه اذا انت الان بالسعوديه ارجع امريكا افضل لك لان المعهد احتمال يلغي الايتوني حقك
وتصير بمشلكه انت في غنى عنها

فيه معاهد كثير اخوي تعطيك قبولك في نفس الاسبوع لا ابشرك يعطونك الايتوني بعد ,,
الملحقيه يبي لك تطلع لها شخصيا وتقابل الدكتور الحقباني وتشرح له المشكله كامله
وصدقني راح يتجاول معك ,,
عندك البوابه الالكترونيه اخوي ارسل لمشرفك وراح يرد عليك ان شاء الله
بس لا تنتظر من الملحقيه ترسل لك قبول جديد
انت اسعى في قبولك بنفسك وجهز اوراقك واطلع للملحقيه وبيوم واحد تخلص كل امورك
دام ان الايقاف للمعهد القديم من الملحفيه نفسها مو منك

اتكلم عن نيويورك عندنا كذا معهد تستلم قبولك بنفس الاسبوع اللي تقدم فيه
اذا حبيت مساعده احاول اجيب لك قبول من المعهد حقي
الله يوفقك ,,

الله يعطيك العافية أنا في أمريكا و في إجازة و أحاول بعد اجازة الكريسميس ما أرجع للمعهد و طابت النفس ما ابي اكمل فيه
و أنا مو معتمد على الملحقية في القبول ،، أنا أبغى أجيب قبولي بنفسي
بالنسبة لنيويورك سمعنا عن غلائها و مدري ايش من كلام الناس
لكن ايش اسم معهدك و بأي منطقة بنيويورك لأني كنت أفكر في نيويورك من نص سنة
بانتظار ردك بالتوفيق