عاجل جدا: معهد جامعة دنفر يعترض على الضمان المالي، كيف الحل، الله يرضى عليكم؟؟؟

قدمت لزوجتي على معهد جامعة دنفر، وارسلت الضمان المالي تبع الوزارة، وجاني ردهم كالتالي:

اقتباس:

---

The financial letter that you emailed only states that you are “nominated for candidacy to receive a scholarship.” This will not be sufficient as the document must state that you have been awarded a scholarship.

Thanks,

---

كيف اتفاهم معاهم!!!

وربي الي رسلك الرسالة دلخ

يقول ان الضمان ينص على انك مرشح للبعثه والمفروض يكون مكتوب انك طالب تم منحك البعثه


ولله شي يقهر معقول هاذي جامعه امريكية فيها موضفين بذا الغباء

يمكن الموظف جديد وما يدري وش السالفة ، لأن ما يمكن يكون موظف فاهم عمله ويقول زي كذا.
على كل حال وضح لهم إن الخطوة الأولى دائماً كذا من الحكومة السعودية ، ولحظة دخولك الأراضي الأمريكية راح يعطونك الضمان الرئيسي ، وأبلغهم ما يسجلون لك مواد حتى تحضر الضمان الرئيسي لهم....الخ . يعني استخدم أسلوب التفاوض معاهم .
ربنا يوفقك

عاد شوفة عينك!!

اقتباس:

---

المشاركة الأصلية كتبت بواسطة رصيف الشمس

يمكن الموظف جديد وما يدري وش السالفة ، لأن ما يمكن يكون موظف فاهم عمله ويقول زي كذا.
على كل حال وضح لهم إن الخطوة الأولى دائماً كذا من الحكومة السعودية ، ولحظة دخولك الأراضي الأمريكية راح يعطونك الضمان الرئيسي ، وأبلغهم ما يسجلون لك مواد حتى تحضر الضمان الرئيسي لهم....الخ . يعني استخدم أسلوب التفاوض معاهم .
ربنا يوفقك

---

ممكن تصيغ لي الكلام بطريقتك، لان اللغة عندي عقبة بصراحة، جزاك الله خير

شيك ع الخاص أخوي
ربنا يوفقك

وصلت.. وصلك الله بحفظه..
شكرا جزيلا..

أقولك السالفة وما فيها المشرف على ها الجامعه بندر احمد او المعهد هذا من أسوا المشرفين بالملحقية الثقافية بأمريكا وفيه مشاكل مع الجامعه بسبب تأخر الملحقية بتسدد المبالغ الا عليها الجامعه عشان كذا أرسلوه لك هذا الشي وعلى فكره المعهد جداً قوي ومن أقوى المعاهد بأمريكا ان شاء الله تتيسر لك أمورك وبالتوفيق

ايه اشبعو فلوس من السعودين ماعاد يبونهم

طيب نبغى حل عملي، في احد يقترح شي معين، في غيري متورطين معاهم، والدراسة تبدا في مارس!
الله يسهل لنا ولجميع الطلاب والطالبات!