الأعضاء الإشتراك و التسجيل

الملتقيات
ADs

طااااااااابت النفس من امريكا

طااااااااابت النفس من امريكا


NOTICE

تنبيه: هذا الموضوع قديم. تم طرحه قبل 2194 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. انت الحين تقول انك ماتقدر تتخيل نفسك انك تدرس في امريكا
    لكن انا أقولك انك بعد كم سنة راح تتخيل نفسك انك كنت تدرس بأمريكا وانك المفروض مخلص دراسة الحين وراجع بالشهادة ورافع راس اهلك فوق في العلالي
    انا والله انصحك انك تقعد وتكمل وتعوذ من بليس
    لأنه والله راح تتحسر على هالفرصة مستقبلا
    انا شخصيا اعرف كم واحد كانو في ال18 وتوهم متخرجين ويبون الوناسة مع اصحابهم والفلة ولايفكرون جديا في مستقبلهم وسفروهم اهاليهم يدرسون برا
    وبعد شهر تقريبا صارو يكلمون اهلهم بشكل يومي لدرجة وصلة فيهم حتى البكاء وفعلا سوو الي في راسهم ورجعوا
    وبعد كم سنة الى يومنا هذا وهم يعضون اصابع الندم يتمنون الوقت يرجع مرة ثانية وتحصلهم مثل هذه الفرصة عشان يتمسكون فيها لكن خلاص فات الاوان بالنسبة لهم
    وفيه شخص الي هو ولد عمي نفس الحكاية تحديدا العام الماضي كان توه متخرج وسفره عمي على امريكا غصب عنه لأنه ماكان يبي السفر وجلس اول شهرين يكلم ابوه تقريبا بشكل يومي وكان يبكي يبي الرجعة
    لكن عمي كان من النوع الصارم وماسمحله يرجع ابدا قاله لاتحاول مافيه رجعة الا بالشهادة
    وحول المكالمات على امه والكل يعرف قلب الام على ولدها وحاول يخليها تضغط على عمي لكن كل المحاولات باءت بالفشل
    وبعد هالمحاولات الي ستمرت قرابة الشهرين سلم امره وقتنع بالوضع الي هو فيه
    والان الرجال مبتعث حاليا والشهر القادم اول ترم له في الجامعة
    وزيدك من الشعر بيت عنده اجازة شهر قبل لايخش الجامعة ووالله ان اهله يحاولون فيه يرجع في هالأجازة قبل لايخش الجامعة لكن الولد رافض مايبي يرجع
    شفت كيف انقلبت الاية الحين هم يبغوه يرجع وهو رافض بتاتا لأنه تأقلم على الوضع وكون صداقات ورتاح نفسيا مستانس والحين يفكر انه مايرجع الا لم يخلص جامعة ويستلم الشهادة
    الشاهد من هالقصة انك في البداية راح تتعب شوي لكن صدقني مع مرور الوقت ماراح تفكر ترجع حتى في الأجازات بس يبيلك شوية عزيمة
    اتمنى انك تتمسك في هالفرصة الي كلن يتمناها ولاتفرط فيها قبل لايجي يوم وتندم فيه على مافات
    في النهاية القرار لك وانت ادرى بختيارك لكن فكر مية مرة قبل لاتتخذ قرارك وتأكد أنك ماراح تندم عليه مستقبلا
    اتمنى لك التوفيق.
    7 "
  2. لا مستحيل اكمل اقولكم طاااااااااابت النفس .. انا عندي اصدقاء هنا و كل شئ لكن الحياه ما تقبلتها هنا ابدا ً .. و ابوي من النوع الصارم لكن اتوقع انه ممكن يوافق لكن امي مشكله لان كذا جامعه قبلوني بس رفضتها و قلت لهم ابي تبتعثوني و الحين ابي ارجع
    7 "
  3. اخوي انت قدهآ تحدى نفسك وتحدى ظروفك وتحدى نفسيتك واجعلها لعيون والدتك ..

    صدقني اول ثلاث شهور هي اصعب شي بحياة الغربة لكن بعدهآ بتعيش حياتك طبيعي ..

    وانصحك بصلاة الاستخارة .. والله يختار لك مافيه الخير ,

    بالتوفيق ..
    7 "
  4. لا تستسلم نصيــــحه لك.... وخلها تحدي لك ))) حط في بالك إنك راح تتحدى النفسيه الي جتك......

    وبعدين ولو رجعت وش بتسوي بتقعد............خلني أعلمك وش بصير إذا رجعة ((والله أعلم))

    أول شي بتزعل أبوك وأمك وأهلك وكل من يعرفك وتزعلني!!...
    ثاني شي إذا رجعت بتصير متحطم ومالك بالدراسه وحتى لو سجلت بالجامعه ما راح تقدرتدرس!!,,,
    وبتقعد في غرفتك تندم على نفسك وتذكر كلاااامي
    أنت غير الولايه وماعليك إنشالله راااح تمشي أمورك .....
    وتراها هاذي تحصل لجميييع الطلاب ,,,,, بس أول ثلاث شهور...
    وبالتوفيق لك .............
    7 "
  5. العمر ماله دخل في الموضوع معليش شباب لا احد يشطح .. كل سنه يطلع نسبة من طلاب البكالورويوس ويمشون عادي وكل واحد له طريقته في الارتياح بس دائما تكون فئة مستهدفة في الاخبار والكلام كأن مافي الا هم وسالفة المحرم
    << شطحة نعتذر بس صدق
    انا اخوي طلعت من امريكا وتوي دخلت 18 .. يعني متخرج وانا 17 والحين الحمدالله كل شي بخير وداخل جامعه وهذا اخر اسبوع وراجع السعودية
    والاصدقاء مو كل شي اخوي ! عندك طموح ترضيه واهل ترضيهم .. عندك رب رحيم يفتحها بوجهك بس ادعيه ... عندك حياة تعيشها .. عندك فكرة تحاول تتوصل لها
    وفي النهاية الاساس يبقى على الطموح .. اذا طلعت بس عشان ابوك قال اطلع وانت قلت ايه .. اجل ممكن لو ترجع احسن .. بس لو طلعت عشانك متحمس للدراسه .. فلو توقفت فاشوفها غلطة كبيره
    على العموم اخي بس حبيت اوضح لك النقاط هذي لان ما عندي علم والله كيف تقنع اهلك ولا ايش هي الجامعات المفتوحة ..
    الله يسهلها عليك يارب
    7 "
2 من 5 صفحة 2 من 5 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.