معهد ELS مدينة قراند رابيد

الظاهر ما فيها سعوديين ؟ وإلا ايه ؟!

وعليكم السلام
قراند رابيد مدينة صغيرة تعتبر مملة بمعنى اخر لدراسة فقط
وبالنسبة للمعهد فانصح بتغييره اذا امكن لانه هدفه مادي بحت
انا ما زرت المدينة لكن اعرف اقارب لي هناك و درسوا في معهد ELS

تبي مني نصيحة والله ماكنت اصدق الناس اذا قالو els سيئ الين جربت بنفسي وكرهت عيشتي وصرت افكر الغي بعثتي عشان هالمعهد الزفت ههههههه
المهم اذا باقي عندك فرصة تغير غير
وحاجة 2 انا يمكن لي راي غير لكن المدينة صغيرة تتعب الواحد مملة مافيها مكان تروح تستانس فيه واذا كان على الدراسة انت وشطارتك عمر المدينة الحلوة والكبيرة ماكانت تخرب الا الشخص اللي مو رايح تدرس بل بالعكس اشوف انها تساعد الشخص على التغلب على الصعوبات وكسر الملل اذا كنت في ويكند مو تجلس في الشقة الواحد يبي يستانس يعد اسبوع متعب ومرهق دراسياً
هذي اللي حبيت اقوله (مع اني شطحت شوي هههه لكن تعتبر من خبرة سابقة)

أخوي حرفي بلا قيود ..

انا من الناس اللي تخرجوا من المعهد هذا ..
اولا المدينة اللي فيها المعهد ماهي قراند رابدز Grand Rapids
إسم المدينة الينديل Allendale .. وقراند رابدز هذي تعتبر الداون تاون وتبعد حوالي 20 دقيقة بالسيارة 45 دقيقة بالباص

من ميزات المدينة انا هادية .. بمعنى اصح للدراسة مو للعب والوناسة .. وخدمات الباصات فيها من احسن ما يكون .. يعني خلال ايام الدراسة الباص يمر كل 5 دقايق وينزلك للداون تاون ويفر فيك بالداون تاون كله والناس اللي فيها حبيبين الى ابعد درجة ممكن تتخيلها ويحبون الطلبة اللي من دول ثانية ,,,

بالنسبة للمعهد .. سيء (بالخط العريض) .. مادي درجة أولى .. انا انقل لك بالحرف الواحد اللي قالت لي "مديرة الشؤون الطلابة" بالمعهد (امبر) بعد ما تخرجت وجيت اشتكي لها عن سوء حال المعهد قالت لي " انت تدري ان المعهد هذا كنا فاتحينه عشان (السياح) اللي يجون امريكا نعطيهم كم كلمه تمشيهم بامريكا .. بس بعد ما شفنا اقبال السعوديين قعدنا نطور انفسنا"

يعني اذا كانت لغتك بين 1-4 على مستوى قياس من 10 اذا كان 1 اضعف شيء و 10 اقوى شيء لا تجي للمعهد هذا لانه ما راح يفيدك الا القليل .. اذا كنت من 5 وفوق تعال لكن حط ببالك ان المعهد ما راح يعطيك الا 30% وال70% انت اللي راح تكتسبها بنفسك من القراءة و مخالطة الامريكان

وبالنسبة للجامعات ترا اغلب الجامعات تضمن المعهد هذا .. واذا كان فيه جامعة ما تضمن المعهد هذا , فيه اختبارين يوفرها المعهد تنضمن باي جامعه .. اللي هي الايلتس IELTS - International English Language Test System. و إختبار التوفل The Test Of English as a Foreign Language - TOEFL

اتمنى اني اكون افدتك بالمعلومات .. وللمعلومية انا من 2009 وانا هناك ولازلت .. اذا احتجت اي شيء اسأل وان شاء الله اقدر اساعدك


سعودي بأمريكا

والله ياخوك ماقصرت يشهد الله . وأنا الحين دايخ وبقووووووووووووووووة


مدري وش الحل ؟ المعهد هنا ممتاز لكن زود اللفلات وطالت المدة

يعني لغتي وما أكذب عليك يمكن 4 من 10 لكن مدري والله وش السواة خايف أروح ومن ثم أتورط .! بالعربي خايف يحطوني في لفل مبتدء من 2-5 أنا قلت إذا 6 أوك لكن تحتها أعتقد أنها شغلة والله .

وبعدين هل فيه عائلات سعودية والا قليل ؟

وهل المدينة تساعد على كسر الملل يعني في اسواق مولات بحيرات شواطئ أي شي ملاهي حديقة حيوانات شي ؟

وأخر سؤال هل تعرف أحد في الفترة هذه ماشية أموره في المعهد ؟
لأني عندي قبول وأبي أمشي وضعي وأخذ الشهادة ذي وأدخل الماجستير .


وشكرا أخوي على استجابتك .

والمسجد والمأكولات الحلال ^_* تعودنا على ديربورن .

للرفع ..........................................

up up up up up up up up up up up up up up up up up up up up up up up up up up up

اب اب اب اب اب اب اب اب الب