هل هُناك مشكلة في التحويل على بعثة خادم الحرمين الشريفين !.

السلام عليكم ورحمة الله وبركاته
صبـاح | مسـاء .. الخير !
يا أخوان أنا ناوي أدرس في أمريكا إن شاء الخالق
لكن فيه مشكلة " عويصة " , ألا وهيَ التحويل على حساب بعثة خادم الحرمين الشريفين
طبعاً أنا رايح أدرس على حسابي ثم أطلب تحويل , وأبي أدرس بجامعة فيها " قبول مشروط "
لكن المشكلة في بعض الأخوان يقولون أن التحويل على حساب البعثة صاير صعب جداً ولازم عندك واسطة
للأسف فيه ناس ماعندهم خلفية عن الموضوع و يقولون رآئيهم بثقة عالية و المشكلة أنها تكون " سوداوية " أحياناً
و " أهل مكة أدرى بشعابها " , فلذلك أبي رائيكم بصراحة حول التحويل ؟
كم شهر تقريباً ويتم التحويل " بالعادة "

و أنا أستفسرت في كذا منتدى و بعضهم يجاوبوني بإجابات " فضفاضة " و ماهي واضحة
و شكراً لكم مسبقاً ! ..

انا كمان احتاج جواب واضح

حتى انا يشباب نفس المشكله ياليت تفيدونا

يشباب ابي احد يفيدني بالوضع كامل
وش الوضع

تقريبا مره في السنه يضمون كل الطلاب اللي يدرسون في امريكا على حسابهم واحيانا مرتين في السنه ..
والى الآن أمريكا تعتبر اسهل دولة في الانضمام لبرنامج الملك للبعثات ..
بس لازم اخذ احتياطك انك راح تدرس اقل شي ست شهور على حسابك ..

هذا اللي اقدر اقوله لك وبالتوفيق ان شاء الله ..

طيب انا جاتني معلومه ان الانضمام صعب الحين يقولون انه لازم تبداء بالسنه الاكادميه يعني لازم تخلص لغه بعدين تطلب انضمام هل هذه المعلومه صحيحه ولا لا
وياليت الي عنده علم يعطينا لان النفسيه زفت بعد الخبر هاذا

يلشباب ابي ردووود ابي احد يفيدني تكفووووون

شف خذ العلم مني
عندك واسطة تمشي ماعندك والله ان تطق السنه زي سلام عليكم
الا اذا الله سبحانة وتعالى ارادلك انك تلتحق غصب عنهم
او تجي مكرمه ملكية
غيره يالغالي مافية
وهذا هو الي صاير الان
بس شف عندي لك طريقه صل صلاة الاستخاره ثلاث مرات واذا ماردك شي تعال
لانك استشرت الله سبحانه وتعالى ومارح الله يخيب ضنك

شروط التحويل انك تخلص معهد اللغه وتخلص حوالي 30 ساعه بالجامعه ولا تكون جامعه موقوفه

لي 4 شهور وللحين مانضميت

نعم يبي لي واسطه