المشاركة الأصلية كتبت بواسطة majed170
شوف يا كبتن بدر العتيبي ,,,
من ناحية الامراض النفسية فلا ينظر لها احد بنظرة دونية مثل نظرتك الا اذا كان ( قفل ) مع احترامي الشديد ,, ومو اي ( قفل ) ,, الا قفل ما ينفتح الا بمفتاح عجل ,,,
الامراض النفسية عمرها ماكانت عيب ولا بتكون عيب الا في نظر محدودي الأفق والادراك ( مثل واحد على بالي ) ,, والمرض النفسي مرض يصيب الانسان مثل اي مرض ,, واذا كنت انت تشوف ان علم النفس والعلماء والدكاترة والاطباء النفسيين والاخصائيين والعيادات النفسية والجامعات اللي تدرسه ومعاهد التدريب كلهم خطأ في خطأ
برد علی هالجمله بس .. انا ماشوف الي قلتهم خطا انا اشوف ربط الخجل بمرض نفسي خطا ..
يعني اي انسانه بتشوفها خجوله بتقول لها انتي مريضه نفسيا !!
,, فهذا شي يخصك انت ولا علينا منك انت وقناعاتك ,,, أما انك تجي بكل سذاجة وتبغى تقنعني ان الرهاب الاجتماعي او غيره من الامراض النفسية كلها خرابيط او عيب او ان فيها جرح لمشاعر اي انسان ,, فهنا احب اقول لك تراك غلطان ,, والافكار هذي ماتجي تقولها في منتدى مبتعثين (( يعني ناس اكاديميين وفاهمين وطلبة علم ويؤمنون بالعلم )) ,,
انا ماسبيت البنت ولا غلطت عليها ولا حاولت اجرح مشاعرها ,, البنت طرحت مشكلتها وتبغى احد يساعدها ,, وانا مرت علي حالتها واعرف وش تشتكي منه ,, واللي عندها مرض اسمه رهاب اجتماعي ,, وعطيتها الحلول من وجهة نظري ومن تجربتي ,, ومن ضمنها مذكرة علمية تعتبر سبق علمي ألفها احد انجح الدكاتره في العالم ,, وانت تجي تعترض على شي ماتفهم فيه ولا تعرف عنه اي شي ,, << صحيح اللي اختشوا ماتوا هههههههه
الشي الثاني انا ما هاجمت الحياء والخجل ,, واعرف ان الحياء شعبة من شعب الايمان ,, لكن اذا زاد الخجل والحياء عن حده اصبح مشكلة وتعطل الانسان عن انه يمارس حياته بشكل طبيعي ويتحول الى مرض نفسي يسمى رهاب اجتماعي ,, واذا ما تعالج منه ممكن يتطور ويسوي اكتئاب و و و ...... الخ .
وبالنسبة للنقطة الاخيرة في ردك يوم انك تنكت او تستخف دمك او تسوي لكاعة ( ما ادري وش تبغى بالضبط ) لما قلت لي اخليها تروح لنادي وتلعب رياضة ,, ودي اقول لك الله يذكرك بالشهادة ,, نسيت اقول لها ان ممارسة الرياضة جزء كبير من علاج مشكلتها ,, لأن ممارسة الرياضة تزيد من هرمون السعادة ( الميلاتونين ) ,, والهرمون هذا بيساعدها على الاسترخاء ومقاومة الكثير من الاعراض النفسية وضغوطات الحياة ,,, (( لا تجي مدرعم ياعتيبي وتعطينا محاضرة عن العيب في الرياضة وانها بتخرب البنات ))
شيلو الفكرة هذي من راسكم ...لانها هي اللي تولد عندكم هالشعور انا الشباب تفكيرهم مو سليم مو لمصلحة العلم.....
واتمنى انك تعطين الفرصة لاي شاب علشان يثبت العكس لك
تحياتي