اقتباس:
هلا بك اكثر اخوي ,, ومن حقك تتحفظ او حتى ما تقتنع بتاتا بكلامي ,,,
وليه الجدال والحماس الزايد ,, اذا انت متأكد فأنا برضه متأكد ,, ولكل انسان معاييره الخاصة ,,
ابدا ما فيه حماس زايد ولا شي , اساسا كلامي ما كان موجه لك
لكن كون عندك معاير خاصه تفرق انك تالف وتخلق جدال ومواردك صفر !!
مجرد حاله افلاطونيه مستعصيه
اقتباس:
اذا انت سكنت في جيرزي سيتي سته شهور انا عشت فيها سنة ونص في كندي بولفارد وعلى بعد دقايق من الجورنال سكوير ,, يعني ضعفين المدة اللي انت قضيتها وفي قلب نيوجيرسي ,, ومع ذلك تجارة المخدرات في الشارع عيني عينك ,, طلق النار ما اقول لك اني اسمعه في البلوك ,, الا اسمعه في الشارع والله على ما اقول شهيد ,, فما ادري اي امان تتكلم عنه ,, شوف يا اخي وانت بكرامه الابوات اللي متعلقه على اسلاك الكهرباء في الشارع ,, شوف كثرتها واتوقع لو تطالع في الشارع اللي انت ساكن فيه بتشوف واحد معلق ,, اسأل وانا اخوك وش يعني هذا الشي لأني متأكد انك شفته وتشوفه في كل شارع وكل حي لكن ما تدري ولا دار في بالك وش يرمز له الشي هذا ,,
من هالنقطه حسيت انك يبي لك دوريه ويمكن موكب ينقلك من البيت لين الجامعه !!
والله شي مخيف صراحه كل يوم جريمه قتل واطلاق نار وبكل شارع وبكل حي بعد !!
وابوات معلقه بالشارع بشكل مخيف !!
حسيت هالكلام مقتبس من حدى هالروايات صراحه , مو عن واقع خبره سنه ونص ,,
اجل لو طلعت كنركت وش راح تقول عنها !
بس ابشر بكرا اصورك الاسلاك اللي في البلوك كامل وان لقيت بوت واحد تركت المدينه كلها
اقتباس:
ونسبة الـ 50% بصراحة مادخلت راسي مع احترامي الشديد ,, العرب فيه عدد كبير بس انا شخصيا ما اعطيها نسبة 5% فما بالك بـ 50% ,, يا حبيبي انت في منطقة يسكنها الملايين ( شرق نيوجيرسي وغرب نيويورك ) ,, تجي تقول لي ان نص الملايين هذي عرب هههههههههههههه والله ان خيالك واسع وملكة التأليف عندك قوية وأشك فعلا انك في امريكا ,,, ونسبة الأمان مافيه اي امان الا في مناطق غرب الولاية ,, ولا فيه في الشرق الا هوبوكن وفورت لي اامن منطقتين في شرق نيوجيرسي ,,,
قبل كل شي , انت تقول شرق نيوجيرسي وغرب نيويورك
ما ادري انت تقصد بنوجيرسي الولايه كلها ! او تقصد مدينة نيوجرزي ستي
ومن جاب طاري غرب نيويورك !!
انا تكلمت عن جيرسي ستي ,, يعني مدينه وحده بس ما عممت شرق ولايه نيوجرسي مع شرق نيويورك !
لان بردك انت دخلت ولايتين في مقارنه وحده !!
ياليت تفهم اني قاعد اتكلم عن مدينة
jersey city ,nj
ما اتكلم عن شرق نيوجرسي و غرب نيويورك !!
ياليت تكون محدد في مداخلاتك ومعلومات فرق لما اخصص منطقه وحده او يكون كلامي بالاجمال
بعدين الله يصلحك هوبوكن مدينه ثانيه تبعد عن جيرزسي ستي 10 دقايق وفيها , دام هوبوكن صارت منقطه من مناطق جيرزسي ستي
وتطلع لها عن طريق الجورنال سكوير ومن هوبوكن لين منهاتن تقريبا 20 دقيقه
اذا بس هوبوكن وفورت لي اامن منطقتين في نيوجرزي طيب وين راحت نيوبورت !! اشك انك تعرفها اساسا
اقتباس:
بالنسبة للأسعار هذي في عام الفين وسبعة تعتبر ضرب من الخيال ومستحيل انك تلقاها ,, انا سكنت في كذا شقه غرفتين وصاله تتراوح من 1350 الى 1500 وهذي تعتبر اقل الاسعار وقت ماكانت المكافأة 1347 دولار ,, والاستوديو ارخص واحد تلاقيه بـ 950 دولار ,, يمكن في الكم سنة اللي فاتت حصل نوع من الانخفاض او انك ساكن في مكان حالته حاله ووضعه مزري جدا وهذا اللي ارجحه ,, بينما في ولاية مثل كاليفورنيا تعتبر غالية نوعا ما اللي هي اجمل واروق وارتب من نيوجيرسي سكنت في شقه في كامباوند جديييييد مقابل الجامعة في منطقة قريبة من لوس انجلوس بالمسبح والنادي الصحي وكل الخدمات بأقل من 700 دولار ,, هنا الفرق الله يسلمك لما اقول لك ان اللي بتدفعه في نيويورك او نيوجيرسي بيجيب لك احلى واجمل واذوق وآمن وبنص السعر في ولاية ثانية ,,,
صدقني حتى وان كانت الاسعار ضرب من الخيال ماراح تكون اقوى من الابوات اللي تثير الرعب في ارجاء المدينه !
اذا انت بتقعد تقارن بين ولايه وولايه !
طيب عندك مدينة austin في تكساس نفس مواصفات ومميزات السكن اللي انت كاتبه ويمكن السعر اقل بكثير
وكذلك مدينة اتلانتا في ولاية جورجيا
ولو بنقعد نقارن بين الولايات
بكون معك بنقطه ان السعر اللي راح ادفعه في نيوجرزسي او نيويورك يكفي ممكن لبيت كامل مو بس شقه !
كل مدينه لها ظروفها الله يسلمك واسعارها ,,
اقتباس:
الموضوع نسبة وتناسب ,, انت تشوف ان 2000 دولار مناسبة ,, بينما انا اشوف انها تقصم ظهر الطالب اللي ماعنده دخل الا المكافأة ,, وهذا اللي ماحطيته انت في بالك ان نظرة البشر للأمور هذي نسبية
الله يحفظك انت لا تاخذ كلمة وتحورها لمعنى انت تبيه , او نقطه وتفهم عكسها ,,
انا قلت
اقتباس:
وعن اسعار السكن انا حاليا ساكن في شقه ثلاث غرف وصاله ومطبخ ,, ب 1050 دولار و 15 دقيقه عن قلب منهاتن ,, وش رايك !! ولو بتاخذ استديوا بتحصل ب 600 دولار وسكن في مجمعات تبع شركات مو افراد .. يعني فرق يستاهل شقه بنفس مستوى اللي انا ساكن فيها في منهاتن ماتقل عن 3 الى 4 الاف دولار ,, اذا تكلمنا عن قلب نيويورك لكن المناطق الثانيه ما تتعدى 2000 دولار تقريبا ,,
المصدر: http://www.mbt3th.us/vb/forum8/threa...#ixzz1gTRabqFk
حفاظاً على حقوق الكاتب نرجو عدم حذف المصدر مبتعث
يعني قارنت بين السعر اللي انا ساكن فيه وسعر الشقق في مناطق ثانيه ,,
فلا يكون تفكيرك محدود وتغير مجرى الكلام لشي يناسب هواك ,,,!!
اقتباس:
,, وقمت تتكلم بطريقة وكأن ما احد يعرف شي في امريكا الا انت ههههههههههههه ,,, يا اخي بعض المبتعثين الجدد لما يطلع من بيتهم على امريكا تجيهم حاله افلاطونية ,,,
يعني لاني تكلمت عن جيرزسي ستي وكلامي ما وافق هواك خلاص يوصل قدحك للعقليه !!
الله يسلمك على المدحه واتمنى اكون زي افلاطون ,,
وحالتي الافلاطونيه انت الهامي واستاذي فيها
اقتباس:
ترا الموضوع بسيط ,, انت اطرح وجهة نظرك ,, وتقبل وجهات النظر الاخرى ولا تجلس تزبد وترعد وتهدد وتتوعد ,,
طيب ابشــر طال عمرك ,, بس هد اعصابك لا يطق بك عرق
اقتباس:
مثل ماقلت لك الموضوع نسبة وتناسب ,, 1200 دولار انت تشوف انها عادية ,, انا اشوف انها غالية على طالب دخله الشهري 1850 دولار ,, بعدين حدد المنطقة لأن نيويورك مساحتها زي مساحة دولة ,, هذا شي لازم تعرفه لما تتكلم عن نيويورك وانت عايش فيها ,, لأنه مع احترامي الشديد لك لما تقول شقة بـ 1200 في منطقة راقية في نيويورك ( المدينة ) فهذا اسمه تأليف وكلام فاضي ,,
صح كلامك ,, لاني تكلمت عن شقه غرفه وصاله ب 1200 , وانت كطالب لحالك وش تبي بشقه غرفه وصاله !
المبتعثه مع المرافق راتبهم 2800 ,, ما تشوف ان فيه تناسب !
وليش اقعد الف واتكلم كلام فاضي ,, يعني شايفني حاط اعلانات وساطه مثلا
من يقولك انها ست شهور !!
يمكن 6 سنين !
موب انا فيني حاله افلاطونيه حسب تحليلك !!
والله يسمع منك وانضم للبعثه واصير افلاطون كبير
ههههههههههه
شوف اخوي ,,
والله لا هددت ولا توعدت ولا زبدت ولا شي ,,
خبرتك كمبتعث من المرحله الخامسه
سنه ونص عشتها في جيرزي ستي
عقليتك , شخصيتك ,كل شي يخصك كانسان
ما تكلمت انا فيه ,,
انت ما تعجبك جيرزسي ستي فيه غيرك تعجبه يا اخي !
وضعها ما ناسبك فيه غيرك تناسبه !
يالغالي البنت ما كتبت الموضوع الا وهي تبي معلومات لا اكثر ولا اقل ,,
انت قلبت الموضوع كله نقاش وكاننا على طاولة نقاشات
زي ما تفضلت بدايه كلامك
كل انسان له معاير خاصه فيه
اذا انت على سبيل المثال كانت تجربتك في منطقه سئيه في نيوجرسي , انا لي تجربه جيده فيها والحمد لله
يعني وصـل فكــرتك للناس بدون ما تسوي تضخيم للموضوع وتخوف الناس من المدينه
فيه كم عضو هنا ساكنين بنفس مدينتي
وفيه معي بالمعهد مجموعه ساكنين بمدينتي وبيني وبين عمارتهم بلوك واحد
وفيه عائله كامله سعوديه ساكنه واخذه بيت كامل
وفيه واحد معنا بالمنتدى موظف وساكن بولايه نيوجيرسي بس باي منطقه ما ادري
بس من باب الاستزاده
شوف هالصفحه
واحكم بنفسك ,,
اول رابط شقق في جيرزسي ستي
وبتشوف فعلا ان معدل الاسعار من 1000 الى 1300
لغرفتين وصاله ومطبخ
يعني مافيه شي على قولتك اسمه حاله افلاطونيه
الرابــــــــــــط الرابط الثاني
والموقع الرسمي بعد لولايه نيوجرسي
والشقق اللي بالرابط تبع شركات , وفيه شقق تبع افراد وبتكون ارخص نسبيا
وكلها بنفس المنطقه اللي انا ساكن فيها حاليا
اقتباس:
ههههههههههههههههه يا اخي الحين بعد ماجيت تشكك في اراء غيرك وتتهمهم بأنهم يلقطون من النت ويجون يكتبون تجي تقول ما ابغى نقاش عقيم << صحيح اللي اختشوا ماتوا ,,,
قلتها يالغالي اراء ,, يعني محرد هواء نفس
لا الحمد لله الدنيا باقي فيها خير
والناس الطيبه ما ماتت
---------------------------------------------------
موفـقه اختي ,,
ونيويورك زيها زي غيرها ,, وارسلي للدكتور الحقباني في الملحقيه بواشنطن
عن مخاوفك وراح يدلك على الجيد لك
جزاه الله خير هو اللي اختار لنا نيويورك وفعلا كانت نصيحه من رجل خبـير
توكلـي على الله والسعوديين في نيويورك كثير سواء يدرسون في منهاتن او المدن اللي حول نيويورك
واغلبهم يسكنون في بروكلن اواستوريا
ولا تفكرين ابدا تسكنين في منطقه برونكس ,, لانها من اخطر المناطق في نيويورك (( المدينه ))
واسف لان موضوعك اخذ مجرى ثاني
موفق اخي افلاطون الكبير ,,,:type: