المشاركة الأصلية كتبت بواسطة wwvip
هلا بك اخوي ومشكور على مشاركتك اللي لي تحفظ على بعض الامور اللي انت كتبتها ,,
ولا ودي الصراحه اقعد اجادلك بنقاط انا متاكد منها ,,
خصوصا نقطه جيزسي ستي ,, انا لي فيها الان فوق ست شهور ,, وغالب سكانها 50% عرب ومسلمين ,, وفيه نصاري ,, المنطقه اللي انا ساكن فيها عندنا 3 جوامع اسلاميه ومطاعم عربيه وبقالات عربيه ,,
والمنطقه نسبة الامان فيها عالي الحمد لله ,, لا وابشرك الحمد لله معي اختي ,, يعني مستحيل اسكن بمنطقه على قولتك خطيره دام معي اختي ,,
انت ممكن تقصد مدن ثانيه او انك اعتمدت على كم معلومه من الانترنت جمعتها عن جيرزي ستي ,,ولا تنلام على هالكلام لاني قراته قبل لا اجي جيرزسي ,, والواقع عكس لي شي ثاني
ولو كانت خطيره فعلا ,, ما كان كتبت لك هالرد اللحين ,, او اقل شي ما كملت يوم واحد في شقتي !!
وعن اسعار السكن انا حاليا ساكن في شقه ثلاث غرف وصاله ومطبخ ,, ب 1050 دولار و 15 دقيقه عن قلب منهاتن ,, وش رايك !!
ولو بتاخذ استديوا بتحصل ب 600 دولار وسكن في مجمعات تبع شركات مو افراد ..
يعني فرق يستاهل شقه بنفس مستوى اللي انا ساكن فيها في منهاتن ماتقل عن 3 الى 4 الاف دولار ,, اذا تكلمنا عن قلب نيويورك
لكن المناطق الثانيه ما تتعدى 2000 دولار تقريبا ,,
انا ما ودي اقعد اكتب كلام طويل واخرتها يكون نقاش ماله اي فائده ,, ويكون فيه محاوله اثبات وجهه نظر مو واقع ولا تجربه ,,
عموما ,,
وانا سبق وسكنت في نيويورك ب 1200 دولار ,, طبعا صاله وغرفه نوم ومطبخ ودورة مياه وحديقه بالخلف ,, والمنطقه اللي ساكن راقيه نوعا ما ,,
نيويورك للي ما يعرفها غاليه ,, لكن اذا كنت تعرف لها وتعرف مناطقها بتلقى اشياء وباسعار جدا جدا مناسبه ,,
ما ودي اطول عليكم ,,
لكن اختي ,, انا انصحك فعلا تدخلين معهد في نيويورك ,, لانها بتكون تجربه وخبره ,,
الميزه الوحيده اللي تحسب لنيويورك توفر المواصلات من باصات وصب واي
طبعا شي بديهي لو رحتي لمدينه ثانيه صغيره ,, واخذتي شقه بتكون بعيده عن المعهد او الجامعه وراح تحتاجون سياره ,,
زياده مصاريف على الفاضي ,,
الاخوان اللي يبون اي مساعده في نيويورك من معاهد او شقق حياهم الله ,,
ما ودي نفتح نقاش عقيم في قضيه نيويورك ,,
ما تكلمت الا من خبره , وحاليا دراستي في نيويورك ,, وجامعتي ان شاء الله في نيويورك كذلك
ولا عندي اي دخل من السعوديه ,, عايشين على مكافئه مبتعث ومرافق والحمد لله تكفي وزياده
موفقين جميعا
اهنيك على الجمل شديدة اللهجه ,, الا القذافي يقرب لك !!
بس انتبه لا تتخذ الاجراء الازم
عموما ,, فعلا ترا اوضاع المدينه تخوف , الشرطه بكل مكان , وخايفين ان الربيع العربي يجتاح جيرزسي ستي وجرائم قتل كل يوم , والشوارع مليانه ابوات معلقه على اسلاك الكهرب , مره مخيف امرها , وباياعين المخدرات يبيعونها بالشارع يا تشتري منهم او يذبحونك حتى الجيش الامريكي كله مقفل مداخل المدينه لان الداخل فيها مفقود والخارج منها مولود , يعني الله يعوض اهلي بواحد غيري , واحمد ربك انك طلعت منها سالم وابد , وترا الامريكان انفسهم اللي ساكنين بنيوجيرسي يقدمون على فيزا عشان يروحون لولايات ثانيه لان امريكا متبريه منها , وعندهم مشروع يبنون جدار حول الولايه عشان ما تنتشر الابوات وتجاره المخدرات بالمدن الثانيه
انحاشوا لا احد يدرس لا بنيويورك ولا نيو جيرسي ما تصلح ابد ابد للدراسه مكان مخيف ومليان وحوش وذئاب بشريه
لا احد منكم يجي نيويورك ولا نيو جيرزسي اذا مره مافيه الا هي حولو بعثه داخليه ,, اصرف لكم
هههههههههههههههههههههه
اي مساعده بنيويورك ونيوجرسي حاضرين للطيبين ,,