بخصوص السفارة الله يرحم والديكم
السلام عليكم
انا صار لي 6 شهور من تخرجت من الثانوية قاعد في البيت لاشغل ولامشغلة ويأست
وقررت أني أدرس بره على حسابي وأحين المكتب جاب لي أوراق القبول والــ I-20 وانا مانا عارف وش أسوي وبعدني ماأطلع الفيزا
(طبعا صار لي دهر وانا أنتظر الأوراق) وقال لي سوي لك موعد مع السفارة
عن طريق النت ودخلت على موقعهم ومانا عاررف وش أسوي وش الأوراق المطلوبة وصور وغيرها من الأشياء
والدراسة بعد شهر تبدي
هل تتوقعو تطلع الفيزا قبل لاتبدي الدراسة
لو لازم أأجلها
شكلي طولت السالفة
عالعموم أتمنى منكم المساعدة
تحياتي
رد: بخصوص السفارة الله يرحم والديكم
اذا معاك الاي توني والقبول من المعد ...
فيه موضوع هنا كيف تقدم على موعد بالسفارة .. واذا مشوار عليك .. تقدر تدفع لك قرشين والمكتب يسويها لك . . . والفيزا ماتاخذ وقت طويل اذا استوفيت شروطهم بس انت قدم على موعد الان عشان يكون قريب وتطلع لك قبل ما تبدا الدراسه
رد: بخصوص السفارة الله يرحم والديكم
حاول تسوي موعد باسرع وقت واقرب وقت
شوف وش اقرب موعد الرياض جده الظهران واحجز
واذا ما تعرف شوف اي مكتب يسويها لك ياخذ حدود 300 ريال
الاوراق المطلوبه
1- i20
2- كشف حساب لاخر 3 شهور وشهاده بنكيه لابوك او اخوك ..
3- شهادة الثناويه الاصل وطبق الاصل تكون مترجمه طبعا
4- نموذج السفاره الي تعبيه ds-160
5- صور شخصيه 5×5 هلفيه بيضاء مكشوف الرأس
6- تسديد رسوم السفاره من بنك سامبا حدود 500 ريال ماني فاكر وخذ الايصال معك
7- تسديد رسوم السيفيس عن طريق النت 200 دولار وهذ الايصال
8- جواز سفرك الاصل واذا معاك جوازات قديمه جيبها معاك
اتمنى اني ما نسيت شي المقابله سهله جدا لا تخاقف
رد: بخصوص السفارة الله يرحم والديكم
امديك انت بس يلا استعجل قوم تحرك لا تجلس روح كلم مكاتب يسنعوك ... وياخذو كمن ريال
رد: بخصوص السفارة الله يرحم والديكم
انــت وين مـوقعــك بالسعـوديه تحديدا
الوسطى او الشرقيه ا الغربيـه
رد: بخصوص السفارة الله يرحم والديكم
نصيحتي لك اذا تقدر تدفع رح لمكتب ولاانا اعطيك رقم واحد يسنعك وماشاء الله عليه حبوب وصادق
لاتجلس تسوي علبالك بتوفر ثم يروح عليك الوقت
وعلى فكره انا اعرف واحد راح للمقابله هو وزوجته قبل بداية الدراسه بثلاث اسابيع وقالوله زوجتك اوكي بس انت بتتأخر فيزتك ولاراح يمديك على دراستك اجل دراستك افضل لك
المقصد استعجل وعسى الله يسهل امورك
رد: بخصوص السفارة الله يرحم والديكم
الشباب ما قصروا كفوا و وفوا و مثل ما قالوا تحرك بسرعة و شف أحد هالمكاتب يحجزلك موعد و يكون طارئ للمقابلة مع السفارة و إذا بيعطوك الفيزا قبل مزعد الدراسة كان بها و إذا بيتأخروا عليك , بيعطوك خبر و بيقولوا لك تأجل .... لا تهتم و الله يا مراجعة السفارة للمقابلة إنها أسهل من مراجعة لأحد المرضى في أحد المستشفيات .. شد حيلك و توكل على الله
رد: بخصوص السفارة الله يرحم والديكم
انت وين بالضبط اذا في جده عندي واحد يضبطك ومايخذ الا 200 ريال
رد: بخصوص السفارة الله يرحم والديكم
اقتباس:
اذا معاك الاي توني والقبول من المعد ...
فيه موضوع هنا كيف تقدم على موعد بالسفارة .. واذا مشوار عليك .. تقدر تدفع لك قرشين والمكتب يسويها لك . . . والفيزا ماتاخذ وقت طويل اذا استوفيت شروطهم بس انت قدم على موعد الان عشان يكون قريب وتطلع لك قبل ما تبدا الدراسه
الآي توني والقبول موجودين عندي
رد: بخصوص السفارة الله يرحم والديكم
اقتباس:
المشاركة الأصلية كتبت بواسطة semo00o
حاول تسوي موعد باسرع وقت واقرب وقت
شوف وش اقرب موعد الرياض جده الظهران واحجز
واذا ما تعرف شوف اي مكتب يسويها لك ياخذ حدود 300 ريال
الاوراق المطلوبه
1- i20
2- كشف حساب لاخر 3 شهور وشهاده بنكيه لابوك او اخوك ..
3- شهادة الثناويه الاصل وطبق الاصل تكون مترجمه طبعا
4- نموذج السفاره الي تعبيه ds-160
5- صور شخصيه 5×5 هلفيه بيضاء مكشوف الرأس
6- تسديد رسوم السفاره من بنك سامبا حدود 500 ريال ماني فاكر وخذ الايصال معك
7- تسديد رسوم السيفيس عن طريق النت 200 دولار وهذ الايصال
8- جواز سفرك الاصل واذا معاك جوازات قديمه جيبها معاك
اتمنى اني ما نسيت شي المقابله سهله جدا لا تخاقف
أخوي الشهادة الثانوية الأصلية في الجامعة ألي قدمت عليها ورسلو الأوراق الآي توني
لازم أخذها ؟؟؟
التسديد رسوم السفارة كيف أروح لهم البنك ولا أدفع هناك في السفارة
وتسديد الرسوم السيفيس مافهمت