مساعدة بخصوص السفارة الله يرحم والديكم

اذا معاك الاي توني والقبول من المعد ...

فيه موضوع هنا كيف تقدم على موعد بالسفارة .. واذا مشوار عليك .. تقدر تدفع لك قرشين والمكتب يسويها لك . . . والفيزا ماتاخذ وقت طويل اذا استوفيت شروطهم بس انت قدم على موعد الان عشان يكون قريب وتطلع لك قبل ما تبدا الدراسه

حاول تسوي موعد باسرع وقت واقرب وقت
شوف وش اقرب موعد الرياض جده الظهران واحجز
واذا ما تعرف شوف اي مكتب يسويها لك ياخذ حدود 300 ريال

الاوراق المطلوبه
1- i20
2- كشف حساب لاخر 3 شهور وشهاده بنكيه لابوك او اخوك ..
3- شهادة الثناويه الاصل وطبق الاصل تكون مترجمه طبعا
4- نموذج السفاره الي تعبيه ds-160
5- صور شخصيه 5×5 هلفيه بيضاء مكشوف الرأس
6- تسديد رسوم السفاره من بنك سامبا حدود 500 ريال ماني فاكر وخذ الايصال معك
7- تسديد رسوم السيفيس عن طريق النت 200 دولار وهذ الايصال
8- جواز سفرك الاصل واذا معاك جوازات قديمه جيبها معاك

اتمنى اني ما نسيت شي المقابله سهله جدا لا تخاقف

امديك انت بس يلا استعجل قوم تحرك لا تجلس روح كلم مكاتب يسنعوك ... وياخذو كمن ريال

انــت وين مـوقعــك بالسعـوديه تحديدا
الوسطى او الشرقيه ا الغربيـه

نصيحتي لك اذا تقدر تدفع رح لمكتب ولاانا اعطيك رقم واحد يسنعك وماشاء الله عليه حبوب وصادق

لاتجلس تسوي علبالك بتوفر ثم يروح عليك الوقت
وعلى فكره انا اعرف واحد راح للمقابله هو وزوجته قبل بداية الدراسه بثلاث اسابيع وقالوله زوجتك اوكي بس انت بتتأخر فيزتك ولاراح يمديك على دراستك اجل دراستك افضل لك
المقصد استعجل وعسى الله يسهل امورك

الشباب ما قصروا كفوا و وفوا و مثل ما قالوا تحرك بسرعة و شف أحد هالمكاتب يحجزلك موعد و يكون طارئ للمقابلة مع السفارة و إذا بيعطوك الفيزا قبل مزعد الدراسة كان بها و إذا بيتأخروا عليك , بيعطوك خبر و بيقولوا لك تأجل .... لا تهتم و الله يا مراجعة السفارة للمقابلة إنها أسهل من مراجعة لأحد المرضى في أحد المستشفيات .. شد حيلك و توكل على الله

انت وين بالضبط اذا في جده عندي واحد يضبطك ومايخذ الا 200 ريال

الآي توني والقبول موجودين عندي

أخوي الشهادة الثانوية الأصلية في الجامعة ألي قدمت عليها ورسلو الأوراق الآي توني
لازم أخذها ؟؟؟

التسديد رسوم السفارة كيف أروح لهم البنك ولا أدفع هناك في السفارة
وتسديد الرسوم السيفيس مافهمت