الأعضاء الإشتراك و التسجيل

الملتقيات
ADs

سولف مع رجهـ...

سولف مع رجهـ...


NOTICE

تنبيه: هذا الموضوع قديم. تم طرحه قبل 2192 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية رجهـ بس رزهـ
    رجهـ بس رزهـ

    مبتعث فعال Active Member

    رجهـ بس رزهـ الولايات المتحدة الأمريكية

    رجهـ بس رزهـ , ذكر. مبتعث فعال Active Member. من أستراليا , مبتعث فى الولايات المتحدة الأمريكية , تخصصى ادارة اعمال , بجامعة Northen Arezona
    • Northen Arezona
    • ادارة اعمال
    • ذكر
    • فلآق ستآف, أريزونآ
    • أستراليا
    • Jan 2010
    المزيدl

    December 16th, 2011, 07:20 AM

    السسسسسسلام عليكم ورحمة الله وبركاته
    كيفكم يالربع عساكم بخير ..

    اول شي بقوله ان الكلام اللي ينكتب هنا راح يعبر عن وجهة نظر شخصية بحتة قد تصيب وقد تخيب .
    الشي الثاني اتقبل الانتقادات بصدر رحب بس بشرط انها تكون من غير تجريح .
    اللي خلاني اكتب الكلام اللي بكتبه الحين واللي ببدا فيه الموضوع هي الاشياء اللي شفتها وواجهتها بسبب موضوع اليوميات وبسبب موضوع الاستقبال والموضوعين كانو في غير هالقسم.
    حبيت اكتب الموضوع هنا عشان يستفيد اكبر عدد ممكن.
    ويعلم الله وش كثر الاشياء اللي عانيت منها . لكن وش نسوي لازم نتحمل واجرنا على الله . (( يَا قَومِ لا أَسأَلُكُم عَلَيهِ أَجرًا إِن أَجرِيَ إِلاَّ عَلَى الَّذِي فَطَرَنِي أَفَلاَ تَعقِلُونَ )).



    على العموم
    الموضوع راح يكون سوالف , اسالة , استفسارات , ضحك , عبط ... كل شي يعني بتاع كله خخخخ


    نبدا بسم الله ونقول اول نصيحة ( راعي الله سبحانه )
    يعني ياحبيبي اذا جيت تسوي شي فكر ان الله يراقبك ..
    بعض الناس لاطلع برا السعودية قال خلاص الحين اسوي اللي ابي محد درى عني ونسى ان الله فوقه .

    الشي الثاني وهذا عن تجربة شخصية (اعرف من تصاحب ... واذا شفت من احد موقف يا انك تسحب نفسك او تنتبه من الجاي ) وانا عن نفسي اسحب نفسي صراحه واخلي العلاقة اللي بيننا سلام طيبين مع السلامة.



    اتمنى مشاركتكم وارائكم ..
    تحياتي\ عبدالعزيز بن دخيل.
  2. حياك الله اخوي و اشكر لك فتح المساحة للتعبير و المناقشات
    انا عندي نقطة ملاحظها على اغلب المبتعثين
    وهو " ابغى مدينة مافيها سعوديين"
    وانا و الله بالعكس اشوف النقطة هذي مهمة لان محد راح يفهمك و يوقف معك الا السعودي
    انا مصاحب ناس كولومبيين وصينيين و و و بس ما استغني عن اصحابي السعوديين لسبب اني اكون متطمن على اهلي
    لو حدث اي شي لا سمح الله ان في احد قريب راح يساعد
    و ماظن ان كثرة السعوديين حاجز لتعلم اللغة لان الي بيتعلم اللغة بيتعلمها ولو هو في السعودية
    و اعرف ناس جابوا التوفل وهم وسط السعودية بس بالجد و الاجتهاد
    7 "
  3. المشاركة الأصلية كتبت بواسطة passerby
    حياك الله اخوي و اشكر لك فتح المساحة للتعبير و المناقشات
    انا عندي نقطة ملاحظها على اغلب المبتعثين
    وهو " ابغى مدينة مافيها سعوديين"
    وانا و الله بالعكس اشوف النقطة هذي مهمة لان محد راح يفهمك و يوقف معك الا السعودي
    انا مصاحب ناس كولومبيين وصينيين و و و بس ما استغني عن اصحابي السعوديين لسبب اني اكون متطمن على اهلي
    لو حدث اي شي لا سمح الله ان في احد قريب راح يساعد
    و ماظن ان كثرة السعوديين حاجز لتعلم اللغة لان الي بيتعلم اللغة بيتعلمها ولو هو في السعودية
    و اعرف ناس جابوا التوفل وهم وسط السعودية بس بالجد و الاجتهاد
    الله يعافيك اخوي ويحييك
    اول شي انت فتحت موضوع كنت بتكلم فيه لكنك سبقتني
    انا معك في وجهة نظرك ..
    الاسباب اللي ذكرتها انا معك فيها .. وانا بطرح وجهة نظري بعد اذنك.

    شوف انا من الناس اللي تعلمت الانقليزي في السعودية
    حبيت الانقليزي من اول مادرسته في اولى متوسط بس ماكنت ذاك الزود
    حرصت عليه اكثر في الثانوي. واللي صراحه طور اللغة عندي الافلام.
    انا من عشاق الافلام . كنت لما اتابع فلم طبعا يكون مترجم لكني ارفع الصوت احاول القط الكلمة واقرا الترجمة في نفس الوقت .. منها اعرف كيف نطق الكلمة ومنها اعرف المعنى من الترجمة .
    بعدها صرت اتابع الفلم مترجم انقليزي وعربي في نفس الوقت اذا حصلت طبعا. بعدها بالترجمة الحرفية الانقليزية . صحيح اني ماافهم الفلم كامل لكن على الاقل عرفت كيف تكتب الكلمات ونطقها وكذا.
    والحين الحمدلله مايحتاج ترجمة الا في افلام الخيال العلمي اللي يكون فيها مصطلحات صعبة وكذا .

    يعني اول شي لازم تحب الشي عشان تتعلمه.
    الشي الثاني انت طور نفسك بنفسك ابحث واقرا وفيه مواقع بالهبل في النت تعلمك انقليزي.
    الشي الثالث زي ماتفضلت اخوي انه حتى لو كانت المدينة فيها سعوديين برضو راح تتعلم اذا انت تبي تتعلم.
    يعني انا عندي وجهة نظر ان المعهد يعطيك 40 في المية والباقي عليك انت. الدولة لما ابتعثتك برا تدرس وعطتك سنة لغة وتقدر تمددها الى ست شهور كان معهم حق وانا اشوف انها كافية وزيادة اذا الواحد حرص.
    من رأيي محد عنده عذر يقول سنة ونص ماتكفي. لانك برا السعودية انت في دولة تتكلم انقليزي يعني اختلط مع الناس روح اطلع تعرف تكلم حاول قد ماتقدر .
    صحيح ان كثرة السعوديين في بعض الاماكن يكون صعب شوي . لكن محد اجبر احد انه يختلط معهم طول وقته . يعني انا بصراحه مدينة مافيها سعوديين ماارتاح. والله العظيم ان في اغلب المواقف ماراح يفيدك فيها الا السعودي.
    لكن زي ماقلت مو اي سعودي ترى بينفعك .. اعرف من تصاحب .. لاتثق في احد بسرعه لانك ماتعرف الادمي ولاعشت معه . اعرف طباعه اول وشف الادمي وبعدين احكم . ياخي في ناس وقسمن بالله اخوتهم تنشرى . شفني طول عمري بالسعودية لكني كسبت اخوان هنا ماكسبتهم في السعودية. الغربة تطلع معدن الرجال .


    انا من الناس اللي صراحه ماني اجتماعي مع الامريكان لعدة اسباب ... اولها واهمها انو اغلب الامريكان يكون راعي شراب وحفلات وكذا وانا الحمدلله ماني من هالنوع ولا احب كذا .. الشي الثاني اني انسان بيتوتي واحب اجلس في البيت والامريكان الغالبية منهم اذا تمسكو في الواحد نشبوا له . وغير كذا انا من الناس اللي مزاجي مدري وش يبي يعني كذا فجأة بدون مقدمات ابي اجلس لحالي ولا اكلم احد . ف افضل اني مااتعرف على امريكان والحمدلله الناس السعوديين اللي تعرفت عليهم فيهم الخير والبركه ويغنوني عن الامريكان.

    تبقى هذي وجهة نظري الشخصية واتقبل انتقاداتكم .
    تحياتي لكم .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.