معهد ELS في سياتل ادخلووووووو الله يرحم والديكم

انا الصراحه في معهد ELS والنآس يمدحونه كثير الصراحه

الله يوفقك يارب

انت في ELS اللي في سيااتل؟

واذا انت في نفس المعهد هو قوي لأن معاهد ELS يختلف الواحد عن الاخر

وكم نسبة السعوديين فيه وهل تدريسهم قوي او لا؟؟؟

ويعطيك العافيه ع الردود

وانشاء الله الاخوان يفيدونا اكثر..

معقوووله محد يقدر يفيدني

تكفوووووون اللي يعرف شي لايبخل

الاسبوع الجاي اخر اسبوع للتحويل

يا خي لا تسال عن نسبه السعوديين
اسال عن نسبه الاجانب
عموما انا ادرس في معهد ثلاث ارباعه سعوديين بس ما اختلط فيهم
ما احد بيجبرك انك تتكلم معه
يا اخي انا قبل ما اسجل في معهدي يقولون نسبه السعوديين 20% وقلت حلو مو كثييرة
بس تفاجات اول ما استلمت الكتب الا اشوف صورة كدش على غلاف الكتاب ( ام التحطيم)
شهر عن شهر يتكاثرون ولا تنسى المرحله السابعه في الطريق
يعني تقريبا بعد شهر بيتسعود المعهد

أخي الفاضل معهد ELS فرع مدينة Seattle من أسوء فروع هذا المعهد. الكادر التدريسي فيه جدا متدني والإدارة جدا متعالية والنجاح/الرسوب تخضع لمزاجية المدرس والإدارة. هذا الفرع تحديداً عليه مئات الشكاوى منذ عام 2008 تقريبا وحتى الآن. هناك معاهد متميزة في سياتل غير هذا المعهد الرديء

اخواني اللي يقول المعهد خايس و المعهد متسعود
هل هذه المعاهد تجارية
والله ما ودي اروح لمعهد اكاديمي متسعود و اترك التجاري اللي فيه 20 سعوديين من 150 طالب
بالتوفيق للجميع

حبيبي انا معاك صحيح كثرة السعوديين في المعهد تاثر في اللغه
بس مو معناه انك ماراح تتعلم
يا اخي اترك عنك السعوديين وخلك في دراستك وصدقني كلها ست شهور وانت بلبل في الانجليزي
وصاحب لك اجانب ومو لازم يكونو معك نفس المعهد

معاهد اي ال اس جيده وتختلف من فرع لفرع

والسعوديين بكل مكااااان متواجدين وبكثره .. مكوشين على كل امريكا ماشاء الله خخخخخخخخخخخخخخخخخخخخخخخخ

لا تشوف السعوديين شف التدريس والفهم .. وحاول انك تجتهد وراح تكون بيرفكت ان شاء الله

شباب كيف معهد ELS في ميتشغان مدينة غراند رابيدز من حيث التدريس والامان ,,,,,, والاجواء هناك كيف مااعرف اي شي عن الولايه ,,,,,,, لاتحرموني من ارااااااااائكم حبايبي والله ,,,,,,