الأعضاء الإشتراك و التسجيل

الملتقيات
ADs

تقرير الحمد لله احلى مقابلة في حياتي

تقرير الحمد لله احلى مقابلة في حياتي


NOTICE

تنبيه: هذا الموضوع قديم. تم طرحه قبل 4477 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية medoo4m
    medoo4m

    مبتعث مستجد Freshman Member

    medoo4m الولايات المتحدة الأمريكية

    medoo4m , ذكر. مبتعث مستجد Freshman Member. من اليمن , مبتعث فى الولايات المتحدة الأمريكية , تخصصى Architectural Engineering , بجامعة University of Minnesota
    • University of Minnesota
    • Architectural Engineering
    • ذكر
    • Minneapolis, Minnesota
    • اليمن
    • Apr 2011
    المزيدl

    December 17th, 2011, 11:38 AM

    السلام عليكم ورحمة الله وبركاته


    واخيرا انتهيت من المقابلة اليوم 17 ديسمبر 2011

    احكيلكم وش صار

    بسم الله الرحمن الرحيم

    موعدي كان السا عة 8ونص انا في السفارة من 7 ترى ما اقلكم روحوا بدري واخوفكم وكدا لكن ان رحتو بدري ترى في صالحكم راح تخلصوا بدري دخلت السفارة الساعة 7 وربع على بال ما اشرب الكودرد
    طبعا مقابلتي في السفارة الي بجدة اوكي دخلت من البوابة الصغيرة الي قعدت 3 ايام قبل موعدي وانا احوم حول السفارة عشان اعرف من وين ادخل دخلت وجاني رجل الامن واخذ جوازي وشيك عليه في دفتره وطلعت موجود الحمد لله ودخلت التفتيش طبعا انا عارف اني راح اطلع كل شي جهزت نفسي بسرعة الحزام طلعتوا والجزمة <الله يكرمكم> والنضارة وكل شي والحمد لله دخلت من الجهاز وما طلع ولا صوت
    قالولي عندك مفتاح وجوال قلت لا ودخلوني على الحوش لقيت بنقالي حبوب قلي امشي على نفس الخط المرسوم على الارض ومشيت الين وصلني على تفتيش تاني كنت بطلع كل شي قلت خليني ادخل يمكن ما يقول شي دخلت الا ويطلع داك الصوت بس قلي روح روح واعطاني رقم دخلت صالة الانتضار قلت بلقى زحمة موت لكن لقيت 3 اشخاص ما مداني اجلس الا ويجي رقمي قمت اعطيتهم اوراقي ولا سئلني ولا شي حتى ما قلي هات اوراقك انا اعطيته قلب في اوراقي والاوراق الي مالها داعي يشيلها وقلي ابصم وروح اجلس طبعا كله في صالة واحدة المقابلة والتشيك جلست من الساعة 7 ونص الى الساعة 9 ونص الي يسو المقابلة جو الساعة 8 ونص بس ما ينادو بالترتيب ملخبطة ولا لو بالترتيب انا 4 واحد لكن انا نادوني بعد 10 اشخاص

    بس والله كل وقتي وانا استغفر وادعي الحمد لله ربنا كان معي والله ادعوا ربكم وراح تتوفقون ادعوه وخليكم واثقين انه حيكون معاكم وحيوفقكم
    اقلكم كان في اثنين يسون المقابلة وحدة مو شايفها والثانية قدام وجهي وانا ادعي اقول يارب اروح عندها لانها تضحك مشاء الله و مرة مرة عسل بس الصراحة رفضت 3 من الي كانو قدامي ^_^ ووانا برضوا ادعي اكون عندها بس الحمد لله ما رحت عندها رحت الي بجنبها والقاها وحدة معصبة في البداية قالتلي خذ السماعة طبعا بعد ما رطنتلي بالانجليزي وقلت لها عربي عربي بس والله طلعت طيبة مرة سئلتني


    ليش رايح امريكا قلت ادرس انجليزي وبعدين باكلريوس هندسة قالت اوك
    تعرف حدا هناك قلت ايوة قالت مين قلت لها بنت خالي تدرس بنفس الجامعة وقلت لها انها متزوجة عشان ما تفكر اني رايح اعيش هناك واتزوج
    قالت مين بيصرف عليك قلت لها زوج اختي

    قالت اوكي اوراقك كلها تمام بس روح شباك 1 انا كنت شباك 2 قالتلي روح هناك لاني< يمني> ودفعت 165ريال حق وش ما ادري
    وقالي فيزتك راحت تقعد عندنا 3 اسابيع انشاءا لله

    واعطاني كل اوراقي كلها ما اخذ الا الجواز مدري ليه ولا اي ورقة اخد الجواز وقلي روح سدد رسوم فيدكس

    اتمنى ما اكون ثقلت عليكم بس حبيت انقلكم وش صار لي عشان الاستفادة لاني انا لو لا الله ثم دا الموقع ما كنت خلصت اموري بسرعة مشاء الله صح اني يمني والموقع للطلاب السعوديين بس والله استفدت كثير

    شكرا للجميع

    بس الحين انا اموري تمام ولا كيف لاني خفت لما اعطوني كل اوراقي واخدو الجواز بس سددت الفيدكس يعني اعتبر فيزتي مقبولة الحمد لله

    شكرا مرة تانية للجميع ^_^

    اخوكم : medoo4m
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.