ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
السلام عليكم ورحمة الله وبركاته
لاحول ولاقوة الا بالله اللهم يسرلي مافيه خيرا لي و بعد عني مافيه شرا لي ولكم
بعد الاحلام والآمال سنه كاملة لاكمال الدراسة بأمريكا والبحث المضني عن جامعه ومعهد, وصلني الرد من موظف السفارة حسبي الله عليه بالرفض وطبعا السبب كان مزاجي لا اكثر . واعطاني سبب تافه قال ان درجاتك متدنية؟؟!! مع العلم ان اثنين من اصحابي (الله يوفقهم) مقاربين لي في المستوى جدا , لكن الرفض كان من نصيبي لوحدي
الان سؤالي بعد الرفض المرة الاولى هل هناك امل في الفيز عند التقديم على موعد اخر ؟؟؟ والاهم اتمنى مِن مَن سبقني بالتجربة يعطيني الامل والنصيحة
الصراحة من طلعت من السفارة وانا متنكد وضايقه فيني الدنيا
وبالتوفيق للجميع
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
الله يسهل امورك ويكتب لك اللي فيه خير
اللي اكيد اعرفه ان فيه اشخاص رفضوهم مرة ومرتين وبالثالثه وافقوا بس مو نفس العذر اللي قالوه لك
جرب وان شاء الله الاخوان يفيدونك
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
اللهم امين يارب واياك اخوي ارمان
والف شكر على ردك
وننتظر ردود الباقين
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
الله يكون بعونك ..
عموما انت قدم مره ثانية وثالثة ولآ تيأس ، أشخاص كثير يرفضون وبعدها تطلع لهم ..
حآول انك تحجز موعد الشهر هذا .. لأنو على كلام سعودي موظف في السفارة أنو الأمريكان (النفسيات) كلهم مسافرين للكريسمس (إجازة) وبإذن الله الامور سهالات
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
الله يوفقك اخوي ويسهل دربك
قدم مره و ثنتين وثلاث لا تيئس
وباذن الله تتيسر امورك
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
اهلين فيك اخوي .. روق يالغالي .. ترى الامور بسيطة ..
اخوي مثل حالتك يالغالي .. لما رفضوا الفيزا حقته .. بسبب درجته كانا في السفارة الا في الرياض ..
لما حصل الرفض .. ماانتظرت يوم واحد سويت موعد جديد لكن مو في السفارة الا في الرياض .. سويت موعد في القنصلية الا في الظهران
و صدقني ماجلسنا الا 4 ايام وطلعت الفيزا حقت اخوي .. .. لذلك يالغالي سوي موعد جديد .. ولا تخاف ولا شىء ..
لان هذه الامور تصير في بعض اللحين .. لكن لازم تصبر يالغالي انت تبقى تسافر لامريكا .. اجل لازم تتعب شوي .. عشان حلمك يالغالي يتحقق
و ياله موفق لك يالغالي ..
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
مرحبا اخوي
زي ماقالوا الشباب لا تشيل هم قدم مره ثانيه عادي
اعرف واحد من الشباب ردوه مرتين والثالثه طلعت الفيزا
يعني عادي طول بالك اخوي
ربي يوفقك
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
الله يوفقكم ويطمن بالكم جميعا
عموما حجزت موعد على السبت القادم واذا سئلوني عن موضوع الدرجات اغير كلامي واقول اني ابغي ادرس لغة ؟؟
رد: ياليت اللي سبق ان قدم على الفيزا الامريكية وتم رفضة يتفضل بالدخول (هل هناك امل؟)
ابشركم الحمدلله بعد التقديم للمرة الثانيه تم قبول طلبي واصدرت التأشيره والموضوع اسهل من الكلام اللي موجود بالنت (اللي يخوف بدون فايده)
وانصح اي واحد يتم رفضه ان يقدم رساله ويوضح فيها استغرابه من الرفض وانه شخص يحترم القانون و و و و , الصراحه سهلت الموضوع علي وزادتني ثقه
وشكرا لوقفتكم معي والله لا يوريكم مكروه ياكريم
دعواتكم
تحياتي