اي استفسار عن روستن #لويزيانا

مشكور ابو لمار على الموضوع....

بس انت تنصح للدراسة فيها قول كيف المعيشة هناك

دمت بود

ابي أسأل عن الحضانة بالنسبة للأطفال سن 3 سنوات و سن سنة وهل يوجد حضانة تابعة للمعهد او الجامعة بسعر رمزي وأذا في كم أسعارهم وأقدر أراسلهم أذا في ايميل وهل يوجد حضانة قريبة من معهد اللغة أو نساء عربيات يستقبلون الأطفال.
وهل يوجد سوبر ماركت للأكل الحلال قريب من الجامعةوهل يوجد سوق للأثاث والملبس المستعملة يعني له عنوان ياليت لا تقولي دوري بقوقل انا انتهيت منة ابي الجواب منك لانك موجود هناك هل يوجد معاهد لغة غير اي ال اس وكم اسعارها وكيف انطباعهم عن المسلمين عموما والمعهد كيف شفته طيب دخل عليهم البرد الحين كم الدرجة عندهم .
وهل.............. وهل..... ............وهل
اسفة طولت عليك ساعدني..وشكرا.

معليش اخر سوال هل يوجد دوام مسائي في معهد اي ال اس.......................

الدوام يبداء من الساعة 8:15 الى الساعة 3:30
ولا يوجد غير هذا الوقت

ولا انصح اي سعودي يروح روستن ولا يقربها لا من بعيد ولا من قريب الا هل بلغت اللهم فاشهد

ابو رعودي

اضفت رد ماكان له داعي ان يذكر الا بذكر الأسباب الداعيه لإدعائك، فالله يجزاك خير بيّن الأسباب او زِل ردك مشكوراً.

شكراً لك ابو لامار على الخدمه.

اولا المدينه في اخيس ولايات امريكا يعني الله معطيك فرصه ابتعاث لدوله عظمى تروح لويزيانا؟ ايش الله حادك امريكا كبيره والمدن كثيره

روستن اولا مافي الا معهد ELS وهو اخيس فرع لهذا المعهد في امريكا كلها بشهادة الجميع
وبعدين انت جاي امريكا جاي تحبس عمرك في قريه مافيها الا الجامعه ؟

والشي الي احب اقوله ان روستن جاها فوق 50 سعودي ما بقى منهم هناك الا 5 او 6 والباقين نقلو بعد ما انصدموا

وانا اعلنها من هنا الي بيروح روستن فالله يعينه على الديره الخياس ويحاول يغير قبوله على مدينه ثانيه والله لمصلحتكم وانتم احرار

والسلام عليكم

المدينة تعبانة من واقع اعاصره والنصيحة ببلاش لا احد يجي
وانا مؤيد للاخ ابو رعودي ( مصلحة ) علشان تشوفلي قبول

شفلي قبول عندك

امرني

انت بس هات اوراقك ولك الي تبي