الأعضاء الإشتراك و التسجيل

الملتقيات
ADs

مساعدة إلــــى كل من آبتعث الى آمريكا , كولورادو

مساعدة إلــــى كل من آبتعث الى آمريكا , كولورادو


NOTICE

تنبيه: هذا الموضوع قديم. تم طرحه قبل 4474 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الأسد الأسود
    الأسد الأسود

    مبتعث جديد New Member

    الأسد الأسود الولايات المتحدة الأمريكية

    الأسد الأسود , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى لا يوجد , بجامعة لا يوجد
    • لا يوجد
    • لا يوجد
    • ذكر
    • لايوجد, لايوجد
    • السعودية
    • Dec 2011
    المزيدl

    December 20th, 2011, 12:51 AM

    السلام عليكم ورحمة الله وبركاته

    آسعد الله اوقاتكم اخوتي آينما كنتم

    ياخوان انا جديد على المنتدى والابتعاث واحب استفيد منكم قدر الامكان وآجوكم تساعدوني لآن قلبي طاح في بطني من القلق والخوف


    في البدايه

    بسم بالله الرحمن الرحيم والصلاة والسلام على اشرف الانبياء والمرسلين سيدنا محمد صلى الله عليه وعلى آله وصحبيه آجمعين

    اما بعد

    ( قصة حياتي )

    ياخوان انا عاطل لي 4 لدرجة فقدت الاحساس بالوقت والمسؤوليه والله وماحلفتوني لو مافي مساجد بالسعوديه ماكان طلعت برا البيت

    حياتي كلها بلايستيشن , مخيمات , سفر ( اسفر مكه , القصيم , الطايف وغير عشان لحد يفكر تفكير ثاني )

    على كل حال انا اختي قدمت على بعثه ومن نصيبي طلبوا محرم ولا مافي بعثة فـ قررت ادرس بحكم انهم عادي يقلبون المرافق مبتعث لو نسبته 65

    المهم صار ماصار وقدمت على اوراقي وكل شي بس لسه ماطلع القبول لي

    على كل حال ياخواني ومالكم بالطويله عندي كم سؤال والله يخليكم تجاوبون لآني محتاج فعلا مشورة ناس خبره مثلكم وشرواكم

    س1: الحين في مطار امريكا في تعقيدات على العرب يعني يستقعدون لي , تفتيش وقلق وهذا اذا ماقالو نزل ملابسك

    ولا الموضوع سهل يعني مجرد روتين يطبق علي والى غيري من المسافرين

    س2: كيف الحياة في امريكا يعني فيها عنصريه خصوصا في كولورادو لآنها وجهتي بإذن الله

    س3:كيف اعرف الاكل هناك حلال والى حرام وهل فيه شارع عرب مثل في ماليزيا واوروبا وغيره

    س4: كيف الصيام هناك وهل فيه مساجد

    ^^^^
    اهم سؤال واهم حتى من الجامعه لازم تضع ربك ودينك قدام عيونك في كل وقت عشان الله سبحانه وتعالى يوفقنا في دراستنا

    س5: في كومباوندات او سكن خاص بالعرب يعني اسكن مع عرب من جميع الدول العربيه

    الجزء الاول من الاسئله خلصناه

    الجزء الثاني


    اذا انكتب لي دراسه إن شاء الله

    قررت آخذ إدارة اعمال بحكم ان هذا تخصص الوالد وراح اخذ نفسه عشان اساعده في إدارة الحلال

    وهنا يأتي اهم الاسئلة

    س1: كم سنه ابي عشان اخلص إدارة الاعمال مع العلم اني راح اشد حيلي قدر الامكان وراح اخذ ترم صيفي عشان اخلص بسرعه

    واظن فيه اكثر من تخصص لإدارة الاعمال , ودي اخذ تسويق وش رايكم .؟

    وايش اسهل تخصص والي يخلص بسرعه

    س2: وش المواد الي تدخل في إدارة الاعمال على جميع المستويات , ابغى ابعد عن شي اسمه رياضيات وفيزيا وكيمياء وحاسب <<< عندي عقدة منهم


    وهاذي اهم الاسئله الي عندي الى الان وارجوكم رجااء خاص ياخوان لا تخيبون ضني وجاوبوني تكفون



    آعتذر اذا كان الموضوع في مكانه الخطأ واتمنى من المشرفين على القسم في حال تم نقل الموضوع إبلاغي عن المكان الي تم النقل إليه لآني جديد


    وآسأل الله ان يثبتنا على طاعته ويوفقنا في دنيانا اجمعين

  2. س1: الحين في مطار امريكا في تعقيدات على العرب يعني يستقعدون لي , تفتيش وقلق وهذا اذا ماقالو نزل ملابسك
    لا والله ياخوك الحين العرب شي عادي جدا خصوصا مع كثرة المبتعثين

    س2: كيف الحياة في امريكا يعني فيها عنصريه خصوصا في كولورادو لآنها وجهتي بإذن الله
    كولورادو شعب ودود و محترم و تراها زحمة عرب خصوصا السعوديين , يعني و انت تمشي بتشوفهم اكثر من الامريكان ههههه

    س3:كيف اعرف الاكل هناك حلال والى حرام وهل فيه شارع عرب مثل في ماليزيا واوروبا وغيره
    منتشرة فـ جميع انحاء امريكا مطاعم حلال , عربية و ايرانية و مدري ايش انت اذا رحت اسأل و هم يدلونك

    س4: كيف الصيام هناك و هل فيه مساجد
    عاد الصيام مدري عنه يختلف من شخص لـ شخص
    اما المساجد , ايه موجودة مساجد و اكثر من واحد


    والله هذا اللي اقدر افيدك به , مدري عن الجزء الثاني من الاسئلة
    بس مدة الدراسة 4 - 5 سنين غالبا + سنة لغة اذا ما عندك = 5 - 6 سنين تقريبا
    انا ارشح انك تدرس محاسبة لكن لك الخيار و اعتقد ان هذا الموضوع عن ادارة الاعمال بيفيدك ان شاء الله

    اضغط هنا
    7 "
  3. الله يوفقك ويسهل امرك انا الان متواجد في دينفر كولورادو اروع مما تتصور وشوية غاليه ولازلت انا جديد ولكن انصحك لا تقلق ماعندهم العنصرية نهائيا وشعب ودود جدا ومحترم فوق ماتتصور ويحبون يساعدون والايجارات تتراوح من 750 الى 900 هذا اللي حصلته انا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.