عرض للطباعة
السلام عليكم ورحمة الله وبركاتة
تكفون ياخواني واخواتي ابغى مساعدتكم وفزعتكم ابي اسماء الجامعات الي تعطي قبول مشروط بامريكا لان الرابط الي موجود قديم ؟
وهل يقبلوني لو اقدم على طول ؟وهل اخوي يقبلونه معي ولالا ؟
وتكفون وش تنصحوني فيه لاني بحاول اضم اخوي للابتعاث بس كيف ماعرف ؟
انا لي 3 اشهر بامريكا تكفون دلوني حايره وضايعه
اكثر الجمعات الي تدي قبول مشروط تتطلب دراست اللغه في نفس الجامعه
بس في جمعات تدي قبول مشروط و تتنازل عن هادا الشرط زي جامعه
Tennessee Tech University
و في كم جامعه بس ما افتكر اساميها
اعرف شخص جابلي القبول في اقل من اسبوع بس الان غير متواجد في امريكا بيرجع بعد شهر
ايه يقبلونك ليش لا ؟
واكثر الجامعات الي ب امريكا فيها قبول مشروط وتقدرين تجيبين ل اخوك قبول مشروط , وان شاء الله الاخوان والاخوات يخدمونك
موفقــــــــــــــــــه يابطلـه
الجامعات اللي تعطي قبول مشروط يا كثرها ,, ونادرا تحصلين جامعة ماتعطي قبول مشروط ,,, والموضوع جدا جدا بسيط ,, اذا انتي تدرسين في معهد الحين كلمي ادارة المعهد تجيب لك قبول ,, لأن اغلب المعاهد يكون لها نسبة من الجامعات اذا وجهت لها طلاب ,, وبرضه تقدرين تقدمين بنفسك ,, كلها ايميل ترسلينه ويردون عليك بايميل فيه طلباتهم وتعبين الابلكيشن وتدفعين الرسوم وخلاص ,,
بالنسبة لأخوك خليه يقدم طلب على الملحقية في اسرع وقت ,, لأن الميزانية ممكن تنزل الاثنين الجاي واحتمال كبير يكون فيه انضمام لكل اللي قدموا طلبات ,, لأنه لو تأخر بعد الميزانية ممكن يطول طلبه ,,