عرض للطباعة
أخواتي و أخواني المبتعثين واللي عندهم أطفال دون سن المدرسه يعني أطفال بعمر(الدي كير)
أرجو منكم جميعاً المشاركة بتجاربكم يعني:
كيف بتدبروا أحوالكم مع الأطفال بدون وجود مربية .. هل بتستطيعوا التركيز في الدراسه يعني أموركم ماشيه تمام ؟:blink:
وياريت من الجميع اللي حاطين اطفالهم بالدي كير يذكرولنا:
1-أسعار الدي كير مع تحديد السعر هل هو بالشهر أم بالاسبوع
2- الولاية و المدينة.
أتمنى من الجميع المشاركه عشان تعم الفائده للجميع وجزاكم الله 1000 خير
اللي أعرفه ان المبتعث اذا كان لديه أطفال تحت سن الدرااسه .. فلا تشملهم الدراسه على حساب الدوله ...... ومصاريف المربيه مكلفه + أنهم خطر على أطفالنا .............. على حسب علمي من كثرة أسئلتي للي سبقونا بالسفر ....
مرحبا ...
انا بعض البنات الي اعرفهم متزوجين و عندهم اولاد ,, و الاولاد عندما يكونون بسن الحضانة تكون الحضانة مكلفة ,,,
يعني تكلفة الحضانة للطفل الواحد , تقريبا من 800$ - 1000 $ في الشهر ..
تكلفة المربية " بالساعة " للطفل الواحد اعتقد في الساعة الواحدة ممكن تاخذ من 20$ و فوق ..
وحاولوا تعملوا حسابكم في الميزانية ... :v:
sweet_orange و مجنونها
أشكركم على مروركم وجزاكم الله خيرا
مع تمنياتي بمشاركة الجميع بتجاربهم
يااخوان طيب انا ماعندي الا دخلي اللي يجيني من الوزارة
و دخلي متواضع جدا فكيف ممكن ادفع 1000 دولار
هل في حلول اخرى جزاكم الله خير اتمنى لو تدعمونا في تحليل الحلول للموضوع حيث الكثير منا متزوجين و لديهم اطفال
جزاكم الله الف خير
اعتقد هذي المرحلة مفروض نركز على مواضيع المرافقين لانه القبول مرحلته انتهت
اشكركم
cinabon
أتمنى من الاخوان والاخوات اللي عندهم اطفال انهم يفيدوك ويفيدونا جميعاً
وياليت لو أحد من المبتعثين ماخذ معه مربيه او شغاله للأطفال يشارك ويفيدنا كيف الطريقة وهل في مشاكل؟
انا حابة بس انبهكم انه لو اخذتوا شغالة معاكم ممكن لا قدر الله تصير لكم مشاكل , لأنه احنا في السعودية متعودين الشغالة ما تطلع من البيت و طول الوقت تشتغل او في غرفتها ,, بينما في امريكا الشغالة تعتبر فرد من افراد الاسرة من حقها تطلع و تروح و تجي ,,و اشياء ثانية قرأت عنها في قضية حميدان التركي لأنه معظم المشاكل الي حصلت له بسبب الشغالة , حتى لو كان هناك اسباب أخرى وراء اعتقاله ولكن تم استخدام الشغالة لاتهامه بأشياء أخرى و الله اعلم...
يعني اتأكدوا و اسألوا من إجراءات الشغالات في الفيزا و مكتب الهجرة عشان تكونوا في السليم ..
هو فعلا الحضانة مكلفة ,, بس حاولوا تجمعوا مبلغ كويس قبل لا تسافروا على امريكا عشان تسحبوا منه وقت الحاجة ,,, صاحبتي و زوجها جابوا معاهم مبلغ كبير شوية و كل شهر ياخذوا منه عشان تساعدهم في التكاليف ..
شوفي ياأختي انا وزوجتي في ولاية كاليفورنيا في مدينة سان فرنسيسكو الله رزقنا مولودة قبل ثلاثة اشهر ودورنا على مربيه عربيه مسلمه والحمدلله لقينه ندفعله في الشهر300دولارفقط وعلى حسب الاتفاق انتي لو رحتي على المدن الى موجودين فيه العرب بكثره راح تلقي مربيات عرب ان شاءلله بس ترا المدينه الى احنا فيه السكن غالي فيها يوصل الى 1200دولار ولله يوفقك
ابوسعيد .. شكرا على الرد بس ..
حابه أسألك عن المربيه اللي جبتوها بتجيكم كل يوم وللا ساكنة عندكم؟
موضوعكم رائع لكن مو اي مكان الواحد يلاقي فيه مربيات عربيات واذا هو مجمع اذا خلصت الفلوس وش يسوي. يعني يمكن اروح وما اقدر اوفق الي في حاله وحده اذا ابو عيالي هو يكون مربيه لعيالنا.