وينكم ياشباب وبنات ملبورن فلوريدا

السلام عليكم ورحمة الله وبركاته
يوم اخترت هالمدينه الكل نصحني ابعد عنها يقولون كلها سعوديين ولا تستطيع تعلم اللغة معهم
طلعات ووناسات لا وبعد كأنك في مدينه سعوديه راع المطعم تركي والبقاله هندي والبنشر مصري او تونسي والمحطة جزائري
المهم ان لم تحس انك بالسعودية كأنك تحس انك بدوله عربيه!!!
ولكن الصدمه يا اخوان صار لي اسبوعين ما قابلت عربي واحد مهو سعودي عاد!!
وش السالفة هي بس ماصفت علي انا الوحيد الموجود؟؟؟.
مقدمه للدعابه فقط!! خلونا نخش بالموضوع
1- يالربع سكنت عند عايله ورحت معهم وشريت شريحه at&t وقلت للشركة اني ابغى اتصل بأهلي وجلسنا حوالي نصف ساعه وهم يسألوني وانا اهز راسي المهم فهمتهم ان ودي اجلس سنه بفلوريدا واني اكلم اهلي بالسعوديه 10 دقائق باليوم
وبعدين كملوا الاجراءات واعطوني الشريحة ويوم رجعت عيت تتصل بالسعودية !! وفهمني واحد من العايله انو لازم نشتري كرت شحن ب25دولار وفعلا شريت الكرت وماكلمت به ثلاث دقايق وفصل.
وش السواة يالربع هو فيه طريقه او حل لهالموضوع.
2- انا عندي فلوس بحسابي السعودي كم اكثر شي استطيع سحبه لان ودي اشتري سيارة لاني ساكن بمزارع تقول بصلنفه!! وين عاد الي يعرف صلنفه.
اتمنى اني ما طولت عليكم لكن والله من ضيقة الخلق رغم والله اني عند عائلة محترمه ومهم مخلين علي نواقص بس لو يفهمون علي شوي.

ان اخترت جامعه سهله في القبول وتقبل الميت فتحمل كثرة السعوديين
او ابتعد عنهم

احاول افيدك باللي اقدر عليه بالنسبة لشريحة مافي اتصال بس تقدر ترسل مسج تحط بالاول ٠٠١٩٦٦ والرقم اللي تبي تمسج عليه بدون صفر .

بالنسبة لصرافة اكثر شي تسحبه ٨٠٠ دولار بنك أوف أمريكا وياخذون عليك ع كل سحبة مبلغ وقدره بس مو ذاكره كم بالضبط .

واذا ع الاتصال ع الاهل في بطاقات مسبوقة الدفع تقريباً بـ ٢ دولار الى ٥ دولار كلها تدخل رقم المنطقة اللي انت فيها وراح يكون موجود ارقام لكل منطقة ع البطاقة نفسها بعد ما تدق ع الرقم يقول لك ادخل رقم البطاقة وتدخل الرقم اللي راح

يكون موجود ع البطاقة نظام بطاقات الاتصال القديمة انتركي واتصال نت الخ هذي نفس نظامها حلوه وفيها دقايق تكلم تقريباً ٧٠ دقيقة بـ ٥ دولار

تحصلها بسفن اليفن او المحلات الموجودة بالمحطات قول أبي كارد اتصال دولي وهذي اسعارها من ٢ دولار الى ٥ دولار

اتمنى أني أفدتك بالنسبة لملبورن تو جاي منها ديره حلوه بصراحه بس أنا مو من ساكن فلوريدا حبيت أفيدك باللي أقدر عليه .

بالنسبة للبطاقة وقت ما تدخل الرقم حق البطاقة راح يقول لك كم في رصيدك ويطلب منك تدخل الرقم الي تبي تدق عليه نفس الحكاية حط قبل الرقم ٠٠١٩٦٦ والرقم بدون صفر

الله يعز سكايب و Google Voice ببلاش عالنت وعالجوال برخص التراب تكرم
بالنسبة للبطاقة السعودية، أكثر شيء تقدر تسحبه ٨٠٠ دولار كل ٢٤ ساعة على صرافات بنك أوف إمريكا
اذا ودك تخلص أمورك بالسعودية، حول من حسابك السعودي الى الإمريكي المبلغ الكبير اللي تحتاجه
ورح للبنك في وقت العمل وقلهم عطوني من حسابي المبلغ الفلاني ، يعطونك بدون أي ليميت

اقتباس:

---

المشاركة الأصلية كتبت بواسطة moo77dy

ان اخترت جامعه سهله في القبول وتقبل الميت فتحمل كثرة السعوديين
او ابتعد عنهم

---

والله انا ماني فاهم عليك وانت شكلك مافهمت علي
عموما شكراً على المرور.

اقتباس:

---

المشاركة الأصلية كتبت بواسطة قصة كفاح

احاول افيدك باللي اقدر عليه بالنسبة لشريحة مافي اتصال بس تقدر ترسل مسج تحط بالاول ٠٠١٩٦٦ والرقم اللي تبي تمسج عليه بدون صفر .

بالنسبة لصرافة اكثر شي تسحبه ٨٠٠ دولار بنك أوف أمريكا وياخذون عليك ع كل سحبة مبلغ وقدره بس مو ذاكره كم بالضبط .

واذا ع الاتصال ع الاهل في بطاقات مسبوقة الدفع تقريباً بـ ٢ دولار الى ٥ دولار كلها تدخل رقم المنطقة اللي انت فيها وراح يكون موجود ارقام لكل منطقة ع البطاقة نفسها بعد ما تدق ع الرقم يقول لك ادخل رقم البطاقة وتدخل الرقم اللي راح

يكون موجود ع البطاقة نظام بطاقات الاتصال القديمة انتركي واتصال نت الخ هذي نفس نظامها حلوه وفيها دقايق تكلم تقريباً ٧٠ دقيقة بـ ٥ دولار

تحصلها بسفن اليفن او المحلات الموجودة بالمحطات قول أبي كارد اتصال دولي وهذي اسعارها من ٢ دولار الى ٥ دولار

اتمنى أني أفدتك بالنسبة لملبورن تو جاي منها ديره حلوه بصراحه بس أنا مو من ساكن فلوريدا حبيت أفيدك باللي أقدر عليه .

---

قصة كفاح
مشكور ياخوي على المعلومات القيمه
وعزالله انك ماقصرت
وكثر الله من امثالك ياغالي .

اقتباس:

---

المشاركة الأصلية كتبت بواسطة مضطهد

الله يعز سكايب و Google Voice ببلاش عالنت وعالجوال برخص التراب تكرم
بالنسبة للبطاقة السعودية، أكثر شيء تقدر تسحبه ٨٠٠ دولار كل ٢٤ ساعة على صرافات بنك أوف إمريكا
اذا ودك تخلص أمورك بالسعودية، حول من حسابك السعودي الى الإمريكي المبلغ الكبير اللي تحتاجه
ورح للبنك في وقت العمل وقلهم عطوني من حسابي المبلغ الفلاني ، يعطونك بدون أي ليميت

---

مضطهد
انشاء الله ان لا يكون لك من اسمك نصيب!!
مشكور يالغالي على الافادة
بس حبيت ياخوي اسألك كيف احول من حسابي السعودي لحسابي الامريكي
هل عن طريق الصرافه( صرافة الراجحي ) الي عندي بامريكيا او لازم عن طريق المباشر في مصرف الراجحي
وكيف الخطوات ومشكور مره اخرى.

انا نفس حالتك البطاقة السعودية اروح اي صرافة هنا بس اتاكد وحدة من الرموز تكون في بطاقتي والصرافة تشوفهم زي رمس بلس عادي تسحب اكثر شي ٨٠٠ دولار ياخذون دولارين علا هالسحبة وارجع حط بطاقتك بنك اوف امريكا واودعها وهز ياوز
الله يسهل علينا وعليك بس انت تقول انك بفلوردا اذا تبي تنضم حاول تغيرها انا برضو بفلوردا وحايس ربك يجيب الخير