في احد في Central Connecticut State University

انا بحثت كثير عن الجامعة ولم اجد الكثير من المعلومات عنها

على ما يبدو ان ما فيها سعوديين وعرب

الي اعرفة انها في مدينة صغيرة اسمها نيو بريتن

ياليت يفيدوننا السطلاب اللي بهالمدينة

مرحبا ...
أنا راسلت الجامعة وقالو عندنا طلبة سعوديين ....
الغريب إنه ما فيه أحد كتب عنها ؟!!
يا شباب إذا فيه أحد عنده معلومات أو روابط عن الجامعة والمدينة ياليت يفيدنا .
أخوي حمود إن شاء الله توصل بالسلامة ونتمنى لك التوفيق وننتظر تواصلك معنا

السلام عليكم ، والله يوفقكم ويسدد خطاكم
أنا والله ما لي كثير بالمنتديات ولكن أثارت قريحتي على قولهم بعض الاشياء الي تكتب عن ولاية connecticut , وبتحديد مدينة new britain ...
|أول شي للمعلومية ولاية كونيتيكت فيها سعودين ولكنهم قله مقارنه بالولايات الثانيه وتكدسهم في مدن معينه من ولايه كونيتيكت هذا بنسبه عن موضوع تواجد العرب فيها .
ثاني شي بخصوص المعيشة بالولاية هذي بصراحة أنا من الناس الي مرتاح فيها مرره وهي مناسبة جدا للي يدرسون دراسات عليا ماستر فما فوق لانها ولايه في أغلب مدنها هادية يمكن ما عدى الداون تاون الي في هارفرد ،لانها ما فيها اماكن ترفيهه مقارنه بالولايات الاخرى وتمتاز بطبيعة حلوه وللمعلومة انا رحت لكذا ولايه في امريكا ولاية مزوري بنسلفينا أللوون نيويورك بوستن كنتاكي اوهايو وما زالات الرحلات مستمره هههههه ناوي أشطب ولايات أمريكا كلها طبعا ولاية كونيتيكت مختلفه تماما عنهم وما تقارن فيهم , المعيشه هنا تصنف بالغالية صراحة وخاصه أن غلائها على غير سنع ..كيف على غير سنع ؟ بمعنى أنك تتكلم عن ولايه عادية جدا ليست سياحية ولا هي من الولايات الكبيره بال وكثير من الناس يكن ما يعرفونها و لاحظتوا يمكن في بحثكم عنها وأستفساراتكم بالكاد تلاقون أحد يرد وأنا لي شهور فيها ولين الحين اهلي يخربطون في أسمها ههههههههه
ثالث شي عن معاهد اللغه والجامعات انا حاليا أدرس في جامعة

السلام عليكم اخ amukhalib استفسار مستعجل
انا جاني قبول في ccsu new britain
ماستر كمبيوتر ساينس
وجاني قبول في شيكاغو
ومرررة محتارة لانو ماعندي معلومات عن كونيكتيكت
انا ماابغى اروح شيكاغو عشان الغلا بس مني متاكدة من نيو بريتين
انا دراستي تبدأ ١٤ جانييوري ولين دحين ماقررت ايت مدينة ياريت لو تساعدني
ول دي المدينة كويسة ورخيصة والجامعة كويسة
واستقرينا عليها ممكن نتواصل معاك
كمان زوجي يبغى يقدم بكالوريوس او يكمل عالدبلوم تقنية الكترونية
ياريت لو تفيدني عن الجامعة في البكالوريوس والماستر
واسعار الشقق المناسبة للعوائل وهل في مطاعم عربية وترفيه للاطفال عالاقل
واسعار الحضانات لطفل سنة وطفل سنتين
معليش طولت عليك بس والله محتارة ومالقيت ولا احد يتكلم عن دي المدينة وطلق النار في المدرسة خوفني بزيادة
اتمنى الرد

أهلن أختي faloooأعتذر وتأسف عن تأخيري عن الرد، بس أمور السفر ورجعتي للسعودية أشغلتني كثير <طيب خلاص سامحناك عطنا الاجابة وخلصنا
أول شي سؤالك عن المدينة من ناحية الغلاء
مدينتنا الي هي نيوبرتن ما هي رخيصه وتصنف من المدن أو ولاية ككل تصنف من الولايات الغالية نسبيا لكن لا تقارن بنيويورك ولا بوستن وبالارقام من حيث السكن أنا كنت ساكن في شقة تتكون من غرفتين وصالة قريبه من الجامة مرة وكانت 1180 من غير الكهرب ، وبالمقابل الان وقبل لا أرجع السعودية نقلت لسكن مع عائلة ب 450 شامل الكهرب والنت . وبالمشتريات من ناحية التموين واللبس والاجهزة عليها تاكس ، أنا ما أدري عن السكن في شيكاقو وأنتي عليك المقارنه والموازنة هذا من ناحية الغلاء
من ناحية الجامعة أنا لسى ما دخلت الجامعة لسى باللغة بس اللي شفته وسمعتة من الشباب الدكاترة ناس كويسين وفيها تقريبا دكتنورين عرب والناس الي فيها صراحة لا من دكاترة ولا من طلبة كويسين وهادين وبيئتها دراسية وفيها طلبة عرب أما سعودين ما فيها ألأ تقريبا 2 ، ومن ناحية تصنيف الجامعة أذا أنتي من النوع الي يهتم بتصنيف الجامعة ما عندي خلفيه عن تصنيفها وتحتاجين تبحثين فيه.
وعن المطاعم العربية وحضانات الاطفال فيه مطاعم عربيه فيه مطعم جنب الجامعة عربي أسمه هاوس اف كباب تموينات عربيه ونسبة المسلمين الحمد لله كثير ونست فيه مطعم تركي اف اف هذا سبشل يبعد عننا شوي وغالي شوي بس لازم أسنتر عنده فشهر مرتين ههههههههه
أما الحضانه والله ما عن
دي معلومات عنها وعن أسعارها بس أذا عزمنتي على المدينه سألت لك ، وعن الترفيه المدينه هادية جدا خاصه نيوبرتن مدري كيف أوصفها بس ما فيها صخب امممم يعني لا تقارنينها بشيكاقوا .
وعن طلق النار والمشكلة اللي صارت ، أنا أقول أذا المدينه جازت لك ورتحتي لها لا يعيقك هل موضوع ، والله جتلي أيام كنت أروح أذاكر بالجامعة وما ارجع الا الساعة 11 بالليل رجليه والحمد الله ولا يوم أحد وقفني ونسبة السود عندنا قليل ، وبعدين أذا بتخلين هل موضوع هاجس في بالك ماراح تترددين كثير بكل ولايه وأولهم شيكاقوا أصل الاجرام هناك هههه والسود الي هناك على مستوا
اسف مره ثانيه اني ما رديت عليك بدري وتمنى وصلت لك شي وجاوبت على كثير من تساؤلاتك والله يكتب لك الي فيه خير
ولو احتجتي أي استفسار أنا موجدود والله يوفقك

شكرا اخ amukhalib عالرد
انا خلاص استقريت على كونيكتيكت وجيت ليا ٣ ايام تقريبا احنا جالسين في فندق حالياً وبندور على شقة وحضانة
ياريت لو عندك اسماء سكن يكون مناسب لعيلة تدلني علي وازا تقدر تساعدني في موضوع الحضانة اكون شاكرة
احنا بندور بالنت حالياً والله يعين ان شاالله