استفسار موظــف في شركة ارامكو السعوديه ... وابي اطلع للبعثة << الرجاء الدخول

في ممعهد مره حلو وهو اللي يقدم اخنبارات الايلتس وهذا رابطه
British Council - Middle East

اذا بتدخل اختبار الايلتس تروح وتسجل عندهم وراح يعطونك دوره تحضيريه عن طيق النت
او ممكن تسجل عندهم لدوره عن الايلتس
وهذا رابط يفيدك
http://www.mbt3th.us/vb/forum52/thread278992.html

انا ما اقدر افيدك بشي اخوي بس انا ابنصحك لاني ما ابغاك تغلط مثلي

انا كنت في شركة سابك ومرتاح الحمدلله وافكر بالزواج وقلت خلني بدال ما اتزوج ادرس الين ما التحق

وارجع بشهادة بكالوريوس .. وللاسف هذا اخر شهر لي اذا ما انظميت برجع السعوديه صفر ع الشمال ..حتى ما اقدر ارجع للوظيفه

ماقلت لك هالكلام علشان احطمك لكن ابيك تعرف ان مثل هالقرار لاتتسرع في اتخاذه ... وبالتوفيق لك في حياتك المهنيه والعلميه

كم شهر لك بامريكا ؟

بحكم اني كنت الى وقت قريب موظف في ارامكو احب ان اوضح لك التالي :

* نظام السنتين اللي درستها في ارامكو ( الابرانتيس ) لا يعادل دبلوم ولا تعترف فيه الجامعات سواء الجامعات السعوديه او الامريكيه .
* خريجي نظام السنتين ما تبعثهم ارامكو للدراسه الجامعيه .
* الاجازه بدون راتب تتدرج من شهر لمدير الاداره الى 6 شهور من البزنس لاين حقك ( نائب الرئيس ) .
* و بحكم تجربه طويله مع خريجي البرانتيس فان لغتهم الانجليزيه لا تؤهلهم لدخول الجامعه مباشره و انما يحتاجون لدراسة اللغه للحصول على درجة التوفل او الايلتس .

انا اتفق معك أخي الكريم ان الحصول على الشهاده الجامعيه في الهندسه لها مستقبل هائل في ارامكو و افضل بكثير من الفنيين لكن الفني اذا بيجتهد بيصل الى درجه عاليه لا تقل عن 14 لكن بعد وقت يمكن يطول و يمكن يقصر فهذا يعتمد على الشخص و على ما يبذله من جهد .

الخلاصه : اذا انك ترى انك مستعد ذهنيا و قادر ماليا على اكمال دراستك الجامعيه و عندك الاستعداد الكامل للتحصيل العلمي فتوكل على الله ولا تشاور ، قدم استقالتك و ابدأ باسم الله ،
اما اذا كنت غير ذلك فما عليك الا الصبر و الجد و الاجتهاد و ان شاء الله بتوصل لمركز جيد في ارامكو ، لا تقول واسطه وا بن عم و مثل هالسوالف لأنك اذا بتفكر بهذا الشكل بتحبط نفسك و لن تتقدم في سلمك الوظيفي ، توكل على الله وواظب و جد و اجتهد في عملك و ان شاء الله بحوله و قوته بتوصل لمراتب عاليه .

بالنسبه للانظمام للبعثه اخي الكريم فالنظام يقول اتمام 30 ساعه في الجامعه ( يعني سنه دراسيه ) و بمعدل لا يقل عن 2.5 من 4 لتتمكن من الانظمام للبعثه لكن الملحقيه فيما يبدو انها لا تطبق هذا النظام بحذافيره ، لذلك انت وحظك يمكن تنظم بعد شهر ، شهرين و يمكن تنظم بعد سنه و زياده .

اتمنى ان تتقبل كلامي بصدر رحب مع تمنياتي لك بالتوفيق و بسعادة الدارين .. الدنيا و الآخره .

الله يعطيك العافيه اخوي mso ...

صراحه حمستني والله ... وحطمتني في نفس الوقت ...

بما ان خبرتك كبيرة ما شاء الله في ارامكو وتعرف حتى مستويات الآبرنتس في اللغة الانجليزيه .. عندك شخصيه مشهوره في ارامكو .. علي النعيمي + فلاح المطيري <<< انا معجب جدا بهالشخصيتين .. ويا ليتك تعرف قصتهم زين
علي النعيمي كان قريد 3 وآخرتها وزير البترول ما شاء الله تبارك الله .. لو تسمعه يتكلم انجليزي تقول هذا ناتيف سبيكر ما شاء الله عليه .. هو لا درس انجلزي ولا شيء بعدين لما اترقى واترقى وصار وصار قاموا يرسلوه دورات في هيوستن .. وربك سهل امره .. لكن ودي اذكرك >> علي النعيمي كان في الشركة والخواجات موجودين ...

عندك الشخصيه الثانيه .. فلاح المطيري ... المدير العام لادارة توزيع الوسطى والغربيه ... ودخل اارامكو وهو قريد 3 طبعاا لا شهادة ولا شيء .. وهو لو تسمعه والله تقوله يتكلم ب لهجة امريكيه يتكلم ولو تبي بلهجة بريطانيه يتكلم ما شاء الله عليه .. هذا فلاح خدمته 38 سنه اللحين ... وابشرك اللحين قريد 19 .... وهو تقريبا ما لحق عهد الامريكان الا 8 او 6 سنوات بس ... طيب هذا وش سره .... هذا ابوه في ارامكو وامه في ارامكو << وطبعا مناصب ما شاء الله ... وهذا لازم يصير منجر غصب عن اللي ما يرضى خخخخخخخخخخخخخخخخخخخخخخ

المهم انا جبت لك هالمثالين ...

الاول .. كان في عهد بعز ارامكو ..
الثاني .. عنده فيتامين " و " ...

وكلهم وصلوا ما شاء الله ...


وبقية الناجحين في الشركة والرؤوساء التنفيذيين كلهم معاهم شهادات وكل شيء ما شاء الله ,,,


طيب ما شاء الله عليك حكمت على الابرانتس كلهم بان لغتهم الانجليزيه ضعيفه .. انا اتحداك الابرنتس 75% منهم ما شاء الله يتقنون الانجليزيه تحدثا وكتابتا .. واكيد مستواهم افضل من بكلريوس انجلزي في احد جامعاتنا الراقيه اللي تخرج لنا مدرسين انجليزي ما يعرف الفرق بين الـ D و B ولسه يقول ام بطن >> D ويقول ام بطنين B ...
ميزة الابرانتس يا اخي العزيز يمارسون الانجليزي كل يوم ... وهذا اللي ينفعهم كثير ... ويحسن من مستوياتهم ...


واتقبل نصيحتك اخوي بصدر رحــب ... قصدي نصيحتك >> " اقضب وظيفتك يا رجال منتي لاقي احسن منها " اما جد وثابر ومدري وشهو اكيد بتمشي بس مهوب في الغربيه .. في الشرقيه تعطي يعطونك وانا مجرب المنطقتين ...
ورئيسك خوااااااااف من رئيسه وتقاييمك كل سنه E+ او E يعني الاس لا تحلم فيه الا اذا عندك 10 ابروفد انوفيشن و50 نير مس خخخخخخخخخخخخخخخخخخخخخخ .. يعني ما يخالف نسويها وكل شيء ونجي في آخر السنه نطالب بالس يقولك وش سويت .. تقوله كدا وكدا وكدا .. يقولك عادي هذا شغلك طيب خخخخخخخخخ صراحه <<<< السياسة السائدة في ارامكة هالايام >>> IF U REDUCE THE COST YOU ARE HERO ... وهذا اللي مسوينه رؤوساءناا .. حتى في تقاييم الموظفين بس ربك يسهلها ان شاء الله ...

عالعموم ... اذا انت موظف في ارامكو ياليت .. تكتب وين شغال وفي اي قسم وايش المسمى الوظيفي حقك ... بس عشان نعمل مقارنه بيني وبينك واكيد راح يكون الفرق شاسع بيني وبينك ... اتمنى لك الأفضل اخوي

دمت بود ^_^

عليك نور ، اخوي انت جبت مثالين جيدين و هذا يؤيد كلامي اللي قلت لك (( جد و اجتهد و بتحصل خير )

علي النعيمي يا عزيزي بدأ ساعي بريد و لكنه اجتهد و طور نفسه و درس حتى حصل على درجة البكالوريوس في الجيولوجيا ، تعرف الجيولوجيا تخصص مو سهل ، فهو يا عزيزي ما وصل الى ما وصل اليه عشانه كان في عهد الامريكان بل وصل بكفاحه و جهده و تعبه .

اما فلاح المطيري ( ابو عبدالله ) الله يذكره بالخير فهو ما شاء الله عليه رجل ذكي و عبقري و رجل مكافح و اثبت وجوده بل و تفوق على من هم افضل منه تعليما ، رجل جد و اجتهد و كافح و درس حتى حصل على البكالوريوس في الاداره و صدقني الرجل ما وصل الى ما وصل اليه الا بجده و كفاحه و صبره و ليس بالدعم و الفيتامين مثل ما تقول ، و الله العظيم الذي لا اله الا هو انه لا يقرب لي ولا تربطني به اي رابطة قرابه لا من قريب ولا من بعيد وما كنت اعرفه الا ايام ما كان منجر في الـ Southern Area Producing

و هناك رجل آخر مثل فلاح وهو مطلب الشمري كان منجر على مصفاة جده ثم منجر على مصفاة الرياض و من ثم رقي الى جنرال منجر في مصفاة راس تنوره ، رجل ذكي وجاد و رجل مو سهل يكاد يتشابه مع فلاح و كذلك حصل درجه جامعيه في الاداره قبل سنوات قليله ، و غيرهم آخرين .

على ماذا يدل هذا ؟؟

هذا يدل على ان الانسان هو الوحيد الذي يستطيع أن يطور نفسه و متى ما كان عنده الطموح و الرغبه في ذلك فسيحقق ما يريد لا محاله و كل ذلك بتوفيق الله تعالى .
و انا هنا احمسك و اشجعك لا لأحطمك كما ذكرت ، فانا ا قول لا تيأس ولا تقول رئيسي قال و رئيسي ما قال ، صدقني تقدر تفرض شخصيتك على رئيسك غصبا عنه بعملك و اثبات وجودك .

بالنسبه لخريجي الابرنتس و لغتهم الانجليزيه انا تكلمت من تجربه مع كثير من الابرنتيس لدرجة ان الواحد منهم لا يستطيع ان يكتب رساله بطريقه صحيحه ولا حتى يقدر يكتب الـ Meeting Minutes في الاجتماعات ، لا اريد ان ابخس حق أحد لكن انا اقول هذا الكلام لأن الكثير منهم عمل معي او بالاصح عمل تحت ادارتي و اعرف قدراتهم اللغويه جيدا .

بالنسبه اين اعمل وفي اي قسم و مسمي الوظيفه ، هذا ليس موضوعنا و انا لم ادخل للموضوع لأعمل مقارنه بيني و بينك ، أنا ذكرت لك اني كنت موظف سابق في ارامكو .

وان كان هناك فرق شاسع فهو ان شاء الله لصالحك و فيك الخير و البركه ، و الله اني اتمنى لك الخير مثل ما اتمناه لنفسي .

Take care

اكمل دراسه افضل

لي خمس شهور في امريكا ومعي قبول جامعي من يوم ماجيت ومكانك سر.

السلام عليكم ورحمه الله وبركاته
أخوي هي فقط النصيحه
لاطلع من وظفتك
لان الخمس سنوات اللي جاي على كلام جريد اليوم قبل فتر
مافي وظائف الطلاب المبتعثين
والله يسهل امرك ويرزقك يارب
هب والله فقط النصيحه من أخ إلى أخ