استفسار موظــف في شركة ارامكو السعوديه ... وابي اطلع للبعثة << الرجاء الدخول

الله يوفقك ماعندي فكره بس حبيت ارفع لك الموضوع

ترا وظيفة ارامكو ما تتعوض بسهوله
فكر الف مره قبل تترك وظيفة زي كذا
شوف اذا ارامكو نفسها تبتعث افضل لك ,, حتى لو اجبروك تنقل قسم ثاني او منطقة ثانية

اكيد لمن تكون مهندس افضل من كونك فني
عموما ممكن تسال الموظفين الفنيين وكيف رواتبهم بعد فتره طويله وايش الامتيازات اللي حاصلين عليها مثلا زي سكن او قرض سكني
انا من ناحيتي اؤيد اكمال الدراسة بس كل واحد وظروفه الماديه هل يستطيع تحمل المصاريف اذا بتدرس على حسابك

عموما ضم الطلاب الدراسين على حسابهم الخاص على البعثات ممكن يضمونك بعد شهر وممكن بعد 8 شهور ... لان الملحقيه بصراحة مزاجيه ... وهذي الفتره نسمع انهم قايلين انه لازم الطالب يخلص فترة اللغه ويكون عنده قبول جامعي وبعدها يضمونه للبعثات

اقتراح ولك حرية الاختيار
بحكم انك بارمكو اكيد لغتك جيده نوعا ما ... اذا قدرت تجيب في اختبار الايلتس 5 او 5.5 وانت بالسعودية فهذي مره ممتاز .. بعدها جيب قبول جامعي وتوجه على امريكا
بعض الطلاب يجيبو الدرجه المطلوبه في الايلتس ويدخلو معهد لمدة شهرين ... وبعد ما ينفتح لك ملف في الملحقيه وكل امورك تزين ... ارفع درجة الايلتس وقلهم خلاص انا عندي قبول جامعي وجبت الدرجه المطلوبه ... ضموني للبعثه
طبعا الهدف من الحركه هذي انك تداوم في معهد اللغه وتريح راسك من الدراسه وعلى بال ما تخلص اجراءات ضمك للبعثه تكون خلصت من المعهد بسرعه
لان الملحق الثقافي في امريكا قالها اكثر من مره ... اللي يخلص فتره اللغه وعنده قبول جامعي راح نضمه للبعثه

اما اذا مستواك في الانجليزي عادي ... فهذي لها حسابات ثانيه تعتمد على قدرتك المادية وعلى من يدعمك وانت تدرس
وهذا الرباط راح يفيدك اذا نويت الدراسة
http://www.mbt3th.us/vb/forum60/thread293341.html

ياحبيبي في ابتعاث عن طريق .. ارامكو ..
ماله داعي انك تترك العمل لان الفرصه تجيك مره وحده
بالتوفيق

فاهم غلط
اللي يسال متخرج من برنامج ارامكوitc
و cpc هو برنامج ثاني واللي فيه الابتعاث

وارامكو ما تبتعث اي موظف عندها الا اذا كان معدله جدا عالي وفي بعض التخصصات وعادة يكونون الللي بمراكز الابحاث

نصيحة خلك بوظيفتك أذا كنت مرتاح
زميلي العام الفائت خلص الهندسة الميكانيكة عن طريق معادلة الدبلوم اللي كان معه من الكلية التقنية
كان موظف بشركة السلام للطيران ويستلم راتب جدا ممتاز إلى الان لم يجد وظيفة المناسبة
انتبه وأحذر
بالتوفيق لك

حبيبي باختصار اطلع و روح بعثة , الدبلوم اللي معاك و وظيفيتك كفني ما راح يفيدوك عالمدى البعيد the long-run , اذا انت انسان عندك طموح و نظرتك مستقبلية فأنا انصحك بالبعثة والبكالوريوس , انت موظف حاليا و يمديك تقارن بينك و بين المهندسين اللي معاك , ممكن راتبك يكون قريب منهم بس راح يضل زي ماهو دامك فني و راح تضل تحت رحمة هالمهندسين . انت توك بمقتبل العمر فاذا كنت تبي حياة كريمة و مهنه مثمرة فعليك بمواصلة دراستك يا أخي العزيز .

انا اشوف الناس يقولولك وظيفة و ماتعوض وهذي ارامكو و مدري كيف , لكن ماراح يفيدك الا اللي يشتغل بارامكوا وانا واحد منهم , اذا لم تكن مهندسا في أرامكو فأنت إذا لا شيء لا شيء.

الله يعطيكم العافيه ... يا شباب تفاعلكم اثلج صدري الصراحه .....


شباب انا في العمل .. عشان تكونون في الصورة ... الراتب 5500 ريال فقط + بدل سكن 3 رواتب في السنه .. والزيادات السنويه كل ما لها بتنقص يعني ارامكو بتقلص قد ما تقدر الزيادات السنويه ... واللي يشتغل بارامكو عارف الشيء هذا ... انا لي اكثر من سنه في ارامكو ... زاد راتبي 135 ريال فقط لا غير يعني صار راتبي طول الله اعماركم 5635 ريال ,,,,

^^^^ وفوق هذا ننكرف 8 ساعات في اليوم ولا تقدر تحك راسك ... ورئيسك ما يعرف هذي ولا هذيك ما تدري كيف صار رئيس ... يعني الشغل كله واسطات وقلة ادب ..

لكن سمعة ارامكو تظل الشركة الام بالمملكه العربيه السعوديه ... لذلك الناس اذا سمعت بموظف ارامكو رفعوه السما مادروا انه ماكل تراب الله يعزكم ... خصوصا الفنيين منهم ..

وانهم بيطلعونك بعثة ... هذي بالعربي انقزهاااااا الا في حالة انك ولد عم خالد الفالح <<< رئيس الشركة وكبير مدرائها التنفيذيين .... زي ما قلت لك اذا عندك واسطه بتطلع بعثة سلام سلام ...

اما تشد حيلك وتهايط والله بتقعد محلك ...

والفني في ارامكو مهضوم حقه وبقوة ... يعني المهندسين ماشاء الله في ارامكو رواتب عاليه ما يخالف ومميزات واجازات اكثر ما يخالف نقول هذا كد وكافح عن الشهاده ولازم يحصل على هالمميزات ... لكن اللي فاقع قلبي .. ان هالمهندسين مسنعين امورهم من فوق كل يوم وهو رايح دوله اسبوع او 3 اسابيع او 3 شهور .. يا انتداب او كورسات وعلى ظهرك يا ارمكو .. هو واهله شهر بايطاليا و3 شهور بـ هيوستن .. و3 اسابيع في كوريا .. وشهر بالمانيا ... والفني ماكل تبن حتى نقل ما ينقل عند اهله ..

طيب المهندس هذا اخد الشهاده ودرس اقل شيء 5 سنين واكيد الدراسه اللي اخذها تعلم اكثر من الفني بكثير ... ليه تطلعه بعد كورسات وتاسكات ومدري وشهو ... طور من الفنيين اللي عندك اقل شيء .. لا تعطيهم شهاده ارفع مراتبهم وطلع دورات وكورسات برا ... هذا اللي ما عنده واسطه بارامكو ... بالعربي ماكل تبن والحمدلله ...


اخيرا ... وعلى كثر كلامي هذا كله .. وسب في شركة ارامكو ... ابدا في حياتي ما راح انسى فضل هالشركة علي ابدا اخذتني من بعد الثانوي وعلمتني انجليزي واعطتني الدبلوم وصرفت علي خلال فترة الدراسه من مكافآت وبدل سكن وبدل نقل ... لكن اهانتني في الوظيفه ... عالعموم انا احب هالشركة جدا واتنمى لها الافضل دائما وابدا واتمنى ان ما احد ينظلم فيها ابدا ... لكن ما نقول غير حسبي الله ونعم الوكيل ...


نظرتي (( فني في ارامكو ما ينفع ,,, اقل شيء مهندس عشان تمشي بهالشركة .. وفرق الرواتب شااااااااسع جدا والزيادات شاااااسعه جدا بيننا وبينهم ... حتى لون البطاقه يختلف خخخخخخخخخخخ .... )) ان شاء الله .. الله يكتب اللي فيه الخير ان شاء الله ...

انا بحاول اني ما اترك ارامكو .. يعني باخذ اجازة مفتوحه بدون راتب مدري يرضون ولا لأ .. واكمل دراستي وارجع ... <<< اذا كلامي غلط اتمنى القى تعليقات عليه يا شباب ...


وابغا اسالكم يا شباب كيف اختبر اللآيلتس في السعوديه هنا .. ؟؟؟ وهل فيه مقررات له تساعد على حصول درجات عليا مثلا ... ؟؟؟

دمتم بود ^_^ وآسف عالاطاله

5635 ريال ؟!؟!؟!؟ ارامكو ؟؟؟ الله يرحم ادارة الامريكان بس !!

هذا موظفين الدبلوم في القطاع الصحي (الحكومي) بمسمى فنين (اشعه - مختبرات - تمريض - ادارة) اول تعين رواتبهم توصل 7 يعني افضل من فنين ارامكو البترول ! واضح ان ارامكو في انحدار .