عرض للطباعة
السلام عليكم
اخواني المبتعثين انا دخلت الايلتس 4 مرات وماتجاوزت ال 5.0
لكن الي مزعلني اكثر شي درجتي في الرايتنق مره واطيه ماطلعت عن 5 وفي الغالب 4.5
السبيكنق قد وصلت ل 6.5
الريدينق ماتعديت 4.5
اللسنينق نفس الشي واطي مره وحده جيت 5.5
والله نفسيتي مدمره مو قارده اذاكر للإختبار مره ثانيه
ارجو انصحوني وجهوني محتاجه احد يعطيني ثقه ويحمسني
اكثر شي زعلانه على الرايتنق واتمنى فيه نصايح
ماا اقول الا اللهه يووفقك ولا تتحطمي و تفكري :(
اولا دعواتي لك ولجمبع الاخوان والاخوات بالتوفيق في الاختبارات القادمة ...
ثانيا الايلتس عبارة عن تكنيك متى ما اتقنتيه راح تمشي امورك باذن الله ... حاولي تسوي براكتس اكثر على الاماكن اللي تحسي نفسك ضعيفه فيها ..
نصيحة سريعة بخصوص الرايتنق .. حاولي قد ما تقدري ان يكون هناك ربط بين الجمل حتى يكون هناك معنى للي جالسه تكتبي، ولو تركزين على كلمات الربط بين الجمل راح تساعدك مثل : , However, Nevertheless, Although, Furthermore.... etc
* مهم جدا انك تعرفين كيف تستخدم اي كلمة من كلمات الربط ، لانها ممكن تعطي معنى مغاير في حالة استخدمتيها بطريقة خاطئة ...
بالتوفيق ،،
ان شاء الله تجيبيها يارب
المهم براكتس دايما
بقول لك تجارب صحباتي من ايرلندا وحده جابت ٦ والثانيه ٧
اللي جابت سبعه تقولي كانت يوميا تتدرب على مهارتين مثلا سبيكنج وليسننغ واليوم اللي بعده ريدنغ ورايتنج تقول اللي يريحك
لمدة ٣ شهور هي قالت لي تدربت واختبرت وجابت سبعه
الثانيه برضه شدت حيلها لمدة ٣ شهور وكان عندها كتب حقت الايلتس تقولي خذي دفتر وقسميه سبيكنج لسننغ ريدنغ رايتنج وذاكري من هالكتب شفتي شي تحسينه بيفيدك كلمات اكتبيها بالدفتر يصير تراجعين منه بعدين واصحي بدري بعد الفجر وجابت ٦ واللحين كلهم بالجامعه
واللسننغ لازم تتدربي عليه دايما لانه يعتبر اسهل شي لنا احنا العرب هو والسبيكنغ انا حسيت نفسي مع التدرب كل مره تطلع درجتي احسن من اللي قبلها
والرايتنج شوفي اذا عندك استاذه بمعهدك كويسه قولي لها ابغى تساعديني وكل يوم سوي رايتنج واعطيها تصححه لك
والريدنق نصايح ناس كثيرين انه اقراي اي شي يجي بيدك
لاتتحطمي وباذن الله تجيبيها
انا عندي حول ٣ اختبارت الشهرين الجايه ورا بعض وجالسه ادرس من اللحين كل يوم اخذ لي شي بسيط
والله يسهلنا باقي لي ست شهور من اللغه :sweat:
السؤال الحين وش فيها 5.0 ؟
انتي خذي النتيجه ذي وقدمي ع اي جامعه تقبل واستمري في الجامعه ولو تبغي تحولي تقدري بعد السمستر الاول حولي للجامعه الي تبينها زي كذا
بالتوفيق
اختي نصيحه لك اختبري في الشهر ٣ مرات
الحين لو تحجزين بعد اسبوع او اسبوعين وتختبرين انا متاكد انه بتتغير درجتك
هي على حسب العامل النفسي والمكان
السلام عليكم ورحمة الله وبركاته
في البداية راح أوضح لك بنقطتين :
1- قبل تختبرين الأيلتس هل مستواك في اللغة الإنجليزية في جميع المهارات متوسط أو فوق المتوسط ، لإن الجواب على هالسؤال هو اللي راح يحدد بنسبة 50 % درجتك في الإختبار .
2- إفهمي إستراتيجيات الإختبار في كل مهارة ( نوع السؤال ، طريقة الإجابة ، نماذج جاهزة للرايتنق ، نماذج جاهزة للسبيكنق ).
ختاما :
إذا تبين نصيحتي أبعدي كل البعد عن الأيلتس ، وركزي على التوفل IBT وراح تشوفين الفرق بدرجاتك في مدة ليست بالطويلة .
للانسان قدرات محدودة لتعلم اللغة تعلم اللغة يحتاج الى وقت وممارسة حقيقية وبشكل مكثف خاصة للمتعلم حديث العهد حاولي التركيز على تطوير مهاراتك ولاتفكري في الاختبار والرايتنق مهم جدا وهو يمكن ان يخسف بدرجتك او يرفعها فركزي عليه جيدا
لا تتحبطي ولا شي صحيح في جامعات تقبل 5 بس يمكن قليل بس تقدري تحصلي .. انا اختبرت توفل 5 مرات ولا جبت الدرجه والمره 2 و 3 بعد اجيب اقل وجاني احباط مو طبيعي حتى فقدت الامل في القبول بس الحمد لله جبت الايلس من 2 مره وانقبلت .. نصحتي في الراينق نفس الي قالوا لك انا كنت اكتب كثير وقلت للاستاده تصحح لي قالت ما عندها مانع.. صراحه مو كل مره اعطيها تصحح بس مررره استفدت لانها تقعد معاي وتعلمني اخطائي! هالطريقه مررررره مفيده ورفعت درجتي بس لازم تكتبي كثير حتى صرت في الفترات الاخيره اكتب كل يوم مقاله واستخدمي دايما الكلام الجديده الي تتعلميها في المعهد عشان لا تنسيها بس اهم شي اتاكدي من استخدامها الصح!
ان شاء افدتك .. وبالتوفيق يارب