الأعضاء الإشتراك و التسجيل

الملتقيات
ADs

مساعدة استفسار عن دراسه في امريكا

مساعدة استفسار عن دراسه في امريكا


NOTICE

تنبيه: هذا الموضوع قديم. تم طرحه قبل 2210 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية فرواله الغالي
    فرواله الغالي

    مبتعث جديد New Member

    فرواله الغالي الولايات المتحدة الأمريكية

    فرواله الغالي , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى ادبي , بجامعة جامعه امريكا
    • جامعه امريكا
    • ادبي
    • أنثى
    • الرياض, الرياض
    • السعودية
    • Jan 2012
    المزيدl

    January 4th, 2012, 08:06 AM

    بسم الله الرحمن الرحيم


    السلام عليكم ورحمت الله وباركاته..


    يسعد صباحكم اخواني خواتي


    لدي بعض الاستفساراات حول تخصصات الادبيه الموجوده في جامعات امريكاا للبكالوريس


    1- ماهي افضل االولاياات للسكن وتقبلهم للشعب السعودي؟


    2- افضل جامعه في امريكا ؟


    3- ايش التخصصات الادبيه المتوفره ؟


    4- ماهو تخصص الذي سيجعلني ارجع وانا بانتظاري الوظيفه بالمملكه ؟




    بليز محتاجه الجواب ع اسئلتي هاليوومين


    جعله في ميزان حسناتكم
  2. بالنسبة للسؤال الرابع: الجواب مافي وظايف السوق السعودي زبالة على طول الخط مكتفي و القهر والمشكلة أنا السعودية أغنى دولة في العالم والمشاريع و الاستثمارات في السعودية لا تحصه لكن يقولونلك مافي وظايف السوق ممتلىء ونظام السعودة الفاشل إلى عندنا وخذا مثلا أرامكو هي أكبر وأهم شركة في السعودية ومع ذلك نسبة السعودة لا تتجاوز 30 % وكل مدراء والمناصب القيادية في الشركات الاجنبية أجانب ليش مافي سعوديين
    7 "
  3. انا اختلف معاك بالنسبه انه مافيه وظائف ..

    فيه وظائف لكن لا ترجع بمعدل جيد او جيد جدا وتبي وظيفه !!

    انت مبتعث ..

    يعني متوقع منك انك تكرس كل جهدك للدراسه ..

    متوقع منك الالتزام ...

    متوقع منك انك تقدر المرحله اللي قدامك ..

    انا اكلمك من واقع خبرة ..

    انا كنت موظف واستقلت .. لأن وصلت لمرحله ماقدر اخذ وظيفه اعلى إلا بشهاده .. وجاتني فرصه ادرس برا .. وعلى طول استقلت .. مع انها وظيفه رئيس قسم في احد اكبر البنوك في المملكة ...

    جلست مع اكبر المدراء ..

    وكلهم اجمعوا ان درجتك تحدد وظيفتك ..

    الدرجه ماهي تفوق وبس ...

    الدرجه العاليه تبين انك ملتزم بالشي اللي انت تبيه ورايح على شانه ..

    تبين انك تقدر تتعامل مع اقوى الضروف مهما كانت ...

    فصدقني اذا رجعت بدرجه عاليه .. الوظايف بتحتريك ..

    لكن لا تقول ماقدر اجيبها

    احن ما جينا هنا إلا للدراسه فقط !!

    وحط تحت ((( فقط ))) الف خط .. !!

    ولا تنسى الان سنويا يتخرج من امريكا تقريبا اكثر من 1500 طالب ... قله منهم اللي درجاتهم عاليه ..

    وهذا لهم الاولويه بالوظايف ..

    اما الباقي فهي تنافسيه .. او الواسطه بكل الاحوال تمشي امورك ..

    لكن مو كل الوظايف بالواسطه


    عطني واحد رجع من امريكا درجته امتياز وتخصص مرغوب ولا لقى وظيفه ..

    لكن تاخذ تخصص السوق السعودي مليان منه ..

    ولا درجه اقل من خريجين اللي تخرجوا من جامعات سعوديه ..

    فصدقني بيفضلون عليك خريجين السعوديه .. لأن الالتزام عندهم اعلى من اللي راجع بدرجه عاديه او درجه متدنيه ..
    7 "
  4. طيب اخوي سلطان افرض التخصص الي يبيه الرجال هوايه مثلا التمريض نقول ان التمريض اكتفوا منه السعوديه وواحد حلمه التمريض نقوله لا لا تدخل موب غصب

    وبعدين اذا على النسبه العاليه وزير الماليه كم نسبته تتوقع انه ممتاز مع مرتبة الشرف والاول
    وزير التعليم العالي تتوقع انه ممتاز مع مرتبة الشرف
    الملك عبدالله ممتاز ومتعلم <<< ليه ملك اهو ليه ما يحطون اي واحد من ال سعود متعلم
    هل تتوقع انو كل الوزارء ممتازين وجايبين المركز الاول مع مرتبة الشرف

    مو شرط اخوي انو كل واحد ممتاز يتوضف وبعدين وش فيها الجيد جدا والجيد بامريكا اقل شىء اتخرج وانا فاهم الي دارسه احسن من اني اكون بالسعوديه واجيب الاول واتوضف وانا ماني فاهم حاجه

    احنا ما خذين المركز الثالث باغنى بلد في العالم بعد ليه كذا في بطاله انا من سكان المنطقه يعني تتوقع مثلا انوا مافي اراضي تكفي عشان يبنو مجمع حكومي زياده وعشان يوضفون ناس زياده

    الشعب شعب دج وحياط بمعنى الكلمه شعب ما اقول الي الله يخلف على الفلوس الي ما ادري وين تروح كل اول سنه
    7 "
  5. يا عزيزي انت تتكلم عن جيل قديم ...

    ولمعلوميتك ... اول اللي معاه شهاده متوسط كان يعتبر من اكثر الناس متعلم ...

    واللي مخلص الثانوية هذا محد قده وياخذ اعلى المراتب ...

    لكن الان تغيرت الامور وتتغير التقديرات ..

    بعدين اذا بتتكلم عن وزير او عن مدير عمره اكثر من 50 سنه ...
    شوف خبرته .. وين اشتغل ووين وصل ..

    ولا تتوقع انه تخرج وصار وزير على طول ...

    شهادتك بالنسبه العاليه مجرد تعطيك بدايه للحياه العمليه ..

    ولا بعد ماتتوظف كل شي يعتمد على انجازاتك ...

    يعني الشهاده بدايه حياتك العمليه .. والباقي يعتمد على مجهودك ..

    فإذا كان الوزير شهادته ثانوية .. لكن مجهوده عالي في وقت ماكان احد فيه معاه شهاده ثانوية .. يعتبر من المتعلمين والمثقفين ..


    مثل قبل تقريبا 10 سنوات .. كان التوظيف للثانوي موجود لكن اللي معاه بكالوريوس .. كان يدورونه دواره وكان يصير مدير على طول ...

    لكن الحين البكالوريوس على قفى من يشيل .. ولا صاروا ياخذون إلا المتميز ...

    والحين الدور على الماجستير ... المطلوبين ماجستير افضل من البكالوريوس ..


    وبعد فترة بيصير خريج الماجستير مثل البكالوريوس الحين .. فيه تكدس ... ولا اي احد يقبلونه وبيكون المطلوب اللي معاه دكتوراه ..

    انت لاتقيس زمن قديم بمعطيات الحاظر ,,,
    7 "
  6. اخوواني ..


    انا معااكم انو كثير من تخصصات الجديده


    تكتثف بسرعه بالوظائف حتى لايسعناا


    بالسنه الثانيه اودفعه ثانيه ان نتوظف


    لكن يبقى شي لكل مجتهد نصيب


    وانا كاامراه شهادتي سلاحي


    مشواري لتدوير وظيفه اقل من المهل


    طيب شاكره لكم وججه نظركم


    ويبقى الرجل هو احوج للوظيفه


    عن نحن بزمن المراه ايضا تحتاج


    طيب ماعليش لو تساعدوني باختيار الجامعه؟


    وماهي تخصصات الادبيه الموجوده


    وهل انا كاحامله قسم ادبي استطيع التحاق


    باقسام العلمي ؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.